ព័ត៌មានជាតិ
បន្ទាន់! ខណៈពេលនេះសមត្ថកិច្ចកំពុងឡោមព័ទ្ធ ដេញប្រមាញ់ជនសង្ស័យដែលបាញ់សម្លាប់នាយរងការិយាល័យព្រហ្មទណ្ឌស្រាល
មណ្ឌលគិរី ៖ នាវេលាម៉ោង៩និង៥០នាទីយប់ ថ្ងៃទី៤នេះ សមត្ថកិច្ចកំពុងដុតដៃដុតជើង ដេញតាមប្រមាញ់ជនសង្ស័យ ដែលបាញ់សម្លាប់នាយរងការិយាល័យព្រហ្មទណ្ឌកម្រិតស្រាលរាជធានីភ្នំពេញ។
បើតាមប្រភពព័ត៌មានបានឲ្យដឹងថា ជនសង្ស័យបានបើករថយន្តបុកបារ៉ាស់ របស់សមត្ថកិច្ច រួចរត់ចូលពូនក្នុងព្រៃ។
ប្រភពដដែលក៏បានឲ្យដឹងទៀតថា ខណៈពេលនេះសមត្ថកិច្ចចម្រុះកំពុងធ្វើការស្រាវជ្រាវ និងឆែកឆេរគ្រប់តំបន់ ដែលសង្ស័យថា ជនសង្ស័យពូនលាក់ខ្លួន ដើម្បីចាត់ការតាមនីតិវិធី។
ប្រភពក៏បានបន្តថា ចាប់តាំងពីវេលាម៉ោង ៨ យប់ថ្ងៃទី៤ មករានេះ កម្លាំងសមត្ថកិច្ចខេត្តមណ្ឌលគិរីសហការជាមួយកម្លាំងសមត្ថកិច្ច មកពីរាជធានីភ្នំពេញកំពុងតាមចាប់ ជនដៃដល់ដែលបានបាញ់សម្លាប់មន្ត្រីប៉ូលិសនៅឯរាជធានីភ្នំពេញ ក្នុងករណីគ្រោះថ្នាក់ចរាចរណ៍ កាលពីពេលកន្លងទៅថ្មីៗនេះ ហើយបានធ្វើការឃាត់ខ្លួនប្រពន្ធដែលជាឃាតករត់ជាមួយគ្នា។
សូមរំលឹកផងដែរថា កាលពីយប់ថ្ងៃទី២៩ ខែធ្នូ ឆ្នាំ២០២០ វេលាម៉ោង២២និង៤៦នាទី ជនរងគ្រោះឈ្មោះ រ៉េត ស៊ីណែត ជានាយរងការិយាល័យព្រហ្មទណ្ឌកម្រិតស្រាល នៃស្នងការនគរបាលរាជធានីភ្នំពេញ និងឈ្មោះ ង៉ាន់ ភីលីន ភេទប្រុស អាយុ២៩ឆ្នាំ បានចេញពីហូបស៊ុបនៅម្ដុំវត្តភ្នំ ដោយបើករថយន្ដម៉ាក FORD RAPTER ពណ៌ស បាក់ស្លាកលេខ ភ្នំពេញ2BD 3738 តាមបណ្ដោយមហាវិថីសហព័ន្ធរុស្ស៊ីពីកើតមកលិច។
ពេលមកដល់ចំណុចកើតហេតុ ក៏មានរថយន្ដម៉ាកLEXUS RX 300 ពណ៌ខ្មៅ ពាក់ស្លាកលេខ សៀមរាប2A 4546 បានមកបុកពីក្រោយបណ្ដាលឲ្យរងការខូចខាត។ ពេលនោះជនរងគ្រោះ បានបើករថយន្ដមកបាំងពីមុខរថយន្ដជនបង្ក និងដកកាំភ្លើងខ្លីម៉ាកGLORCK 19 ភ្ជង់បំណងមិនឲ្យបើកគេចខ្លួន។ បន្ទាប់មកជនបង្កទាំងពីរនាក់ក៏ចុះមកចរចាជាមួយជនរងគ្រោះ ដោយព្រមយករថយន្ដរបស់ជនរងគ្រោះទៅជួសជុលនៅម្ដុំក្រោយមន្ទីរពេទ្យលោកសង្ឃ ហើយក៏បើករថយន្ដអែបកៀនទាំងអស់គ្នា។ ពេលដែលជនរងគ្រោះនិងឈ្មោះ ង៉ាន់ ភីលីន កំពុងអង្គុយមើលរថយន្ដដែលខូចខាត ស្រាប់តែជនបង្កទាំងពីរនាក់ ដកអាវុធខ្លីមិនចាំម៉ាក ពណ៌ទឹកប្រាក់ បាញ់ជនរងគ្រោះពីក្រោយចំនួន៤គ្រាប់ បណ្ដាលឲ្យស្លាប់នៅកន្លែងកើតហេតុ ហើយជនដៃដល់ទាំងពីរនាក់ឡើងជិះរថយន្ដគេចខ្លួនបាត់៕
កែសម្រួលដោយ ៖ នាគព័ន្ធ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង