ព័ត៌មានជាតិ
លោកស្រី ឱ វណ្ណឌីន អំពាវនាវដល់ពលរដ្ឋត្រូវចេះរស់នៅតាមបែបគន្លងថ្មីដើម្បីបញ្ចៀសពីជំងឺដង្កាត់ផ្សេងៗ(Videos)
ភ្នំពេញ ៖ នៅក្នុងឱកាសឆ្នាំថ្មីឆ្នាំ២០២១នេះ លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានអំពាវនាវដល់បងប្អូនប្រជាពលរដ្ឋត្រូវចេះរស់នៅតាមបែបគន្លងថ្មីដើម្បីការពារកុំឲ្យមានការចម្លងជំងឺដង្កាត់ផ្សេងៗពិសេសកូវីដ១៩ដែលកំពុងបន្តយាយីនៅកម្ពុជាក៏ដូចជាពិភពលោកឡើយ។
តាមរយៈសារសំឡេងតាមប្រព័ន្ធតេឡេក្រាមនៅថ្ងៃនេះ លោកស្រីបានបន្តថា «នៅឆ្នាំ២០២១នេះអ្វីដែលបងប្អូនត្រូវបន្តយកចិត្តទុកដាក់បន្តទៀតនោះ គឺត្រូវអនុវត្តនូវវិធានការណ៍ ៣ ការពារ និង ៣កុំ ក្នុងនោះ៣ការពាររួមមានពាក់ម៉ាស់ លាងដៃឲ្យបានញឹកញាប់និងគម្លាតសុវត្ថិភាពសង្គម និងគម្លាតសុវត្ថិភាពបុគ្គល ដោយចាប់ពី១ម៉ែត្រកន្លះឡើងទៅឲ្យបានគ្រប់គ្នា និងនៅគ្រប់ទីកន្លែងហើយបងប្អូនដែលត្រូវធ្វើចត្តាឡីស័ក ត្រូវធ្វើឲ្យគ្រប់ចំនួន១៤ថ្ងៃឲ្យបានត្រឹមត្រូវទៅតាមវិធានរបស់ក្រសួងសុខាភិបាលដើម្បីការពារកុំឲ្យឆ្លងចូលសហគមន៍។
លោកស្រីបានបន្តទៀតថា ចំពោះ៣កុំវិញរួមមានកុំចូលទៅកន្លែងបិទជិតគ្មានខ្យល់ចេញចូល និងប្រើម៉ាស៊ីនត្រជាក់ច្រើនពេក រកកន្លែងមានខ្យល់ចេញចូលល្អ កុំទៅកន្លែងមនុស្សច្រើនកុះករនិងកុំប៉ះពាល់គ្នា កុំចាប់ដៃគ្នា កុំកៀកស្មាគ្នា កុំឱបគ្នាជាដើម ពេលជួបគ្នា។
ជាមួយគ្នានេះដែរ លោកស្រីបានណែនាំឲ្យប្រជាពលរដ្ឋត្រូវចេះកែប្រែទម្លាប់ឲ្យចេះរស់នៅស្អាត ហូបស្អាតនិងបរិស្ថានល្អដែលអាចការពារពីជំងឺឆ្លងផ្សេងៗទៀតមិនមែនតែជំងឺកូវីដ១៩នោះទេពិសេសជំងឺមិនឆ្លងរួមមានជំងឺលើសឈាមទឹកនោមផ្អែមនិងជំងឺមហារីកជាដើមដែលតែងតែកើតឡើងជាញឹកញាប់។
លោកស្រីបានបន្ថែមទៀតថា «សូមកុំពិសារប្រៃពេក ផ្អែមពេកនិងខ្លាញ់ពេកនិងត្រូវហាត់ប្រាណឲ្យបានទៀងទាត់និងជាប់ជាប្រចាំដើម្បីសុខភាពរបស់បង្អូនឲ្យបានល្អនិងជៀសផុតពីជំងឺទាំងនេះ»។
លោកស្រីបានបន្តទៀតថា ទន្ទឹមនឹងនេះ ត្រូវយកចិត្តទុកចិត្តពីសុខភាពខ្លួនឯងកុំចាំដល់ឈឺហើយទៅពេទ្យគឺត្រូវពិនិត្យសុខភាពឲ្យបានទៀងទាត់ដើម្បីការពារជំងឺផ្សេងៗដែលជាការចូលរួមចំណែកយ៉ាងសំខាន់ក្នុងការជួយសម្រាលបន្ទុកដល់វិស័យសុខភាពសាធារណៈពិសេសនៅតាមមន្ទីរពេទ្យនានានិងជាការរួមចំណែកក្នុងការកាត់បន្ថយការចំណាយផ្ទាល់ខ្លួននិងគ្រួសារព្រមទាំងថវិការបស់រដ្ឋផងដែរ៕
ដោយ ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?