ព័ត៌មានជាតិ
ខេត្តរតនគិរីមានភ្ញៀវទេសចរជិត ២ ម៉ឺននាក់ មកលេងកម្សាន្ត ៣ ថ្ងៃ នៃពិធីបុណ្យអុំទូកឆ្នាំ ២០២២
លោក ង៉ែត ពិទូ ប្រធានមន្ទីរទេសចរណ៍ខេត្តរតនគិរី បានឲ្យដឹងថា រយៈពេល ៣ ថ្ងៃ នៃពិធីបុណ្យអុំទូក (៧.៨.៩ ខែវិច្ឆិកា ឆ្នាំ ២០២២) ភ្ញៀវទេសចរជាច្រើនបានមកលេងកម្សាន្តនៅតាមរមណីយដ្ឋាននានាក្នុងខេត្តរតនគីរី កើនឡើងគួរឲ្យកត់សម្គាល់។ ពោល រយៈពេល ៣ ថ្ងៃនេះ មានភ្ញៀវសរុបចំនួន ១៩,១២៨ នាក់ ក្នុងនោះ ភ្ញៀវទេសចរជាតិ ១៩,០៧៥ នាក់ និងភ្ញៀវទេសចរអន្តរជាតិ ៥៣ នាក់។ ចំនួននេះកើនឡើង ៦.៣៩% ក្នុងនោះភ្ញៀវជាតិកើនឡើង ៦.៣៧% ភ្ញៀវអន្តរជាតិកើនឡើង១២.៧៧% បើប្រៀបធៀបទៅនឹងឆ្នាំ ២០២១ ភ្ញៀវជាតិមានត្រឹមតែ ១៧,៩៧៩ នាក់។

លោក ង៉ែត ពិទូ បានសម្ដែងនូវមោទនភាព នៃការកើនឡើងភ្ញៀវទេសចរឆ្នាំនេះ ដោយការកើនឡើងនេះ កើតចេញពីការគិតគូរយកចិត្តទុកដាក់ពីសំណាក់លោក ញ៉ែម សំអឿន អភិបាលខេត្ត។

ជាក់ស្ដែងដើម្បីទទួលភ្ញៀវទេសចរជាតិ-អន្តរជាតិ ក្នុងអំឡុងពេលព្រះរាជពិធីបុណ្យ អុំទូក បណ្តែតប្រទីប សំពះព្រះខែ និងអកអំបុក រយៈពេល ៣ ថ្ងៃនេះ ( ថ្ងៃទី ៧.៨.៩ ខែវិច្ឆិកា ឆ្នាំ ២០២២) លោកបានធ្វើការណែនាំឲ្យមន្ត្រីរាជការសម្អាតតាមមន្ទីរអង្គភាព ទីសាធារណៈ និងតំបន់រមណីយដ្ឋាននានា។

ដោយឡែកសោភ័ណភាពលម្អតាមដងផ្លូវក្នុងក្រុងបានលុង បានរំលេចទៅដោយភ្លើងពណ៌ចម្រុះគ្រប់ទីកន្លែង មើលទៅគួរឲ្យចង់គយគន់ និងទាក់ទាញមែនទែន។ ទន្ទឹមនោះ លោកក៏បានធ្វើការណែនាំដល់អាជ្ញាធរក្រុង,ស្រុក ទាំង ៩ ត្រូវការពារសុវត្ថិភាព និងបង្កលក្ខណៈងាយស្រួលឲ្យប្រជាពលរដ្ឋ អុំទូក អកអំបុក តាមមូលដ្ឋានរៀងៗខ្លួនផងដែរ៕
អត្ថបទ ៖ វុទ្ធឦសាន











-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?