អគ្គលេខាធិការUN លោក ​Antonio Guterres មកចូលរួមប្រជុំអាស៊ាន-អង្គកាសហប្រជាជាតិគ្រោងចូលសារមន្ទីរទួលស្លែង

លោក Antonio Guterres អគ្គលេខាធិការអង្គការសហប្រជាជាតិ (UNSG) និងគណៈប្រតិភូនឹងធ្វើទស្សនកិច្ចទៅកាន់សារមន្ទីរឧក្រិដ្ឋកម្មប្រល័យពូជសាសន៍ទួលស្លែងនៅវេលាម៉ោង ១២៖ ៥៥ នាទី ដល់ម៉ោង ១៣៖ ១០ នាទីថ្ងៃទី ១៣ ខែវិច្ឆិកានេះ។

ការិយាល័យអ្នកសម្របសម្រួលអង្គការសហប្រជាជាតិប្រចាំនៅកម្ពុជាបានសូមអញ្ជើញអ្នកសារព័ត៌មានជាតិ និងអន្តរជាតិ ចូលរួមពិធីថ្លែងសុន្ទរកថារបស់អគ្គលេខាធិការអង្គការសហប្រជាជាតិជាមួយអ្នកសារព័ត៌មាន បន្ទាប់ពីលោកបញ្ចប់ទស្សនកិច្ចនៅសារមន្ទីរនេះ។ លោកអគ្គលេខាធិការអង្គការសហប្រជាជាតិ Antonio Guterres នឹងធ្វើឡើងនៅបរិវេណសារមន្ទីរផ្ទាល់។

តាមគម្រោងលោក នឹងមកដល់កម្ពុជា នៅវេលាម៉ោង ១៤៖៤៥ ថ្ងៃទី ១១ ខែវិច្ឆិកានេះ ដើម្បីចូលរួមកិច្ចប្រជុំអាស៊ាន-អង្គការសហប្រជាជាតិលើកទី១២ និងព្រឹត្តិការពាក់ព័ន្ធនានានៅរាជធានីភ្នំពេញ៕