ព័ត៌មានជាតិ
ប្រតិភូអន្តរជាតិជាង ១៧ ប្រទេស នឹងទៅទស្សនាគោលដៅតំបន់ឆ្នេរសមុទ្រកម្ពុជា
នៅក្នុង «សន្និបាតក្លឹបឆ្នេរសមុទ្រដែលស្អាតជាងគេលើសកលលោក» នាខេត្តព្រះសីហនុខាងមុខនេះ កម្ពុជានឹងដឹងនាំប្រតិភូអន្តរជាតិប្រមាណជាង ១២០ នាក់មកពីជាង ១៧ប្រទេស ទៅទស្សនកិច្ចគោលដៅតំបន់ឆ្នេរសមុទ្រកម្ពុជាក្នុងគោលបំណងបង្អួតគោលដៅទេសចរណ៍ និងផ្សព្វផ្សាយទៅកាន់ពិភពលោកតាមរយៈព្រឹត្តិការណ៍នេះ។

ក្នុងឱកាសកិច្ចប្រជុំត្រៀមរៀបចំសន្និបាតក្លឹបឆ្នេរសមុទ្រដែលស្អាតជាងគេនៅលើពិភពលោក និងពិធីបុណ្យសមុទ្រនៅខេត្តព្រះសីហនុ កាលពីម្សិលមិញនេះ លោក ជុក ជំនោរ ប្រធាននាយកដ្ឋានជំរុញផលិតផលទេសចរណ៍ នៃក្រសួងទេសចរណ៍ ក៏បានគូសបញ្ជាក់ថា គោលដៅសំខាន់ៗដែលគ្រោងនឹងរៀបចំទស្សនកិច្ចជូនប្រតិភូអន្តរជាតិរួមមាន កោះរុង កោះឋានសួគ៌ កោះសង្សារ កោះក្របី កោះឫស្សី សហគមន៍អេកូទេសចរណ៍ពាមក្រសោបនៅខេត្តកោះកុង ក៏ដូចជាឆ្នេរសមុទ្រនានានៅខេត្តព្រះសីហនុ។
លោកប្រធាននាយកដ្ឋានក៏បានបន្តថា ប្រតិភូដែលនឹងមកចូលរួមក្នុងសន្និបាតក្លឹបឆ្នេរសមុទ្រដែលស្អាតជាងគេលើសកលលោកនេះ មកពីប្រទេសវៀតណាម ថៃ ចិន ជប៉ុន កូរ៉េខាងត្បូង ហ្វីលីពីន អ៊ីស្រាអែល បារាំង អេស្ប៉ាញ ព័រទុយហ្គាល់ កាណាដា ប្រេស៊ីល ម៉ារ៉ុក កូឌីវ័រ ម៉ូសំប៊ិក សេណេហ្គាល់ អង់ហ្គោឡា និងប្រទេសក្នុងតំបន់សមុទ្រការី បង់ (Caribbean Sea)។

លោក ថោង ខុន រដ្ឋមន្ត្រីក្រសួងទេសចរណ៍បានជំរុញក្រុមការងារបច្ចេកទេស ត្រូវរៀបចំឱ្យមានទស្សនកិច្ចទៅកាន់គោលដៅទេសចរណ៍ប្រណិត តាមគោលដៅឆ្នេរសមុទ្រ កោះ និងសហគមន៍អេកូទេសចរណ៍។ លើសពីនេះទៀត លោករដ្ឋមន្ត្រីក្រសួងទេសចរណ៍បានលើកឡើងបន្តថា «ក្នុងដំណាក់កាលនៃការស្តារវិស័យទេសចរណ៍ក្រោយវិបត្តិជំងឺកូវីត១៩ គឺមានតែគោលដៅឆ្នេរសមុទ្រ កោះ និងសហគមន៍អេកូទេសចរណ៍ទេ ដែលបានដើរតួសំខាន់ក្នុងការទាក់ទាញ និងទទួលបានភ្ញៀវទេសចរណ៍ច្រើនជាងគេ»។ មិនតែប៉ុណ្ណោះ ប្រសិនបើកម្ពុជា រៀបចំទស្សនកិច្ចទៅកាន់គោលដៅទេសចរណ៍បានល្អប្រសើរ នោះនឹងជួយផ្សព្វផ្សាយពីគោលដៅទេសចរណ៍កម្ពុជាទាំងមូលយ៉ាងប្រសើរបំផុត ព្រោះកម្មវិធីនេះ ជាឱកាសពិសេសខ្លាំងសម្រាប់វិស័យទេសចរណ៍កម្ពុជា ព្រមទាំងជួយបង្កើនការចូលមកទស្សនាប្រទេសកម្ពុជាកាន់តែច្រើនមួយកម្រិតទៀត។

គួរជម្រាបថា ព្រឹត្តិការណ៍នៃសន្និបាតក្លឹបឆ្នេរសមុទ្រដែលស្អាតបំផុតលើសកលលោក និងពិធីបុណ្យសមុទ្រនឹងធ្វើឡើងចាប់ពីថ្ងៃទី ៩-១៤ ខែធ្នូ ឆ្នាំ២០២២ ខាងមុខ៕
ដោយ៖ ថារី

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១២ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ