ចោរ​គាស់​ផ្ទះ​ ​លួច​មាស​ពេជ្រ​លុយកាក់​ជាច្រើន​ សមត្ថកិច្ចកំពុងវែកមុខ

ភ្នំពេញ ៖ អ្នកភូមិ​ព្រែក​ថ្លឹង​មួយ​គ្រួសារ​ត្រូវ​ចោរ​គាត់​ទ្វារ​ខាងក្រោយ​ផ្ទះ និង​គាស់​ទូ​ដែក​លួច​យក​យក​លួច​ មាស ពេជ្រ លុយកាក់​អស់​ជាច្រើន។

ហេតុការណ៍​ភ្ញាក់ផ្អើល​កាលពី​វេលា​ម៉ោង​ប្រហែល ១៥ និង​១៥​នាទី រសៀល​ថ្ងៃទី​៥ ខែមករា ឆ្នាំ២០២១ នៅ​ចំណុច​ភូមិ​ព្រែក​ថ្លឹង សង្កាត់​ជើងឯក ខណ្ឌដង្កោ រាជធានី​ភ្នំពេញ។

តា​មប្រភព​ព័ត៌មា​នបាន​ឲ្យ​ដឹ​ង​ថា ជនរងគ្រោះ​មានឈ្មោះ ឡាយ ឡន ខណៈពេលនេះ​សមត្ថកិច្ច​ជំនាញ​ព្រហ្មទណ្ឌ​នគរបាល​ខណ្ឌដង្កោ សហការ​ជាមួយ​កម្លាំង​នគរបាល​ប៉ុ​ស្តិ៍​រដ្ឋបាល​ជើងឯក​កំពុង​ចុះ​ពិនិត្យ​ជាក់ស្តែង ដើម្បី​ស្រាវជ្រាវ​ស្វែងរក​បក្ខពួក​ក្រុម​ជនសង្ស័យ​យកមក​ផ្តន្ទាទោស​តាមច្បាប់។

ទោះបី​យ៉ាង​ណា​ក្តី​ជុំវិញ​ករណីនេះ​មិនទាន់មាន​ប្រភព​ណា​បញ្ជាក់​អោយ​ច្បាស់លាស់​អំពី​ការបាត់បង់​ទ្រព្យសម្បត្តិ​ទាំងនោះ អស់​ទំហំ​ទឹកប្រាក់​ប៉ុន្មាន​នៅឡើយ​ទេ ៕
ដោយ ​​៖ ​រ៉ា​វុ​ទ្ធ