Connect with us

ព័ត៌មានជាតិ

មន្ត្រីជាន់ខ្ពស់ក្រសួងសង្គមកិច្ច ជំរុញដល់មន្ត្រីជំនាញពាក់ព័ន្ធបង្កើនកិច្ចការពារជនរងគ្រោះ ដោយអំពើជួញដូរមនុស្ស

បានផុស

នៅ

លោក តូច​ ចាន់នី​ អគ្គនាយក​ នៃអគ្គនាយកដ្ឋានសេវាសង្គមកិច្ច​ ក្រសួងសង្គមកិច្ច​ អតីតយុទ្ធជន​ និងយុវនីតិសម្បទា បានជំរុញដល់មន្ត្រីជំនាញពាក់ព័ន្ធ បង្កើនកិច្ចការពារជនរងគ្រោះដោយអំពើជួញដូរមនុស្ស ដើម្បីផ្តល់សេវាសមស្របដល់ជនរងគ្រោះ។  

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក តូច​ ចាន់នី​ ជំរុញបែបនេះ ខណៈអញ្ជើញជាអធិបតីក្នុងវគ្គបណ្តុះបណ្តាលគោលនយោបាយ និងបទដ្ឋានអប្បបរមា ស្តីពី កិច្ចការពារជនរងគ្រោះដោយអំពើជួញដូរមនុស្ស និងដំណើរការគ្រប់គ្រងករណីដល់អជ្ញាធរ អ្នកផ្តល់សេវាមូលដ្ឋាន ដើម្បីផ្តល់សេវាសមស្របដល់ជនរងគ្រោះដោយអំពើជួញដូរមនុស្ស នាព្រឹកថ្ងៃទី ១៥​ ខែវិច្ឆិកា ឆ្នាំ ២០២២នេះ។

វគ្គបណ្តុះបណ្តាលគោលនយោបាយ និងបទដ្ឋានអប្បបរមា ស្តីពី កិច្ចការពារជនរងគ្រោះដោយអំពើជួញដូរមនុស្ស នោះបានដំណើរការឡើងដោយមានការចូលរួមកិត្តិយស​ពី អភិបាលរង នៃគណៈអភិ​បាល ខេត្តព្រះវិហារ លោកប្រធាននាយកដ្ឋាន គាំពារជនរងគ្រោះ លោកប្រធាននាយកដ្ឋានកិច្ចការពារកុមារ តំណាងលោក ប្រធានមន្ទីរសង្គមកិច្ច​ អតីតយុទ្ធជន​ និងយុវនីតិសម្បទា​ ខេត្តព្រះវិហារ លោកប្រធានគម្រោងកម្មវិធី នៃអង្គការអាស៊ានអូស្ត្រាលីប្រយុទ្ធប្រឆាំងអំពើជួញដូរមនុស្សនៅកម្ពុជា និងនាយកអង្គការបណ្តាញប្រតិបត្តិការជួយសង្រ្គោះ ព្រមទាំងមានការចូលរួមពីសិក្ខាកាម លោក លោកស្រីប្រធាន អនុប្រធានការិយាល័យសង្គមកិច្ច និងសុខុមាលភាពសង្គមស្រុក លោកមេឃុំ មេភូមិ មណ្ឌលសុខភាព នាយកសាលា នៅស្រុកជាំក្សាន្តជាច្រើននាក់។

លោក តូច​ ចាន់នី​ អគ្គនាយក​ នៃអគ្គនាយកដ្ឋានសេវាសង្គមកិច្ច​ ក្រសួងសង្គមកិច្ច​ អតីតយុទ្ធជន​ និងយុវនីតិសម្បទា​ បានថ្លែងថា វគ្គបណ្តុះបណ្តាលនេះមានអត្ថប្រយោជន៍ណាស់ ដើម្បីផ្តល់សេវាសមស្របដល់ជនរងគ្រោះដោយអំពើជួញ ដូរមនុស្ស ពិសេសបន្តរួមគ្នាបង្កើនកិច្ចការពារជនរងគ្រោះដោយអំពើជួញដូរមនុស្សតែម្ដង។

សូមបញ្ជាក់ថា វគ្គបណ្តុះបណ្តាលនេះមានរយៈពេល ៣ថ្ងៃ  ត្រូវបានសហការរៀបចំដោយនាយកដ្ឋានគាំពារជនរងគ្រោះ នៃអគ្គនាយកដ្ឋានសេវាសង្គមកិច្ច​ ក្រសួង​ ស.អ.យ​ និងឧបត្ថម្ភគាំទ្រដោយអង្គការអាស៊ានអូស្ត្រាលីប្រយុទ្ធប្រឆាំងអំពើ ជួញដូរមនុស្សនៅកម្ពុជា និងអង្គការបណ្តាញប្រតិបត្តិការជួយសង្គ្រោះ៕

អត្ថបទ៖ វិមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ២២ ម៉ោង មុន

G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព

ព័ត៌មានអន្ដរជាតិ៦ ម៉ោង មុន

អាមេរិកទៀតហើយ! យន្តហោះមួយគ្រឿង បើកទៅបុកយន្តហោះមួយគ្រឿងទៀត 

ជីវិតកម្សាន្ដ២៤ ម៉ោង មុន

ផ្អាកបណ្ដាញសង្គម អតីតស្វាមី និងម្តាយក្មេក តួ សាន់ឆាយ ក្រោយបំពាននិងរកលុយពីអ្នកស្លាប់

ព័ត៌មានអន្ដរជាតិ៦ ម៉ោង មុន

ត្រាំ គំរាម​ហាម៉ាស​ឲ្យ​ដោះលែង​ចំណាប់ខ្មាំង​ទាំង​អស់​ត្រឹម​ថ្ងៃ​សៅរ៍ បើ​មិន​ដូច្នោះ​លុប​បទ​ឈប់បាញ់ រួច​វាយ​កម្ទេច​ក្រុម​នេះ​តែ​ម្ដង

ឯកឧត្តមបណ្ឌិត ហុឺ វីរៈ
ព័ត៌មានជាតិ២៤ ម៉ោង មុន

លោកបណ្ឌិត ហ៊ឺ វីរៈ ៖ “ខ្មែរមិនដែលមានវប្បធម៌ជេរគ្នាទេ”

Sokha Hotels

ព័ត៌មានពេញនិយម