ព័ត៌មានជាតិ
មណ្ឌលភ្នំពេញឆ្នាំនេះ មានបេក្ខជនប្រឡងទុតិយភូមិ ជាង ២ ម៉ឺននាក់ កើនជាង ២ ពាន់នាក់
ឆ្នាំនេះមានបេក្ខជនចូលរួមប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបនៅមណ្ឌលប្រឡងរាជធានីភ្នំពេញប្រមាណជាង ២ម៉ឺននាក់ កើនឡើងជាង ២ពាន់នាក់ បើធៀបទៅនឹងការប្រឡងឆ្នាំមុន។

លោក ហែម ស៊ីណារ៉េត ប្រធានមន្ទី រអប់រំ យុវជន និងកីឡា មានប្រសាសន៍ នៅរសៀលថ្ងៃទី២២ ខែវិច្ឆិកានេះថា សម្រាប់ការប្រឡងបាក់ឌុបនៅឆ្នាំនេះ នៅមណ្ឌលប្រឡងរាជធានីភ្នំពេញមានបេក្ខជនដាក់ពាក្យប្រឡងចំនួន ២៣ ៣៨៥នាក់ ចែកជា ៣០មណ្ឌល ត្រូវជា ៩៤៤បន្ទប់ ក្នុងនោះមានថ្នាក់វិទ្យាសាស្ត្រចំនួន ១៤មណ្ឌល ស្មើនឹង ៤៣៣បន្ទប់ មានបេក្ខជនចំនួន ១០ ៦៩៤នាក់ និងថ្នាក់វិទ្យាសាស្ត្រសង្គម ចំនួន ១៦មណ្ឌល ស្មើនឹង ៥១១បន្ទប់ មានបេក្ខជន ចំនួន ១២ ៦៩១ នាក់។

លោកប្រធានមន្ទីរបានបន្តថា ចំនួនបេក្ខជនប្រឡងបាក់ឌុបឆ្នាំនេះមានការកើនឡើងចំនួន ២ ៦០៦ នាក់ បើធៀបទៅនឹងឆ្នាំមុនដែលមានបេក្ខជនដាក់ពាក្យប្រឡងចំនួន ២០ ៧៧៩ នាក់ មាន ២៨ មណ្ឌល ចែកជា ៨៤០ បន្ទប់។

ក្រសួងអប់រំ យុវជន និងកីឡា នឹងរៀបចំការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប នៅថ្ងៃទី៥ និង៦ ខែធ្នូឆ្នាំ២០២២ ដោយមានបេក្ខជនចុះឈ្មោះប្រឡងចំនួន ១២៨ ១៣៤ នាក់ ស្រី ៦៨ ៧៧១នាក់ ចែកចេញជា ២២១ មណ្ឌល ត្រូវជា ៥ ១៧៤ បន្ទប់ និងប្រកាសលទ្ធផលប្រឡងនៅរសៀលថ្ងៃទី២៧ ខែធ្នូ សម្រាប់មណ្ឌលប្រឡងនៅភ្នំពេញ និងខេត្តកណ្តាល និងថ្ងៃទី២៨ ខែធ្នូ សម្រាប់ខេត្តផ្សេងៗទៀតទូទាំងប្រទេស។ ចំពោះដំណើរការរៀបចំដំណើរការប្រឡង ក្រសួងអប់រំគ្រោងនឹងចំណាយថវិកាប្រមាណ ២១ ពាន់លានរៀល ស្មើនឹង ៥ លានដុល្លារអាមេរិក សម្រាប់ឧបត្ថម្ភគណៈកម្មការនានា ក្នុងកិច្ចដំណើរការប្រឡង ដែលមាន ៤ ដំណាក់កាល គឺការតាក់តែងប្រធានវិញ្ញាសា ពេលសំណេរ ពេលកំណែ និងបូកស្រង់ដោយកុំព្យូទ័រ។

សម្រាប់ការប្រឡងបាក់ឌុបនៅឆ្នាំនេះ មានគណៈមេប្រយោគ និងគណៈកម្មការនានាចូលរួមចំនួន ២៧ ៧៥៣ នាក់ ក្នុងនោះមានគណៈកម្មការមេប្រយោគជាង ១៧ ០០០ នាក់ គណៈកម្មាការកំណែជិត ១ ម៉ឺននាក់ ជំនួយការអប្បមាទចំនួន ២ ៧០០ នាក់ និងមន្ត្រីសង្កេតការណ៍មកពីអង្គភាពប្រឆាំងអំពើពុករលួយចំនួន ២ ពាន់នាក់៕
អត្ថបទ៖ សំអឿន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ