ព័ត៌មានជាតិ

លោក ស៊ុន ចាន់ថុល ជឿជាក់នឹងមានផ្លូវល្បឿនលឿនទៅខេត្តសៀមរាប

បានផុស

២ years មុន

នៅ

ថ្ងៃអង្គារ ២៩ វិច្ឆិកា ២០២២

ដោយ

ថ្លែងក្នុងពិធីដាក់ឲ្យដំណើកការស្ថានីយបញ្ចូលថាមពលយានយន្តអគ្គិសនី និងពិធីប្រគល់-ទទួលយានយន្តអគ្គិសនី នៅទីស្ដីការក្រសួងសាធារណការ និងដឹកជញ្ជូននៅព្រឹកមិញនេះ លោក ស៊ុន ចាន់ថុល បានបង្ហើបពីគម្រោងសាងសង់ផ្លូវល្បឿនមួយខ្សែទៀតពីភ្នំពេញទៅខេត្តសៀមរាប ដែលកំពុងស្ថិតនៅក្នុងដំណាក់កាលសិក្សា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស៊ុន ចាន់ថុល បានថ្លែងឲ្យដឹងថា ខណៈកម្ពុជានឹងស្ថាបនាផ្លូវលឿនទីពីរទៅក្រុងបាវិត មានក្រុមហ៊ុន ៤ កំពុងសិក្សាសាងសង់ផ្លូវល្បឿនលឿនទៅខេត្តសៀមរាប។

បើតាមលោករដ្ឋមន្រ្តី ផ្លូវល្បឿនលឿនទៅខេត្តសៀមរាប មានក្រុមហ៊ុន ៤ កំពុងសិក្សា តែមិនទាន់ទទួលបានលទ្ធផលយ៉ាងណានៅឡើយ។ តែលោករដ្ឋមន្រ្តីជឿជាក់ថា នៅថ្ងៃមុខប្រាកដណាស់នឹងមានផ្លូវល្បឿនលឿនទៅខេត្តសៀមរាបជាមិនខាន។

ក្រោយបញ្ចប់និងដាក់ឲ្យដំណើរការផ្លូវល្បឿនលឿនទៅខេត្តព្រះសីហនុ រដ្ឋាភិបាលកម្ពុជាគ្រោងស្ថាបនាផ្លូវល្បឿនលឿនមួយខ្សែទៀតទៅក្រុងបាវិតខេត្តស្វាយរៀង។ ផ្លូវល្បឿនលឿនទីពីរបើតាមរដ្ឋមន្រ្តីក្រសួងសាធាណការនិងដឹកជញ្ជូន គ្រោងបើកការដ្ឋានសាងសង់នៅពាក់កណ្តាលឆ្នាំ ២០២៣ ដោយប្រើប្រាស់ទុនវិនិយោគប្រហែល ១៧០០ លានដុល្លារ៕