ព័ត៌មានជាតិ
បេក្ខជនប្រឡងទុតិយភូមិនៅភ្នំពេញ អវត្តមាន កើនឡើងជាង ៦៣០នាក់
គិតត្រឹមព្រឹកថ្ងៃទី២ នៃដំណើរការប្រឡងសញ្ញាបត្រមធ្យមសិក្សាទុតិយភូមិនេះ នៅមណ្ឌលប្រឡងរាជធានីភ្នំពេញមានបេក្ខជនអវត្តមានបានកើនឡើងដល់ជាង ៦៣០នាក់ និងគណៈមេប្រយោគអវត្តមានកើនដល់ជាង ២០នាក់។

លោក ហែម ស៊ីណារ៉េត ប្រធាន មន្ទីរអប់រំ យុវជន និងកីឡា បានមានប្រសាសន៍នៅថ្ងៃទី៦ ខែធ្នូនេះថា គិតត្រឹមព្រឹកថ្ងៃទី៦ ខែធ្នូនេះ នៅមណ្ឌលប្រឡងរាជធានីភ្នំពេញមានបេក្ខជនអវត្តមានចំនួន ៦៣៧នាក់ ក្នុងនោះនៅថ្ងៃទី៥ ខែធ្នូ អវត្តមានចំនួន ៦១៥នាក់ និងព្រឹកថ្ងៃទី៦ ធ្នូនេះ អវត្តមានចំនួន ២២នាក់។

លោកប្រធានមន្ទីរបានបន្តថា បេក្ខជនអវត្តមានភាគច្រើន ជាបេក្ខជនស្វ័យរិន ដែលពួកគាត់មានការងារធ្វើ ហើយបានដាក់ពាក្យប្រឡង។ ប៉ុន្តែដល់ថ្ងៃប្រឡង ពួកគាត់បែរជាមិនមកប្រឡងទៅវិញ ប្រហែលជាពួកគាត់គិតថា មិនមានសមត្ថភាពប្រឡង ឬក៏យ៉ាងណានោះទេ។ ជាក់ស្តែងនៅមណ្ឌលប្រឡងវិទ្យាល័យឥន្ទ្រទេវី មានបេក្ខជនស្វ័យរិនអវត្តមាន ១០០នាក់។

លោក ហែម ស៊ីណារ៉េត បានបន្តទៀតថា ចំណែកបេក្ខជនចំណេះទូទៅវិញ គឺពួកគាត់មកប្រឡងជាធម្មតា មានអវត្តមានតិចតួចប៉ុណ្ណោះ ដោយសារកត្តាផ្សេងៗ ឬមួយមកពីកក្តាសុខភាពជាដើម។ លោកបានបន្ថែមថា ក្រៅពីបេក្ខជន ក៏មានគណៈមេប្រយោគអវត្តមានផងដែរ គឺមានចំនួន ២២នាក់ ក្នុងនោះថ្ងៃប្រឡងទី១ មានអវត្តមាន ១៩នាក់ និងនៅព្រឹកថ្ងៃទី២នេះ អវត្តមានចំនួន ៣នាក់។

លោកប្រធានមន្ទីរបានបញ្ជាក់ថា ចំពោះស្ថានភាពមណ្ឌលប្រឡងនីមួយៗមានសភាពស្ងប់ស្ងាត់ល្អ ដោយក្នុងមណ្ឌលប្រឡង គណៈមេប្រយោគប្រឡងបានអនុវត្តតួនាទី និងភារកិច្ចរៀងៗខ្លួនបានល្អប្រសើរ។ ចំណែកបេក្ខជនប្រឡងបានគោរពបទបញ្ជាផ្ទៃក្នុង ស្តីពី ការប្រឡងបានល្អ និងខាងក្រៅមណ្ឌល កងកម្លាំងការពារអនុវត្តតួនាទីបានល្អប្រសើរ មានកងកម្លាំងការពារមណ្ឌលគ្រប់គ្រាន់។ រីឯអាជីវកម្មជុំវិញមណ្ឌលប្រឡងត្រូវបានផ្អាកទាំងស្រុង ជាពិសេសអាជីវកម្មថតចម្លង អាជីវកម្មដែលបង្កសំឡេងរំខានដល់ការប្រឡង។

លោក ហែម ស៊ីណារ៉េត បានឱ្យដឹងទៀតថា នៅព្រឹកថ្ងៃទី២ នៃការប្រឡងបាក់ឌុបនេះ នៅមណ្ឌលវិទ្យាល័យឥន្ទ្រទេវី បេក្ខជន ២នាក់មានបញ្ហាសុខភាព និងគ្រោះថ្នាក់ចរាចរណ៍ តែអាចមកប្រឡងបាន ក្នុងនោះបេក្ខជន បន្ទប់លេ៤ តុលេខ៨១ ជួបគ្រោះថ្នាក់ចរាចរណ៍ពេលធ្វើដំណើរមកមណ្ឌលប្រឡង តែអាចប្រឡងបាន និងបេក្ខជន បន្ទប់លេខ២១ តុលេខ៥១៥ មានបញ្ហាសុខភាព ប៉ុន្តែអាចធ្វើកិច្ចការប្រឡងបានក្នុងរថយន្តសង្គ្រោះ៕
អត្ថបទ៖ សំអឿន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ