អគ្គនាយកដ្ឋានគយ ជូនដំណឹងឱ្យបេក្ខជន​ជាមន្រ្តីរាជការ​ប្រឡងជាប់ ៥០នាក់ ត្រូវបង្ហាញខ្លួន

អគ្គនាយកដ្ឋានគយ និងរដ្ឋាករកម្ពុជា បានជូនដំណឹ និងអញ្ជើញបេក្ខជនជាមន្រ្តីរាជការចំនួន ៥០នាក់ ដែលប្រឡងជាប់​ជាស្ថាពរ ចូលបម្រើការងារនៅអគ្គនាយកដ្ឋានគយ និងរដ្ឋាករកម្ពុជា កាលពីថ្ងៃទី ៣០ ខែតុលា ឆ្នាំ ២០២២ ត្រូវបង្ហាញខ្លួន នៅថ្ងៃទី ០៧ ខែ ធ្នូ ឆ្នាំ ២០២២ នៅវេលាម៉ោង ០៩ ព្រឹក។

បើតាមអគ្គនាយកដ្ឋានគយ នៅពេលបង្ហាញខ្លួនបេក្ខជនត្រូវភ្ជាប់មកជាមួយនូវសលាកបត្រឯកត្តជន រួមនឹងអត្តសញ្ញាណបណ្ណ ឬបណ្ណសម្គាល់មន្រ្តីរាជការ។

ក្នុងករណីបេក្ខជនពុំបានមកបង្ហាញខ្លួន ដោយគ្មានមូលហេតុច្បាស់លាស់ នឹងត្រូវបានចាត់ទុកថា បោះបង់ចោលនូវ​លទ្ធផលប្រឡងដោយស្វ័យប្រវត្តិ និងគ្មានលក្ខខណ្ឌ៕