សម្ដេចតេជោ ហ៊ុន សែន ទម្លាយកំណត់ហេតុជំនួបជាមួយលោក ចូ បៃដិន ​មិនមានការស្នើឲ្យដោះលែង កញ្ញា សេង ធារីនោះទេ

សម្ដេចតេជោ ហ៊ុន សែន នាយករដ្ឋមន្ត្រីកម្ពុជានៅថ្ងៃទី ២២ ខែវិច្ឆិកានេះបានឲ្យដឹងថា នៅក្នុងជំនួបរវាងសម្ដេចជាមួយ លោក ចូ បៃដិន ប្រធានាធិបតីសហរដ្ឋអាមេរិក អំឡុងពេលកិច្ចប្រជុំកំពូលអាស៊ានកាលពីពេលថ្មីៗនេះ មិនមានការស្នើឲ្យដោះលែង កញ្ញា សេង ធារីនោះទេ។

សម្ដេចតេជោ ហ៊ុន សែន មានប្រសាសន៍នៅក្នុងពិធីបិទសន្និបាតជាតិខួប ៣០ឆ្នាំ នៃសកម្មភាពមីនដោយសម្ដេចបានផ្ដាំទៅកាន់អ្នកធ្វើអត្ថាធិប្បាយជុំវិញប្រធានាធិបតីអាមេរិក លោក ចូ បៃដិនក្នុងជំនូបជាមួយសម្ដេចឲ្យមានការគោរពចំពោះក្រមសីលធម៌ នៃមេដឹកនាំដែលមានការជជែកគ្នា។

សម្ដេចតេជោ ហ៊ុន សែន មានប្រសាសន៍ថា «រឿងថា ឯណាអប្សរាក្បាលត្រង៉ោលត្រូវតែដោះលែង ខ្ញុំអត់ដឹង ព្រោះខ្ញុំអត់បានស្ដាប់ ខ្ញុំអត់ឭសម្ដី ចូ បៃដិន និយាយចឹងផង ខ្ញុំសូមទោសដល់ទៅចាកប្រធានហួសហេតុពេក យើងធ្វើទៅមិនរួច»។

កញ្ញា សេង ធារី ត្រូវបាន​ត្រូវបានតុលាការ​ប្រកាសសាលក្រមនៅថ្ងៃទី ១៤ ខែមិថុនា ឆ្នាំ ២០២២ ​ដាក់ពន្ធនាគារ ៦ ឆ្នាំ ក្រោម​បទ​ចោទ​ប្រកាន់​ញុះញង់​ និង​រួម​គំនិត​ក្បត់​ពាក់ព័ន្ធ​នឹងដំណើរ​វិល​​ចូលស្រុក​របស់​លោក សម រង្ស៊ី​កាល​ពី​ឆ្នាំ២០១៩​៕