ព័ត៌មានជាតិ
លោក នេត្រ ភក្ត្រា៖ កម្ពុជានៅតែជាកន្លែងមានសត្វទន្សោងច្រើនជាងគេនៅលើពិភពលោក
សព្វថ្ងៃកម្ពុជាមានសត្វទន្សោងប្រមាណជាង ១,៥០០ក្បាល ស្របពេលដែលរបាយការណ៍របស់អង្គការ IUCN បង្ហាញថា សត្វទន្សោងនៅលើពិភពលោកត្រូវបានគេប៉ាន់ប្រមាណថា នៅសល់តែប្រហែល ៤,០០០ក្បាល ប៉ុណ្ណោះ។ នេះបើតាមការបង្ហោះលើបណ្តាញសង្គមហ្វេសបុករបស់លោក នេត្រ ភក្ត្រា រដ្ឋលេខាធិការក្រសួងបរិស្ថាន។

លោក នេត្រ ភក្ត្រា បានលើកឡើងថា សត្វទន្សោង គឺជាប្រភេទសត្វកម្រ ដែលទទួលរងនូវការគំរាមកំហែងខ្លាំងពីការបរបាញ់ខុសច្បាប់ យកសាច់ និងស្នែងរបស់ទៅលក់វា ហើយប្រទេសដែលធ្លាប់តែមានវត្តមានសត្វទន្សោងរស់នៅ ក៏ស្ទើរតែផុតពូជអស់ដូចគ្នា។

លោកបានបន្តថា សត្វទន្សោងត្រូវបានរស់នៅរាយប៉ាយនៅក្នុងប្រទេសកម្ពុជាដូចជានៅតំបន់ ភូមិភាគឦសាន ភាគនិរតី និងភាគខាងជើងនៃប្រទេសផងដែរ។ សូម្បីតែប្រទេសឡាវ ប្រទេសថៃ មីយ៉ាន់ម៉ា ម៉ាឡេស៊ី និងវៀតណាម ក៏មានសត្វទន្សោងនេះរស់នៅដូចគ្នា។
ជាមួយគ្នានេះ សត្វទន្សោងបានថយចុះយ៉ាងខ្លាំងក្នុងរយៈពេល ៣ទសវត្សរ៍ ដោយសារបាត់បង់ជម្រក និងការបរបាញ់ដោយខុសច្បាប់។ សត្វទន្សោង ក៏ត្រូវបានគេកត់ត្រាក្នុងបញ្ជីក្រហមរបស់អង្គការ IUCN ដែលជាប្រភេទសត្វប្រឈមនឹងការផុតពូជ។

លោក នេត្រ ភក្ត្រា បានបញ្ជាក់ថា សត្វទន្សោង ជាពពួកសត្វដែលចូលចិត្តរស់នៅជាហ្វូងៗ។ ពួកវាក៏ចូលចិត្តរស់នៅតំបន់ព្រៃល្បោះ វាលស្មៅ ព្រៃគម្ពោត និងចូលចិត្តរកស៊ីនៅតាមមាត់អូរ ដោយចេញរកចំណីនៅពេលព្រលឹម និងពេលព្រលប់។
ក៏ប៉ុន្តែ សត្វទន្សោង មិនសូវរស់នៅតំបន់មានទីជម្រាលប៉ុន្មានឡើយ។ សត្វទន្សោង អាចបង្កើតកូនបានតែ ១ ទៅ២ក្បាលប៉ុណ្ណោះ បន្ទាប់ពីពួកវាបានពរពោះរយៈពេល ១០ខែ៕
ដោយ៖ អុន ស្រីមាន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ