ព័ត៌មានជាតិ
គណបក្សប្រជាជនកម្ពុជា ប្រារព្ធទិវាជ័យជម្នះ៧មករា បន្តិចបន្តួចតាមមូលដ្ឋាន
ការប្រារព្ធមីទ្ទីងរំឭកខួបជ័យជម្នះ៧មករា ឆ្នាំ២០២១ ខួបលើកទី៤២ ត្រូវបានគណបក្សប្រជាជនកម្ពុជា ប្រកាសមិនមានការរៀបចំមីទ្ទីងជាលក្ខណៈទ្រង់ទ្រាយធំ ដូចឆ្នាំមុនៗទេ ក្នុងន័យបង្ការការពារការឆ្លងរីករាលដាលនៃជំងឺកូវីដ១៩ ។
នេះជាលើកទី១ហើយ ដែលគណបក្សដឹកនាំរាជរដ្ឋាភិបាល ដ៏មានប្រជាប្រិយភាពមួយនេះ បានសម្រេចផ្អាកធ្វើពិធីប្រារព្ធថ្ងៃជ័យជម្នះជាប្រវត្តិសាស្ត្រ ដ៏មានសារៈសំខាន់នេះ ដោយសារតែបញ្ហារីករាលដាលនៃកូវីដ១៩។ ប៉ុន្តែលោក សុខ ឥសាន អ្នកនាំពាក្យគណបក្សបានគូសបញ្ជាក់ថា បើទោះបីនៅថ្នាក់ជាតិ មិនរៀបចំការប្រារព្ធអបអរមែន តែនៅថ្នាក់មូលដ្ឋានអាចនឹងមានការជួបជុំគ្នាអបអរបន្តិចបន្តួចដែរ នៅថ្ងៃទី០៧ ខែមករានេះ។
អ្នកនាំពាក្យគណបក្សប្រជាជនកម្ពុជា លោក សុខ ឥសាន បានអះអាងប្រាប់សារព័ត៌មានថា ការមិនរៀបចំប្រារព្ធពិធីមីទ្ទីងរំឭកខួបថ្ងៃ៧មករា នៅក្នុងឆ្នាំ២០២១នេះ គឺធ្វើឡើងតាមសភាពការណ៍ នៃការរីករាលដាលនៃជំងឺកូវីដ-១៩ ពោលគឺគណបក្សប្រជាជនកម្ពុជា បានបង្ការការពារដល់សមាជិកសមាជិការបស់ខ្លួន ពីហានិភ័យឆ្លងជំងឺរាតត្បាតមួយនេះ ។
យោងតាមលិខិតជូនដំណឹងរបស់គណបក្សប្រជាជនកម្ពុជា ចុះថ្ងៃទី៦ ខែតុលា ឆ្នាំ២០២០ ដែលចុះហត្ថលេខាដោយ សម្តេចវិបុលសេនាភក្តី សាយ ឈុំ អនុប្រធានគណបក្ស ប្រជាជនកម្ពុជា បានបញ្ជាក់ឱ្យដឹងថា យោងសភាពការណ៍នៃជំងឺCovid-19 ដែលនៅតែបន្តឆ្លងរាលដាលខ្លាំងពាសពេញពិភពលោក និងតម្រូវឱ្យកម្ពុជា បន្តប្រុងប្រយ័ត្ន ក្នុងកម្រិតខ្ពស់ជាប់ជានិច្ច។
គណៈអចិន្ត្រៃយ៍ នៃគណៈកម្មាធិការកណ្ដាល សូមជម្រាបជូន«សម្ដេចឯកឧត្តម លោកជំទាវសមាជិក សមាជិកា គណៈកម្មាធិការកណ្ដាល ទាំងអស់និងគណៈកម្មាធិការគណបក្សគ្រប់ថ្នាក់» បានជ្រាបអំពីការប្រារព្ធពិធីប្រចាំឆ្នាំរបស់គណបក្សនៅពេលខាងមុខនេះដូចតទៅ៖
១.ត្រូវផ្អាកការធ្វើសន្និបាតគណៈកម្មាធិការកណ្ដាលនៅដំណាច់ឆ្នាំ២០២០នេះសិន ប៉ុន្តែនៅពេលនោះគណៈអចិន្ត្រៃយ៍នៃគណៈកម្មាធិការកណ្ដាលនឹងរៀបចំនូវឯកសារ«របាយការណ៍ស្ដីពីសភាពការណ៍ទូទៅ និងការងារគណបក្សឆ្នាំ២០២០ និងទិសដៅភារកិច្ចឆ្នាំ២០២១» ដើម្បីផ្ញើជូនឱ្យគណបក្សគ្រប់ថ្នាក់ចាត់ចែង រៀនសូត្រ ផ្សព្វផ្សាយ និងអនុវត្តភារកិច្ចបន្តទៀត។
២.ត្រូវ ផ្អាកការជួបប្រជុំមីទ្ទិញដើម្បីអបអរសាទរខួបអនុស្សាវរីយ៍លើកទី៤២ នៃទិវាជ័យជម្នះ៧មករា ដែលត្រូវធ្វើនៅថ្ងៃទី៧ ខែមករា ឆ្នាំ២០២១នេះសិន ប៉ុន្តែគ្រប់ថ្នាក់ត្រូវត្រៀមរៀបចំ Logo បដាពាក្យស្លោក។ល។ ដាក់តាំងនៅតាមទីតាំងនានា ដើម្បីអបអរសាទរដូចដែលធ្លាប់បានធ្វើជារៀងរាល់ឆ្នាំកន្លងមក។
សូមបញ្ជាក់ថា នេះគឺជាលើកទី១ហើយនៅក្នុងរយៈពេល៤២ឆ្នាំមកនេះ ដែលគណបក្សប្រជាជនកម្ពុជា បានសម្រេចផ្អាកការប្រារព្ធពិធីមីទ្ទីងរំឭកខួបថ្ងៃជ័យជម្នះ៧មករា ដោយសារតែការរីករាលដាល នៃជំងឺកូវីដ១៩ ។
នាពេលកន្លងមកគណបក្សប្រជាជនកម្ពុជា ក៏ធ្លាប់លុបចោលការប្រារព្ធមីទ្ទីងរំលឹកខួបលើកទី៦៩ឆ្នាំ នៃការបង្កើតគណបក្សប្រជាជនកម្ពុជា ខួបទី៤២ឆ្នាំ ២ធ្នូ ១៩៧៨ នៃការចាប់ផ្ដើមបង្កើតចលនាវាយផ្តួលរំលំកងទ័ពខ្មែរក្រហមនៃរបបកម្ពុជា ប្រជាធិបតេយ្យដោយកងទ័ពរណសិរ្សសាមគ្គីសង្គ្រោះជាតិ កម្ពុជា។ ផ្អាកការប្រារព្ធរំលឹកខួប២៩ធ្នូ ដែលជាថ្ងៃបញ្ចប់សង្គ្រាមស៊ីវិលនៅក្នុងប្រទេសកម្ពុជា និងបានសម្រេចផ្អាករៀបចំសន្និបាតគណៈកម្មាធិការកណ្ដាលប្រចាំ២០២០ របស់ខ្លួនផងដែរ។
ប្រជាជនកម្ពុជា បានប្រសិទ្ធនាមថា ថ្ងៃ៧មករា ឆ្នាំ១៩៧៩ គឺជាថ្ងៃកំណើតទីពីររបស់ខ្លួន បើគ្មានជ័យជម្នះ៧មករា ក៏យើងគ្មានអ្វីៗនៅថ្ងៃនេះដែរ ។គ្មានជនណាមួយ ឬកម្លាំង ណាមួយអាចមកបំភ្លៃឬបំផ្លាញនូវសច្ចៈធម៌ប្រវត្តិសាស្ត្រនេះបានឡើយ។ ថ្ងៃ៧មករា គឺជាការបើកឡើងវិញនូវទំព័រសករាជថ្មីនៃឯករាជ្យ សេរីភាព ប្រជាធិបតេយ្យនិងវឌ្ឍនភាពសង្គម។ ឆ្នាំមុនៗគណបក្សប្រជាជនកម្ពុជា តែងតែរៀបចំប្រារព្ធថ្ងៃជ័យជម្នះនេះក្នុងទ្រង់ទ្រាយធំ នៅក្នុងរាជធានីភ្នំពេញ ក្រោមវត្តមានឥស្សរជននយោបាយជាន់ខ្ពស់ រួមមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រធានគណបក្ស សម្តេចអគ្គមហាពញ្ញាចក្រី ហេង សំរិន ប្រធានកិត្តិយគណបក្ស,សម្តេចវិបុលសេនាភក្តី សាយ ឈុំ អនុប្រធានគណបក្ស, សម្តេចក្រឡាហោម ស ខេង អនុប្រធានគណបក្សជាដើម៕
អត្ថបទ ៖ណារី
នាយកសាលា ហ៊ុន សែន ជម្ពូវ័នហាមដាច់ខាតមិនឱ្យលក់ ឬ ពិសាគ្រឿងស្រវឹងក្នុងពិធីសង្ក្រាន្ត
ក្រសួងសុខាភិបាល ៖ មន្ទីរពេទ្យត្រូវយកចិត្តទុកដាក់កសាងសមត្ថភាពនិងពង្រឹងក្រមសីលធម៌វិជ្ជាជីវៈ
វិថីអាហារដែលមានរចនាបថខ្មែររួមនឹងការបង្ហាញពីវប្បធម៌ប្រពៃណីជាតិ និងលេចរូបរាងចំកណ្តាលក្រុងកំពត
សហជីព ៖ ការកេងចំណេញនយោបាយពីការដំឡើងពន្ធអាមេរិក គឺជាចរិតនយោបាយដ៏ខ្មៅកខ្វក់របស់ក្រុមប្រឆាំង
កម្ពុជានឹងទម្លាក់ពន្ធនាំចូលទំនិញអាមេរិក ១៩ ប្រភេទ មកត្រឹម ៥%
-
ព័ត៌មានជាតិ៣ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៤ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់