ព័ត៌មានជាតិ

កងទ័ពជើងគោក ៖ ឃាតកដែលបាញ់សម្លាប់នគរបាលព្រហ្មទណ្ឌកម្រិតស្រាល ពុំមែនជាយោធិនកងទ័ពពិសេសទេ

បានផុស

៤ years មុន

នៅ

ថ្ងៃអង្គារ ៥ មករា ២០២១

ដោយ

ភ្នំពេញ ៖ កងទ័ពជើងគោក នៃបញ្ជាការដ្ឋានកងទ័ពពិសេស បានធ្វើការបដិសេធឃាតក ដែលបានបាញ់សម្លាប់នគរបាលព្រហ្មទណ្ឌកម្រិតស្រាល កាលពីពេលថ្មីៗនេះ ថា ពុំមែនជាយោធិននៅក្នុងបញ្ជាការដ្ឋាននៃកងទ័ពពិសេសនោះទេ។

យោងតាមលិខិតបដិសេធរបស់កងទ័ពជើងគោកនៃបញ្ជាការដ្ឋានកងទ័ពពិសេស ដែលកម្ពុជាថ្មីទទួលបានឲ្យដឹងថា ក្នុងនាមមេបញ្ជាការនិងមេបញ្ជាកការរង នាយទាហាន នាយទាហានរង និងពលទាហានបញ្ជាការដ្ឋានទ័ពពិសេស សូមធ្វើការបដិសេធ យ៉ាងដាច់អហង្ការចំពោះការផ្សព្វផ្សាយតាមបណ្ដាញសង្គម ហ្វេសបុក ប្រឌិតព័ត៌មានក្លែងក្លាយថា ជនល្មើសជាយោធិនរបស់បញ្ជាការដ្ឋានទ័ពពិសេស និងមានឋានន្តរស័ក្តិជាឧត្តមសេនីយ៍ត្រី ធ្វើឲ្យប៉ះពាល់ដល់កិត្តិយសអង្គភាព ហេតុដូចនេះ អង្គភាពសូមឲ្យម្ចាស់គណនីហ្វេសបុកទាំងនោះកែតម្រូវព័ត៌មានជាថ្មីឡើងវិញរង់ចាំសមត្ថកិច្ចជំនាញស្រាវជ្រាវចាប់ជនល្មើសយកមកផ្តន្ទាទោសតាមច្បាប់។

កងទ័ពជើងគោក នៃបញ្ជាការដ្ឋានកងទ័ពពិសេស បានបន្តថា បើសិនជាមានម្ចាស់គណនីហ្វេសបុកណា ដែលនៅតែបន្តផ្សព្វផ្សាយព័ត៌មានមិនពិត ដែលគ្មានប្រភពជាក់លាក់ ធ្វើឲ្យប៉ះពាល់ដល់កិត្តិយសទៀតនោះ អង្គភាពនឹងប្តឹងដល់ក្រសួងសមត្ថកិច្ចវែកមុខរកម្ចាស់គណនីហ្វេសបុកនោះមកផ្តន្ទាទោសចំពោះមុខច្បាប់ជាធរមាន៕

កែសម្រួលដោយ ៖ នាគព័ន្ធ

Related Topics:កងទ័ពជើងគោក