ព័ត៌មានជាតិ

បុណ្យអុំទូក ៣ ថ្ងៃ ខេត្តបាត់ដំបង ទទួលបានភ្ញៀវទេសចរជិត ១០ ម៉ឺននាក់

បានផុស

២ years មុន

នៅ

ថ្ងៃព្រហស្បតិ៍ ១០ វិច្ឆិកា ២០២២

ដោយ

នៅក្នុងឱកាសព្រះរាជពិធីបុណ្យអុំទូក អកអំបុក បណ្ដែតប្រទីប និងសំពះព្រះខែ រយៈពេល ៣ ថ្ងៃ ដែលជាថ្ងៃឈប់សម្រាករបស់មន្ត្រីរាជការ ខេត្តបាត់ដំបង បានទទួលភ្ញៀវទេសចរចូលមកកម្សាន្ត ចំនួនជិត ១ សែននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា ចាប់តាំងពីថ្ងៃទី ៧ ដល់ថ្ងៃទី ៩ ខែវិច្ឆិកា ឆ្នាំ ២០២២ កន្លងទៅថ្មីៗនេះ គឺជាថ្ងៃប្រារព្ធពិធីបុណ្យអុំទូក អកអំបុក បណ្ដែតប្រទីប និងសំពះព្រះខែ ដែលជាប្រពៃណីខ្មែរតាំងពីយូរលង់ណាស់មកហើយ ដូច្នេះគ្រប់មន្ត្រីរាជការ និងក្រុមហ៊ុនឯកជនធំៗ ត្រូវបានអនុញ្ញាតឲ្យឈប់សម្រាក។ ហេតុដូច្នេះហើយទើបគេសង្គេតឃើញថា មានមនុស្សម្នាជាច្រើន បាននាំគ្នាដើរកម្សាន្តទៅគ្រប់ច្រកល្ហក។

ជាក់ស្ដែងនៅតាមតំបន់រមណីយដ្ឋានធម្មជាតិជាច្រើនក្នុងខេត្តបាត់ដំបង ក៏មានភ្ញៀវទេសចរយ៉ាងច្រើនកុះករចូលទៅកម្សាន្តផងដែរ ព្រោះនៅក្នុងខេត្តទាំងមូល មានតំបន់កម្សាន្តរាប់មិនអស់ ដែលភាគច្រើនជាតំបន់រមណីយដ្ឋានធម្មជាតិពិតៗតែម្ដង។

លោក អ៊ុច អ៊ុំភីនីហ្សារ៉ា ប្រធានមន្ទីរទេសចរខេត្ត បានបញ្ជាក់អំពីតួលេខ នៃភ្ញៀវទេសចរដែលចូលមកកម្សាន្តរយៈពេល ៣ ថ្ងៃ ចាប់ពីថ្ងៃទី ៧ ដល់ថ្ងៃទី ៩ វិច្ឆិកា គឺភ្ញៀវទេសចរជាតិមានចំនួន ៩៨.៣៨៨ នាក់ ភ្ញៀវទេសចរអន្តរជាតិ (ទេសចរផ្ទៃក្នុង) ២៦៧ នាក់ ចំនួនភ្ញៀវទេសចរសរុប ៩៨.៦៥៥ នាក់។ ប៉ុន្តែទោះបីជាភ្ញៀវទេសចរមានចំនួនតិច ឬច្រើនក៏ដោយ ក៏មន្ត្រីរបស់លោក នៅតែបន្តការណែនាំដល់ម្ចាស់រមណីយដ្ឋានទាំងអស់ ត្រូវបង្កើននូវការប្រុងប្រយ័ត្នជានិច្ចអំពីជំងឺកូវីដ-១៩៕

អត្ថបទ ៖ សោ និយមរ័ត្ន