ព័ត៌មានជាតិ

មានបណ្ណ ២ ប្រភេទ នេះ ពលរដ្ឋក្រីក្រ អាចទទួលការព្យាបាលដោយឥតគិតថ្លៃ

បានផុស

៤ years មុន

នៅ

ថ្ងៃអង្គារ ២៧ តុលា ២០២០

ដោយ

ដើម្បីជួយសម្រួលបន្ទុកចំណាយ ដល់ពលរដ្ឋដែលខ្វះខាតលើជីវភាព រដ្ឋាភិបាលបានចេញប័ណ្ណអាចឲ្យពលរដ្ឋទៅទទួលសេវាព្យាបាលជំងឺនៅតាមមន្ទីរពេទ្យដោយឥតគិតថ្លៃ។

លោក ជំទាវ ឳម វណ្ណឌីន អ្នកនាំពាក្យក្រសួងសុខាភិបាលបានឲ្យដឹងថា មានបណ្ណពីរប្រភេទដែលពលរដ្ឋក្រីក្រអាចប្រើប្រាស់ពេលទៅទទួលសេវាព្យាបាលនៅមន្ទីរពេទ្យ ដោយរដ្ឋជាអ្នកចេញថ្លៃជួស។ ទីមួយគឺបណ្ណក្រីក្រ សម្រាប់ជនក្រីក្រ និងបណ្ណ បសស សម្រាប់កម្មករ និងមន្ត្រីរាជការស៊ីវិល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីពលរដ្ឋគ្មានបណ្ណក្រីក្រ ក៏អាចទៅទទួលសេវា ដោយត្រូវជម្រាបទៅមន្ទីរពេទ្យ ដែលមានគណកម្មការ ឬក្រុមការងារអាចវាយតម្លៃ និងផ្តល់ការលើកលែងបង់ថ្លៃបាន។ លោកជំទាវបញ្ជាក់ដែរថា ប្រជាជនខ្វះខាតជីវភាពហើយមិនមានបណ្ណក្រីក្រ ភាគច្រើនមន្ទីរពេទ្យតែងតែយកចិត្ទទុកដាក់ ផ្តល់សេវាព្យាបាលដូចគេដូចឯងដោយគ្មានរបាំងហិរញ្ញវត្ថុនោះទេ។

លោកជំទាវបន្តថា ការផ្តល់សេវាវិញនៅតាមមន្ទីរពេទ្យកាន់តែមានភាពល្អប្រសើរឡើងទៅតាមកម្រិត និងតាមទីកន្លែង ហើយភាពពេញចិត្តសេវាក៏កើនឡើងដែរ ដែលធ្វើឲ្យមន្ទីរពេទ្យរដ្ឋ កន្លែងខ្លះមានអ្នកជំងឺមកទទួលសេវាច្រើន។

លោកជំទាវ ក៏ស្នើឲ្យបងប្អូនទៅប្រើប្រាស់សេវានៅតាមមន្ទីរពេទ្យ កុំទុកឲ្យជំងឺវិវត្តន៍ទៅហួសពេលព្យាបាលឲ្យសោះ៕

Related Topics:បេឡាជាតិសន្តិសុខសង្គម (ប.ស.ស)