ព័ត៌មានជាតិ
អាជ្ញាធរខេត្តស្ទឹងត្រែងនឹងជួយសម្រួលកន្លែងស្នាក់នៅអាហារដល់សិស្សក្រីក្រក្នុងពេលប្រឡងបាក់ឌុប
លោក ម៉ែន គង់ អ្នកនាំពាក្យសាលាខេត្តស្ទឹងត្រែងបានបញ្ជាក់នៅរសៀលថ្ងៃទី ២៩ វិច្ឆិកា នេះថា សិស្សដែលមានជីវភាពខ្វះខាតនៅតាមបណ្ដាលស្រុកទាំងប្រាំក្នុងខេត្តស្ទឹងត្រែងមកប្រឡងសញ្ញាបត្រមធ្យមសិក្សាទុតិយភូមិ អាជ្ញាធរនិងជួយសម្រួលដល់ការស្នាក់នៅការហូបចុកនិងមធ្យោបាយធ្វើដំណើរ។

លោកបានបន្តឱ្យដឹងទៀតថា ពេលនេះលោកកំពុងតែឲ្យខាងអាជ្ញាធរតាមបណ្ដាស្រុកទាំងប្រាំប្រមូលទិន្នន័យសិស្សដែលមានជីវភាពខ្វះខាតពុំមានលទ្ធភាពក្នុងការមកប្រលងមធ្យមសិក្សាទុតិយភូមិនៅថ្ងៃទី ៥ ខែធ្នូ ខាងមុខនេះ ដើម្បីឲ្យដំណើរការបានរលូន។
លោក សំ ប៊ុនធិន អភិបាលរងស្រុកសៀមប៉ាងក៏បានឲ្យដឹងដែរថា សិស្សដែលត្រូវមកប្រឡងមធ្យមសិក្សាទុតិយភូមិនៅថ្ងៃខាងមុខនោះមានចំនួន ៦១ នាក់ក្នុងនោះមានសិស្សមានជីវភាពខ្វះខាតពុំមានលទ្ធភាពក្នុងការមកប្រឡងមានចំនួន ១៥នាក់ អាជ្ញាធរស្រុកក៏បានជួយជាថវិកាមួយចំនួនសម្រាប់ជាមធ្យោបាយធ្វើដំណើរកន្លែងស្នាក់នៅនឹងការហូបចុកផងដែរ។

ដោយឡែកលោកអភិបាលស្រុកសៀមបូកលោក សួង ហ៊ី បានបញ្ជាក់ថា សិស្សដែលត្រូវមកប្រឡងមធ្យមសិក្សាទុតិយភូមិមានចំនួន ១១៧នាក់ស្រី ៦៦ នាក់មកពីវិទ្យាល័យចំនួនពីរវិទ្យាល័យទួលវិជ្ជា ឃុំស្រែក្រសាំង និងវិទ្យាល័យនៅឃុំកោះស្រឡាយ។
លោកបញ្ជាក់បន្ថែមថា ក្នុងចំណោមសិស្សចំនួន ១១៧នាក់ មិនមានសិស្សណាម្នាក់ដែលអត់មានលទ្ធភាពនោះទេ គឺគាត់មានលទ្ធភាពរៀងៗខ្លួនទាំងការស្នាក់នៅហូបចុក។
លោកសាយកុសលអភិបាលក្រុងក៏បានបញ្ជាក់ដែរថា:ក្នុងពេលប្រឡងនេះលោកក៏បានត្រៀមដាក់ផែនការរៀបចំកងកម្លាំងក្នុងការសម្របសម្រួល និងថែរក្សាសណ្ដាប់ធ្នាប់ សន្ដិសុខសុវត្ថិភាពនៅទីតាំងមណ្ឌលប្រឡងក្នុងដែនសមត្ថកិច្ចរបស់ខ្លួនឲ្យបានល្អប្រសើរ។

លោកអភិបាលក្រុងក៏បានស្នើដល់ម្ចាស់ផ្ទះសំណាក់ អាហារដ្ឋាន ភោជនីយដ្ឋាននានានៅក្នុងក្រុងស្ទឹងត្រែងកុំឲ្យដំឡើងថ្លៃក្នុងពេលសិស្សប្រលង។
លោកស្រី ទី ធីតា អនុប្រធានមន្ទីរអប់រំ យុវជន និងកីឡាខេត្តបានបញ្ជាក់ថា បេក្ខជនបេក្ខនារីប្រឡងទាំងអស់ត្រូវគោរពពេលវេលាវិន័យប្រឡងហាមយកសំណៅឯកសារចម្លើយក៏ដូចឧបករណ៍អេឡិចត្រូនិកដើម្បីធានាថា ការប្រឡងនេះមាន ស្តង់ដារគុណភាពខ្ពស់ពិសេសត្រូវគោរពតាមបទបញ្ជាបទបញ្ញត្តិដែលក្រសួងបានដាក់ចុះ។
សូមបញ្ជាក់ថា នៅខេត្តស្ទឹងត្រែងក្នុងសម័យប្រលងមធ្យមសិក្សាទុតិយភូមិ ៥ ធ្នូ មានមណ្ឌលប្រឡងចំនួនពីរមួយមណ្ឌលប្រឡងគរុកោសល្យភូមិភាគស្ទឹងត្រែងថ្នាក់វិទ្យាសាស្ត្រសង្គមមាន ២៩ បន្ទប់បេក្ខជនដាក់ពាក្យសរុប ៧២៣នាក់ស្រី ៣៥១ នាក់។
ពីរមណ្ឌលប្រលងវិទ្យាល័យព្រះរាជបូជនីយកិច្ចថ្នាក់វិទ្យាសាស្ត្រមាន ៨បន្ទប់ បេក្ខជនដាក់ពាក្យប្រលងសរុប ១៧៨ នាក់ស្រី ១១៤នាក់៕
អត្ថបទ៖ ងិនលីម

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ