ព័ត៌មានជាតិ

ឃាត់រថយន្ដដឹកសាច់មាន់ខូចគុណភាព១គ្រឿង ចេញពីប្រទេសថៃ តាមច្រករបៀង

បានផុស

៤ years មុន

នៅ

ថ្ងៃពុធ ២៨ តុលា ២០២០

ដោយ

ក្រុមជំនាញបសុពេទ្យខេត្តបន្ទាយមានជ័យ សហការជាមួយកម្លាំងនគរបាលប៉ុស្តិ៍ បានចុះបង្ក្រាប រថយន្តដឹកសាច់មាន់ ខូចគុណភាព ១គ្រឿង ចេញពីប្រទេសថៃ តាមច្រករបៀង១គ្រឿង នៅម៉ោង១២.៣៥នាទី រំលងអាធ្រាត្រ ថ្ងៃទី២៧ ខែតុលា ឆ្នាំ ២០២០ នៅចំណុចស្ពានលេខ ៣ ភូមិជោគជ័យ ឃុំ អូរបីជាន់ ស្រុកអូរជ្រៅ ។

រថយន្តដែលសមត្ថកិច្ចឃាត់ ម៉ាក ហ៊ីយ៉ាន់ដាយ ពណ៌ ស ពាក់ស្លាកលេខ 2C.7818 ដឹកសាច់មាន់ តាមច្រករបៀងជោគជ័យ ឈមជាមួយ ច្រកណងចាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីនគរបាលប៉ុស្តិ៍ បានប្រាប់អ្នកយកព័ត៌មានឲ្យដឹងថា ការឃាត់រថយន្តដឹកសាច់មាន់ ខូចគុណភាពនេះដើម្បីទប់ស្កាត់នូវរាល់ទំនិញខូចគុណភាព ទប់ស្កាត់ជំងឺឆ្លង និងវិធានការ របស់អគ្គនាយកដ្ឋាន សុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្រមាញ់ និងនេសាទ ដែលជាហេតុបង្កផលប៉ះពាល់ដល់បរិមាណ គុណភាព សុវត្ថិភាពដល់អ្នកទទួលទានផងដែរ។

សមត្ថកិច្ច បានបញ្ជាក់ឲ្យដឹងទៀតថា រថយន្តដឹកសាច់មាន់ដែលបានឃាត់ គឺខុសលក្ខណៈបច្ចេកទេស ដែលនាំឲ្យខូចគុណភាព សាច់មាន់ទាំងអស់ ត្រូវកម្ទេចចោល ចំណែករថយន្ត ត្រូវបានរៀបចំសំណុំរឿងចាត់ការតាមនីតិវិធីច្បាប់៕

អត្ថបទ ៖ វ៉ាន់ ណាង