ព័ត៌មានជាតិ
នាយករដ្ឋមន្ត្រីម៉ាឡេស៊ីអវត្តមានក្នុងកិច្ចប្រជុំកំពូលអាស៊ាន ខណៈមេដឹកនាំនយោបាយភូមាមិនអនុញ្ញាតឲ្យចូលរួម
កិច្ចប្រជុំកំពូលអាស៊ានលើកទី៤០ និងទី៤១ ដែលកម្ពុជាធ្វើជាម្ចាស់ផ្ទះ គឺមិនមានវត្តមានចូលរួមរបស់លោកនាយករដ្ឋមន្ត្រីម៉ាឡេស៊ីឡើយ ដោយចាត់តំណាងមកជំនួស ខណៈមេដឹកនាំនយោបាយមីយ៉ាន់ម៉ា មិនត្រូវបានអញ្ជើញឲ្យចូលរួមឡើយ ដោយសារតែការអនុវត្តមិនបានពេញលេញនូវកិច្ចព្រមព្រៀងជាឯកច្ឆន្ទទាំង ៥ចំណុចរបស់អាស៊ាន ពាក់ព័ន្ធនឹង វិបត្តិនៅមីយ៉ាន់ម៉ា។
![](https://www.kampucheathmey.com/wp-content/uploads/2022/11/image-562-edited.png)
បើតាមលោក គង់ ភោគ អ្នកនាំពាក្យផ្លូវការកិច្ចប្រជុំកំពូលអាស៊ានបានបញ្ជាក់ថា បើទោះបីជាអាស៊ានមិនបានអញ្ជើញមេដឹកនាំនយោបាយនៃរដ្ឋាភិបាលយោធាមីយ៉ាន់ម៉ា យ៉ាងណាក្ដី ក៏ថ្នាក់ដឹកនាំអាស៊ាន បានអនុញ្ញាតឲ្យមានតំណាងកម្រិតមិនមែននយោបាយរបស់មីយ៉ាន់ម៉ា ដើម្បីចូលរួមកិច្ចប្រជុំកំពូលអាស៊ាននៅកម្ពុជា។ ប៉ុន្តែ ជាការឆ្លើយតបរបស់ភាគីមីយ៉ាន់ម៉ា បានសម្រេចមិនបញ្ជូនតំណាងរបស់ខ្លួនមកចូលរួមនោះទេ។
លោក គង់ ភោគ បានអះអាងថា ការអវត្តមានរបស់មីយ៉ាន់ម៉ា ដែលជាសមាជិកមួយរបស់អាស៊ាននៅក្នុងកិច្ចប្រជុំកំពូលអាស៊ានលើកទី៤០ និង៤១ គឺមិនបានធ្វើឲ្យប៉ះពាល់ជាដំណើរការរបស់អាស៊ាន ជាពិសេសគោលការណ៍កុងសង់ស៊ីសឡើយ។
![](https://www.kampucheathmey.com/wp-content/uploads/2022/11/image-568-edited.png)
ក្រៅពីអវត្តមានមេដឹកនាំមីយ៉ាន់ម៉ា ក៏មានមេដឹកនាំរបស់អាស៊ានមួយរូបទៀត មិនបានមកចូលរួមនៅក្នុងកិច្ចប្រជុំកំពូលអាស៊ាន ឆ្នាំ២០២២នេះដែរផង នោះគឺលោក Ismail Sabri Yaakob នាយករដ្ឋមន្រ្តីម៉ាឡេស៊ី ដោយមូលហេតុថា លោកកំពុងជាប់ភារកិច្ចនៅក្នុងការបោះឆ្នោតនៅក្នុងប្រទេសម៉ាឡេស៊ី។ តែយ៉ាងណា លោកនាយករដ្ឋមន្រ្តីម៉ាឡេស៊ី បានបញ្ជូនឥស្សរជនជាន់ខ្ពស់មួយរូបមកប្រជុំនៅកម្ពុជា គឺលោក តាន់ស្រ៊ី អាហ្សា អាហ្ស៊ីហ្សាន់ ហារុន បេសកជនពិសេសម៉ាឡេស៊ី។
![](https://www.kampucheathmey.com/wp-content/uploads/2022/11/image-569-edited.png)
គួរជម្រាបថា កិច្ចប្រជុំកំពូលអាស៊ានលើកទី៤១ និងលើកទី៤១ ដែលកម្ពុជាធ្វើជាម្ចាស់ផ្ទះ បានចាប់ផ្តើមពីថ្ងៃទី១០ ដល់ ទី១៣ ខែវិច្ឆិកា ឆ្នាំ២០២២ នៅរាជធានីភ្នំពេញ ក្រោមមូលបទ៖ «អាស៊ាន៖ ដោះស្រាយបញ្ហាប្រឈមរួមគ្នា»។ ជាមួយគ្នានេះ បណ្ដាមេដឹកនាំអាស៊ាន ដែលបានមកចូលរួមកិច្ចប្រជុំកំពូលអាស៊ាន រួមមាន៖ ព្រះចៅស៊ុលតង់ ព្រះមហាក្សត្រនៃព្រុយណេ , លោក ចូកូ វីដូដូ ប្រធានាធិបតីឥណ្ឌូនេស៊ី , លោក ហ្វឺឌីណាន់ ម៉ាកូស ជេអរ ប្រធានាធិបតីហ្វីលីពីន , លោក លី ស៊ានឡុង នាយករដ្ឋមន្ត្រីសឹង្ហបុរី , លោក ប្រាយុទ្ធ ចាន់អូចា នាយករដ្ឋមន្ត្រីថៃ , លោក ផាម មិញជិញ នាយករដ្ឋមន្ត្រីវៀតណាម , លោក ផាន់ខាំ វីផាវ៉ាន់ នាយករដ្ឋមន្ត្រីឡាវ , លោក តាន់ ស្រ៊ី អាហ្សា អាហ្ស៊ីហ្សាន់ ហារុន បេសកជនពិសេសនាយករដ្ឋមន្ត្រីម៉ាឡេស៊ី និងសម្ដេចតេជោ ហ៊ុន សែន នាយករដ្ឋមន្ត្រីកម្ពុជា ក្នុងនាមជាប្រធានអាស៊ាន ឆ្នាំ២០២២៕
![](https://www.kampucheathmey.com/wp-content/uploads/2022/11/image-571-edited.png)
![](https://www.kampucheathmey.com/wp-content/uploads/2022/11/image-565-1024x684.png)
ដោយ៖ ធឿន វ៉ាន់សុង
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?