ព័ត៌មានជាតិ

មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច

បានផុស

៤ years មុន

នៅ

ថ្ងៃពុធ ៦ មករា ២០២១

ដោយ

សាលាអន្តរជាតិធំៗនៅភ្នំពេញមួយចំនួន តម្លៃសិក្សាថ្លៃមិនចាញ់សាលានៅក្រៅប្រទេសទេ។ ការបង់ថ្លៃចូលរៀនមួយឆ្នាំអាចដល់ខ្ទង់ម៉ឺនដុល្លារ។

សាលាអន្តរជាតិទាំង ៥ មានតម្លៃសិក្សាខ្ពស់ សម្រាប់កូនទូត កូនបរទេស កូនអ្នកមានលុយចូលរៀនដែលមានកេរ្តិ៍ឈ្មោះល្បីៗមាន៖

1/ International School of Phnom Penh (ISPP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ISPP ជាសាលាចំណេះដឹងអន្តរជាតិ ដែលបង្រៀនសិស្សពីថ្នាក់ដំបូងរហូតដល់ថ្នាក់ទី ១២។ សាលា ISPP បង្កើតឡើងនៅឆ្នាំ១៩៩០ មកដល់ពេលនេះមានអាយុកាលជាង ៣០ ឆ្នាំ។ មានទីតាំងថ្មីដ៏ធំ ស្ថិតនៅមហាវិថីសម្តេចតេជោ ហ៊ុន សែន (ផ្លូវ ៦០ ម៉ែត្រ) តម្លៃសិក្សាមួយឆ្នាំរបស់សាលា ISPP ចាប់ពី ៧៧០០ ដុល្លារ ដល់ ២៤០០០ ដុល្លារ។

2/ Canadian International School of Phnom Penh (CIS)

សាលាអន្តរជាតិ CIS មានចាប់ពីថ្នាក់មត្តេយ្យរហូតដល់ដល់ថ្នាក់ទី ១២។ បើកទ្វារដំបូងដោយមានតែថ្នាក់មត្តេយ្យក្នុងបុរីឧទ្យានបាសាក់ CIS បានពង្រីកខ្លួនកាន់តែធំឡើងៗ ដោយមានសាខាដល់ទៅ ២ ទី ១ គឺសាខាកោះពេជ្រ និងសាខាថ្នាក់មត្តេយ្យក្នុងខណ្ឌទួលគោក។ តម្លៃសិក្សា CIS ចាប់ពី ៦៣០០ ដុល្លារ ដល់ ១៧០០០ ដុល្លារក្នុងមួយឆ្នាំ។

3/ Northbridge International School (NIS)

សាលាអន្តរជាតិ Northbridge មានទីតាំងស្ថិតនៅផ្លូវ ២០០៤ ជាសាលាដែលផ្តល់ការសិក្សាជាអន្តរជាតិ។ មានកម្មវិធីអាចសិស្សផ្លាស់ប្តូរការសិក្សាជាមួយសិស្សអន្តរជាតិតាមរយៈ Global Campus។ តម្លៃសិក្សារបស់ Northbridge ចាប់ពី ៦០០០ ដុល្លារ ដល់ ២៤០០០ ដុល្លារ ក្នុងមួយឆ្នាំ។

4/ Australian International School of Phnom Penh (AISPP)

សាលាអន្តរជាតិដ៏ធំថ្មីមួយទៀតនេះ ទើបប្រឡូកក្នុងវិស័យអប់រំនៅកម្ពុជាប៉ុន្មានឆ្នាំចុងក្រោយនេះ។ អនុវត្តកម្មវិធីសិក្សាមកពីប្រទេសអូស្ត្រាលី មានបង្រៀនចាប់ពីឆ្នាំដំបូងៗរហូតដល់ថ្នាក់ទី ១២។

ស្ថិតនៅក្នុងខណ្ឌប្ញស្សីកែវ គ្របដណ្តប់លើផ្ទៃដីដល់ទៅ ៦ ហិកតា តម្លៃសិក្សាសាលា AISPP ចាប់ពី ៥០០០ ដុល្លារ ដល់ ២២០០០ ដុល្លារក្នុងមួយឆ្នាំ។

5/ Lycée Français René Descartes

សាលាបារាំង រឺនេដេកាត សិក្សាដោយផ្ទាល់ជាភាសាបារាំងមានពីថ្នាក់មតេ្តយ្យដល់ថ្នាក់ទី១២។ មានទីតាំងក្បែរសាកលវិទ្យាល័យជាតិគ្រប់គ្រង តម្លៃសិក្សារបស់សាលាដែលគ្រប់គ្រងដោយជនជាតិបារាំង ចាប់ពី ៦០០០ ដុល្លារ ដល់ ៩០០០ ដុល្លារ ក្នុងមួយឆ្នាំ៕

Related Topics:សាលារៀន