ក្រុមគ្រូពេទ្យស្ម័គ្រចិត្ត លោក ជា សុផារ៉ា ចុះពិនិត្យ ព្យាបាលជំងឺភ្នែក ជូនប្រជាពលរដ្ឋ ឥតគិតថ្លៃ

ក្រុមគ្រូពេទ្យ មកពីមន្ទីរពេទ្យខ្មែរសូវៀត សហការជាមួយ ក្រុមគ្រូពេទ្យ ខេត្តត្បូងឃ្មុំ បានចុះពិនិត្យ ព្យាបាលជំងឺភ្នែក ជូនប្រជាពលរដ្ឋ ដោយឥតគិតថ្លៃ ក្នុងស្រុកក្រូចឆ្មារ ខេត្តត្បូងឃ្មុំ និងខេត្តក្រចេះ ចាប់ពីថ្ងៃទី១៤ ដល់ថ្ងៃទី១៦ ខែវិច្ឆិកា ឆ្នាំ ២០២២ ក្នុងបរិវេណមន្ទីរពេទ្យបង្អែកស្រុកក្រូចឆ្មារ។

វេជ្ជបណ្ឌិត កែវ វណ្ណៈ ប្រធានមន្ទីរ សុខាភិបាលខេត្តត្បូងឃ្មុំ បានឱ្យដឹងថា ក្រុមគ្រូពេទ្យ មកពីមន្ទីរពេទ្យខ្មែរ-សូវៀត   ដែលដឹកនាំ លោកស្រី ជា ស៊ីវម៉ី ប្រធាន ក្រុមការងារចុះជួយឃុំក្រូចឆ្មារ សហការជាមួយ ក្រុមគ្រូពេទ្យ ខេត្តត្បូងឃ្មុំ ចុះមកពិនិត្យព្យាបាលជំងឺភ្នែកនេះ គឺក្រោមការយកចិត្តទុកដាក់ពីសំណាក់ ឧបនាយករដ្ឋមន្ត្រី ជា សុផារ៉ា ប្រធានក្រុមការងារថ្នាក់ជាតិចុះជួយខេត្តត្បូងឃ្មុំ ដោយយកស្រុកក្រូចឆ្មារជាស្រុកគោលដៅ។

លោកវេជ្ជបណ្ឌិត បានផ្ដាំផ្ញើ ដល់បងប្អូនប្រជាពលរដ្ឋយកចិត្តទុកដាក់ថែរទាំ និងការពារសុខភាពភ្នែកឱ្យបានល្អ៕

អត្ថបទ និង រូបភាព៖  ឡេក  ចាន់ពេជ្រ