ស្អែកនេះ​ ភូមិ​វប្បធម៌​សៀមរាប បើក​ឲ្យ​ភ្ញៀវ​ចូល​លេង ៤ ថ្ងៃ ជាការ​លា​ចុងក្រោយ

រមណីយដ្ឋាន ភូមិវប្បធម៌កម្ពុជា នឹង​បើកឲ្យ​ភ្ញៀវ​ចូលទស្សនា រយៈពេល៤ថ្ងៃ គឺចាប់ពីថ្ងៃទី២៩ ខែតុលា ដល់ថ្ងៃទី ០១ ខែវិច្ឆិកា ឆ្នាំ ២០២០ ដើម្បីថ្លែងអំណរគុណដល់ពុកម៉ែបងប្អូន ជាចំណងដៃចុងក្រោយ មុន​បិទ​ដំណើរការ​ទាំង​ស្រុង​នៅថ្ងែទី ០៧ ខែវិច្ឆិកា ឆ្នាំ ២០២០។

រមណីយដ្ឋាន​ទេសចរណ៍​ដ៏​ល្បី​នេះ បើក​ដំណើរការអស់​​រយៈពេល១៧ឆ្នាំ និង​ក្លាយ​ជា​គោលដៅ​ទេសចរណ៍​ដ៏​ល្បី​មួយ​នៅ​ក្រុង​សៀមរាប។

សូមកុំឱ្យឱកាសដ៏វិសេសនេះកន្លងផុតទៅ ចាប់​ពីថ្ងៃទី២៩ ខែតុលា ដល់ថ្ងៃទី ០១ ខែវិច្ឆិកា ឆ្នាំ ២០២០ ជា​ពេល​វេលា​ដែល​បង​ប្អូន​អាច​ចូល​ទៅ​ទស្សនា និង​ថត​រូបអនុស្សាវរីយ៍​ចុងក្រោយ មុន​រមណីយដ្ឋាន​ទេសចរណ៍​​នេះ​នឹង​ត្រូវ​បិទ​ជា​រៀងរហូត។

រមណីយដ្ឋានភូមិវប្បធម៌កម្ពុជាមានទីតាំងស្ថិតនៅក្នុងភូមិគ្រួស ឃុំស្វាយដង្គំ ស្រុកសៀមរាប ដែលមានចំងាយប្រមាណជា ៣គីឡូម៉ែត្រ ពីទីរួមខេត្តសៀមរាប៕