ព័ត៌មានជាតិ
ធ្លាក់ដោយស្វ័យប្រវត្តិ បើបេក្ខជនប្រឡងបាក់ឌុបប្រព្រឹត្តកំហុសទាំងនេះ
បេក្ខជនដែលឱ្យគេមកប្រឡងជំនួស នាំចូលនូវអាវុធជាតិផ្ទុះ នឹងត្រូវធ្លាក់ដោយស្វ័យប្រវត្តិ និងមិនមានសិទ្ធិប្រឡងចំនួន ២ឆ្នាំ។ នេះបើតាមការបញ្ជាក់របស់ លោកបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា ក្នុងសន្និសីទសារព័ត៌មាន អំពី ដំណើរការរៀបចំការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ០៥ ធ្នូ ឆ្នាំ២០២២ នាព្រឹកថ្ងៃចន្ទ ទី២១ វិច្ឆិកានេះ ។

បើតាមលោករដ្ឋមន្ត្រី កំហុសនៃការឱ្យអ្នកដទៃមកប្រឡងជំនួស ការនាំចូលនូវអាវុធជាតិផ្ទុះ ឬការលួចចម្លង នឹងត្រូវចាត់ចូលជាការក្លែងបន្លំឯកសារសាធារណៈ ជាហេតុដែលបង្កផលប៉ះពាល់ទៅដល់សណ្តាប់ធ្នាប់នៃការប្រឡង។ លោកថា បើសិនជាបេក្ខជនណា មិនគោរពតាមគោលការណ៍ នៃការប្រឡង សញ្ញាបត្រទុតិយភូមិ ឆ្នាំសិក្សា២០២១-២០២២ ក្រសួងនឹងចាត់វិធានការនៃការដាក់ទោសដែលមាន ៣កម្រិត ដោយរាប់ចាប់កម្រិតស្រាល កម្រិតមធ្យម ដល់កម្រិតធ្ងន់។
ដោយឡែក ចំពោះបេក្ខជនដែលធ្វើឱ្យប៉ះពាល់ដល់កិតិ្តយសនៃការប្រឡង ដោយការលួចចម្លងសំណៅឯកសារ ឬងាកឆ្វេង ងាកស្តាំ ធ្វើឱ្យដំណើរការនៃការប្រឡងមិនរលូន នោះមន្ត្រីត្រួតពិនិត្យនៅតាមមណ្ឌលប្រឡង នឹងធ្វើការផ្ទៀងផ្ទាត់ឯកសាររបស់បេក្ខជននោះ ជាមួយនឹងឯកសារបេក្ខជនដែលអង្គុយក្បែរ បើសិនជារកឃើញថាចម្លងគ្នា នឹងឱ្យធ្លាក់ដោយស្វ័យប្រវត្តិដូចគ្នា។

ទន្ទឹមនឹងនេះ លោករដ្ឋមន្ត្រី ក៏បានស្នើឱ្យសិស្សានុសិស្សខិតខំរម្លឹកមេរៀន ព្រមទាំងទទួលទានអាហារ និងដំណេក ឱ្យគ្រប់គ្រាន់។ ពិសេស ត្រូវគោរពតាមបទបញ្ញត្តិជាធរមាន និងមិនត្រូវយកសំណៅឯកសារចូលមណ្ឌលប្រឡងឡើយ។
គួរបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០២១-២០២២ នឹងប្រព្រឹត្តទៅរយៈពេល ២ថ្ងៃ គឺនៅថ្ងៃទី៥-៦ ខែធ្នូ ឆ្នាំ២០២២ ដែលមានបេក្ខជនសរុបចំនួន ១២៨១៤៣នាក់ ក្នុងនោះស្រី ៦៨៧៧១នាក់។ រីឯមណ្ឌលសំណេរសរុបចំនួន ២២១ មណ្ឌល ត្រូវជា ៥១៧៤បន្ទប់៕



-
ព័ត៌មានអន្ដរជាតិ១១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?