ព័ត៌មានជាតិ
ពិធីប្រគល់ទង់អាស៊ានជូនឥណ្ឌូណេស៊ី ធ្វើជាម្ចាស់ផ្ទះ នៃកិច្ចប្រជុំ ADMM លើកទី ១៧ និង ADMM-Plus លើកទី ១០ នៅឆ្នាំ ២០២៣
កិច្ចប្រជុំរដ្ឋមន្ត្រីការពារជាតិអាស៊ាន បូកលើកទី ៩ ត្រូវបានបិទបញ្ចប់ កាលពីរសៀលថ្ងៃទី ២៣ ខែវិច្ឆិកា ឆ្នាំ ២០២២ នៅសាលសន្និសីទសណ្ឋាគារសុខាសៀមរាប ខេត្តសៀមរាប ដែលរៀបចំឡើងដោយ កម្ពុជា ធ្វើជាម្ចាស់ផ្ទះ ឆ្នាំ ២០២២ មាន សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ជាប្រធានអាស៊ាន ត្រូវបានធ្វើការប្រគល់ទង់អាស៊ាន ជូនប្រទេសឥណ្ឌូណេស៊ី ធ្វើជាម្ចាស់ផ្ទះ នៃកិច្ចប្រជុំ ADMM លើកទី ១៧ និង ADMM-Plus លើកទី ១០ នាឆ្នាំ ២០២៣។
មានប្រសាសន៍ក្នុងពិធីប្រគល់ទង់នាឱកាសនោះ សម្ដេចពិជ័យសេនា ទៀ បាញ់ បានសម្ដែងនូវមោទនភាពខ្ពស់ចំពោះកិច្ចប្រជុំរដ្ឋមន្ត្រីការពារជាតិអាស៊ាន-បូក លើកទី ៩ ក្រោមប្រធានបទ (សាមគ្គី ដើម្បីសន្តិសុខ និងភាពសុខដុម) ត្រូវបានបិទបញ្ចប់។ សម្ដេច ក៏បានសម្ដែងនូវការអបអរសាទរចំពោះ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានលើកឡើងនូវគន្លឹះសំខាន់ៗ ទៅលើភាពជោគជ័យ នៃកិច្ចប្រជុំរដ្ឋមន្ត្រីការពារជាតិអាស៊ាន និងកិច្ចប្រជុំពាក់ព័ន្ធមួយចំនួន ត្រូវបានបង្ហាញពីការសាមគ្គីភាព និងឯកភាពយូរអង្វែងរបស់អាស៊ាន ក្នុងការលើកកម្ពស់សន្តិភាព និងសេរីភាព នៅក្នុងតំបន់។
សម្ដេច បានបន្តទៀតថា កិច្ចប្រជុំរដ្ឋមន្ត្រីការពារជាតិអាស៊ាន និងដៃគូ បានដំណើរការប្រកបដោយផ្លែផ្កា និងប្រកបទៅដោយស្មារតីមិត្តភាព ក្នុងទិសដៅពង្រឹងសន្តិភាព ស្ថិរភាព ដោយឈរលើមជ្ឈភាពអាស៊ាន ដែលបានគាំទ្រភាពជាប្រធានអាស៊ាន និងប្រធានកិច្ចប្រជុំពាក់ព័ន្ធ រួមទាំងកិច្ចប្រជុំរដ្ឋមន្ត្រីការពារជាតិអាស៊ានរបស់កម្ពុជា។ កម្ពុជា បានធ្វើជាប្រធាន នៃកិច្ចប្រជុំអាស៊ាន ក្នុងដំណាក់កាលមានបញ្ហាប្រឈមជាច្រើន ដែលប៉ះពាល់ដល់សន្តិភាព សន្តិសុខ នៅក្នុងតំបន់ និង សកលលោក។ ទោះបីក្នុងករណីយ៉ាងណា ក្នុងស្មារតីសាមគ្គី ដើម្បីសន្តិសុខប្រកបដោយភាពសុខដុម និងការឯកភាពគ្នាទៅលើគោលការណ៍រួម ដើម្បីលើកកម្ពស់កិច្ចខិតខំប្រឹងប្រែងក្នុងពេលកន្លងមក ដែលធ្វើឲ្យសម្រេចបាននូវគោលដៅរួម ក្នុងក្តីសង្ឃឹមចំពោះសន្តិភាព ស្ថិរភាព សន្តិសុខ វិបុលភាព នៅក្នុងតំបន់។ កត្តាជោគជ័យទាំងនេះ មានការគាំទ្រពីបណ្ដាប្រទេសជាសមាជិកអាស៊ាន និងដៃគូ។
ក្នុងពិធីផ្ទេរប្រគល់ទង់នោះដែរ សម្ដេចពិជ័យសេនា ទៀ បាញ់ ក៏មានសង្ឃឹមជឿជាក់ថា សាមគ្គីធម៌ នៃការធ្វើជាប្រធានអាស៊ាន នឹងរួមចំណែកបន្ថែមទៀតក្នុងកិច្ចសហប្រតិបត្តិការលើវិស័យការពារជាតិឲ្យកាន់តែស៊ីជម្រៅ និងបង្ហាញការចូលរួមក្នុងន័យស្ថាបនា ក្នុងចំណោមប្រទេសជាសមាជិកអាស៊ាន ដូចជា អាស៊ាន និងដៃគូសន្ទនាផងដែរ។
ក្នុងនោះដែរ សម្ដេច ក៏មានទំនុកចិត្តយ៉ាងមុតមាំទៅលើសមិទ្ធផលក្នុងឆ្នាំ ២០២២ នេះ និងអាចឲ្យយើងរួមចំណែកប្រកបដោយអត្ថន័យ ជាមួយនឹងការកសាងសហគមន៍អាស៊ាន កិច្ចសហប្រតិបត្តិការប្រកបដោយនិរន្តភាព និងប្រសិទ្ធភាព ដើម្បីជាផលប្រយោជន៍របស់ប្រជាជាតិអាស៊ានទាំងមូល និងលើកកម្ពស់ នៃការគោរពគ្នាទៅវិញទៅមក ការយល់ពីគ្នាទៅវិញទៅមក ការជឿទុកចិត្តគ្នាទៅវិញទៅមក និងផលប្រយោជន៍រួម ដើម្បីសន្តិភាព និងវិបុលភាព គឺជាមូលដ្ឋានគ្រឹះដ៏សំខាន់។
នៅក្នុងពិធីផ្ទេរប្រគល់ទង់នោះ សម្ដេចពិជ័យសេនា ទៀ បាញ់ បានធ្វើកិច្ចស្វាគមន៍ចំពោះ ឯកឧត្ដមរដ្ឋមន្ត្រីក្រសួងការពារជាតិ នៃប្រទេសឥណ្ឌូណេស៊ី ដែលបានឡើងកាន់តំណែងជាប្រធានអាស៊ាន នៃកិច្ចប្រជុំADMM លើកទី ១៧ និង ADMM-Plus លើកទី ១០ នៅឆ្នាំ ២០២៣ ព្រមទាំងមានសង្ឃឹមជឿជាក់ផងដែរ នៅក្រោមការដឹកនាំរបស់ប្រទេសឥណ្ឌូណេស៊ី និងសហប្រតិបត្តិការរបស់អាស៊ាន ក្នុងវិស័យការពារជាតិ ឲ្យកាន់តែមានការរីកចម្រើន ដើរឆ្ពោះទៅមុខប្រកបដោយភាពជោគជ័យ៕
អត្ថបទ ៖ គឿនវេត
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២២ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ