ព័ត៌មានជាតិ
ក្រុងបាត់ដំបង ត្រៀមសាងសង់វិមានឯករាជ្យ និងបង្កើតផ្សាររាត្រីថ្មី
លោក សុខ លូ អភិបាលនៃគណៈអភិបាលខេត្តបាត់ដំបងបានលើកឡើងថា រដ្ឋបាលខេត្តបាត់ដំបងគ្រោងធ្វើការរៀបចំសាងសង់វិមានឯករាជ្យ និងបង្កើតផ្សាររាត្រីថ្មីនាពេលខាងមុខនេះ។

ក្នុងពិធីជួបសំណេះសំណាលជាមួយអាជីវករដែលកំពុងលក់ដូរនៅផ្សាររាត្រី និងនៅតាមវិថីម្ហូបអាហារតាមបណ្តោយដងស្ទឹងសង្កែត្រើយខាងលិច លោក សុខ លូ បានឲ្យដឹងថា ទីតាំងផ្សាររាត្រីបាត់ដំបងថ្មី គ្រោងធ្វើការសាងសង់នាពេលដ៏ខ្លីខាងមុខ ដោយទីតាំងចាស់នឹងជំនួសវិញដោយវិមានឯករាជ្យ និងសួនសម្ដេចក្រឡាហោមវិមានឯករាជ្យជាមួយការរៀបចំសួនច្បារថ្មី ដែលមានមុខងារច្រើនយ៉ាងជាកន្លែងដើរកម្សាន្ត។

លោកបន្តថា រដ្ឋបាលខេត្តបាត់ដំបងបានធ្វើការសិក្សានិងគិតគូរជូនអាជីវករបានរួចរាល់អស់ទៅហើយ ដើម្បីផ្លាស់ប្ដូរទៅប្រកបអាជីវកម្មនៅកន្លែងថ្មី ដោយមិនមែនទុកចោលឡើយ។
លោក សុខ លូ ក៏បានសំណូមពរនិងសុំធ្វើការអធ្យាស្រ័យដល់អាជីវករទាំងអស់មេត្តាយោគយល់ ព្រោះថាការអភិវឌ្ឍគឺតែងតែមានការប៉ះពាល់ ដែលទាមទារឱ្យអាជីវករក៏ដូចជាប្រជាពលរដ្ឋទាំងអស់មេត្តាលះបង់ និងចូលរួមជាមួយរដ្ឋបាលខេត្ត ព្រោះថាការអភិវឌ្ឍគឺក្នុងគោលបំណងតែមួយគត់ ដើម្បីបម្រើប្រយោជន៍ប្រជាពលរដ្ឋ ដើម្បីលើកកម្ពស់វិស័យសេដ្ឋកិច្ចក្នុងខេត្ត ក៏ដូចជាលើកកម្ពស់វិស័យទេសចរណ៍ក្នុងខេត្តឱ្យកាន់តែរីកចម្រើន ដើម្បីទាក់ទាញភ្ញៀវទេសចរជាតិ និងអន្តរជាតិបានច្រើនផងដែរ។

បើតាមអាជ្ញាធរខេត្តបាត់ដំបង ទីតាំងផ្សាររាត្រីថ្មីដែលរដ្ឋបាលខេត្តគ្រោងធ្វើការសាងសង់នាពេលខាងមុខនេះ គឺជាអតីតសួនច្បារដែលធ្វើការទុកចោលអស់រយៈពេលជាយូរមកហើយ។ ចំពោះការអភិវឌ្ឍផ្សាររាត្រី ក៏ដូចជាវិមានឯករាជ្យ និងសួនសម្ដេចក្រឡាហោមវិមានឯករាជ្យនាពេលខាងមុខនេះ រដ្ឋបាលខេត្តសង្ឃឹមថានឹងកែលំអរមុខមាត់ខេត្តបាត់ដំបងឱ្យកាន់តែស្រស់ស្អាតជាងមុន និងកាន់តែទាក់ទាញជាងមុនទៀត ដើម្បីលើកកម្ពស់មុខមាត់ក្រុងបាត់ដំបងឱ្យមានសោភ័ណភាពកាន់តែស្រស់បំព្រង៕
អត្ថបទ៖ សោ និយមរ័ត្ន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ