ព័ត៌មានជាតិ
លោក ស៊ូ សុជាតិ ៖ ការចាប់ដៃគូសហការជាមួយធនាគារអេស៊ីលីដា នឹងជួយធ្វើឲ្យវិស័យទីផ្សារមូលបត្រកាន់តែរឹងមាំ
លោក ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃនិយ័តករមូលបត្រកម្ពុជា បានមានប្រសាសន៍ថា ការចាប់ដៃគូរវាងនិយ័តករមូលបត្រកម្ពុជាជាមួយធនាគារ អេស៊ីលីដា ភីអិលស៊ី នឹងជួយបន្ថែមទម្ងន់កាន់តែធ្ងន់បន្ថែមទៀត ធ្វើឲ្យវិស័យទីផ្សារមូលបត្រនៅកម្ពុជាកាន់តែមានភាពជឿជាក់ និងរឹងមាំ។
ថ្លែងក្នុងពិធីចុះកិច្ចព្រមព្រៀងស្ដីពីការប្រើប្រាស់សេវាទូទាត់ប្រាក់តាមប្រព័ន្ធអេឡិចត្រូនិកសម្រាប់ការបង់ថ្លៃសេវាស្នើសុំលេខអត្តសញ្ញាណវិនិយោគិនតាមអនឡាញរវាងនិយ័តករមូលបត្រកម្ពុជា(ន.ម.ក.) ជាមួយធនាគារ អេស៊ីលីដា ភីអិលស៊ី នៅថ្ងៃទី ០៧ ខែធ្នូ ឆ្នាំ ២០២២ នៅទីស្ដីការ ន.ម.ក. លោក ស៊ូ សុជាតិ បានបន្តថា «ថ្ងៃនេះខ្ញុំពិតជាមានសេចក្ដីសោមនស្សរីករាយយ៉ាងក្រៃលែង ដែលនិយ័តករមូលបត្រកម្ពុជា (ន.ម.ក.) ជាមួយ ធនាគារ អេស៊ីលីដា ភីអិលស៊ី បានចុះកិច្ចព្រមព្រៀង ស្ដីពីការប្រើប្រាស់សេវាទូទាត់ប្រាក់តាមប្រព័ន្ធអេឡិចត្រូនិក សម្រាប់ការបង់ថ្លៃសេវាស្នើសុំលេខអត្តសញ្ញាណវិនិយោគិនតាមអនឡាញ ដើម្បីជួយសម្រួលដល់ការទូទាត់ថ្លៃសេវាស្នើសុំលេខអត្តសញ្ញាណវិនិយោគិនរបស់បុគ្គលស្នើសុំទាំងក្នុងស្រុក និងបរទេស ក្នុងការធ្វើការវិនិយោគមូលបត្រនៅទីផ្សារមូលបត្រកម្ពុជា»។
លោកបានឲ្យដឹងថា ចាប់ពីពេលនេះតទៅ ក្រុមហ៊ុនអាចបង់ថ្លៃសេវាស្នើសុំលេខអត្តសញ្ញាណវិនិយោគិនតាមប្រព័ន្ធធនាគារអេស៊ីលីដា ដែលជាទីភ្នាក់ងារផ្ទេរប្រាក់របស់និយ័តករមូលបត្រកម្ពុជាទោះបីជានៅកន្លែងណាទីណាទាំងនៅក្នុងប្រទេស និងក្រៅប្រទេស ដោយខណៈកាលពីមុនត្រូវមកដល់កន្លែងបង់ចូលគណនីផ្ទាល់ ដែលនេះនឹងជួយបង្កលក្ខណៈកាន់តែងាយស្រួលថែមទៀតក្នុងការបង្កើនឱកាសវិនិយោគ ព្រោះការជួញដូរធ្វើឡើងតាមប្រព័ន្ធអនឡាញ ហើយការបង់ប្រាក់ក៏តាមអនឡាញដែរ ខុសពីមុនត្រូវសុំលេខ ហើយនីតិវិធីបង់លុយក៏យូរ អាចធ្វើឲ្យតម្លៃភាគហ៊ុនធ្លាក់ចុះវិញ បាត់បង់ឱកាសក្នុងការលក់ និងទិញ។
លោក ស៊ូ សុជាតិ បានសំដែងនូវការកោតសរសើរ និងវាយតម្លៃខ្ពស់ចំពោះធនាគារ អេស៊ីលីដា ភីអិលស៊ី ដែលបានចូលរួមចំណែកយ៉ាងសកម្មក្នុងការអភិវឌ្ឍទីផ្សារមូលបត្រ។ បច្ចុប្បន្នធនាគារ អេស៊ីលីដា ភីអិលស៊ី មានវត្តមានក្នុងវិស័យមូលបត្រតាមរយៈ ក្រុមហ៊ុន អេស៊ីលីដា ស៊ីឃ្យួរឹធី ភីអិលស៊ី (ACS), ភ្នាក់ងារទូទាត់សាច់ប្រាក់ពាក់ព័ន្ធនឹងមូលបត្រ (CSA), ភ្នាក់ងារបញ្ជិកា (R), ភ្នាក់ងារចុះបញ្ជីផ្ទេរ (T), ភ្នាក់ងារទូទាត់ (P), និងភ្នាក់ងាររក្សាសុវត្ថិភាពក្នុងវិស័យមូលបត្រ (Custodian) រួមទាំងជាក្រុមហ៊ុនបោះផ្សាយមូលបត្រកម្មសិទ្ធមួយផងដែរ (ABC)។ បន្ថែមពីនេះ ធនាគារបានចូលរួមសហការយ៉ាងសកម្មតាមរយៈវគ្គបណ្ដុះបណ្ដាលនានាដែលផ្ដល់ដោយ ន.ម.ក. ដូចគ្នានេះដែរ ការរៀបចំកម្មវិធីនេះក៏ជាការងារសកម្មមួយដែលតម្រូវឲ្យមានកិច្ចសហការរៀបចំ តាក់តែងនូវកិច្ចព្រមព្រៀងរវាង ន.ម.ក. និងធនាគារ អេស៊ីលីដា ភីអិលស៊ី ដែលនឹងផ្ដល់ជាប្រយោជន៍ដល់វិនិយោគិនក្នុងវិស័យមូលបត្រ។
លោកស្រី ម៉ារ អមរា ប្រធាននាយកប្រតិបត្តិស្ដីទី ធនាគារ អេស៊ីលីដា ភីអិលស៊ី បានមានប្រសាសន៍ថា ដោយការវិនិយោគវិស័យមូលបត្រក្នុងផ្សារមូលបត្រកម្ពុជា មានកំណើនគួរឲ្យកត់សម្គាល់ ហើយដើម្បីបង្កើនទំនុកចិត្ត និងបង្កភាពងាយស្រួលដល់វិនិយោគិន ក្នុងការបង់ថ្លៃសេវាស្នើសុំលេខអត្តសញ្ញាណវិនិយោគិន ដូច្នេះ ធនាគារ អេស៊ីលីដា និង ន.ម.ក. ឯកភាពគ្នាឈានដល់ការចុះហត្ថលេខាលើកិច្ចព្រមព្រៀងស្ដីពីការប្រើប្រាស់សេវាទូទាត់ប្រាក់តាមប្រព័ន្ធអេឡិចត្រូនិក សម្រាប់ការបង់ថ្លៃសេវាស្នើសុំលេខអត្តសញ្ញាណវិនិយោគិន តាមអនឡាញ។
លោកស្រីបានបន្តថា ដោយផ្អែកលើកិច្ចព្រមព្រៀងនេះ វិនិយោគិនដែលមានបំណងចាប់ផ្ដើមការវិនិយោគនៅក្នុងផ្សារមូលបត្រកម្ពុជា អាចបង់ថ្លៃសេវាស្នើសុំលេខអត្តសញ្ញាណវិនិយោគិនតាមរយៈ ACLEDA Mobile និងប្រព័ន្ធ X-Pay និងប័ណ្ណអន្តរជាតិមានដូចជា VISA, Master Card, Diners, JCB, និង UPI Card។ លើសពីនេះទៅទៀត ធនាគារ អេស៊ីលីដា តែងតែយកចិត្តទុកដាក់ក្នុងការបម្រើអតិថិជន ដោយបានធ្វើពិពិធកម្មផលិតផល-សេវាកម្មធនាគារ និងហិរញ្ញវត្ថុយ៉ាងសម្បូរបែប ក៏ដូចជាការអភិវឌ្ឍប្រព័ន្ធធនាគារអេឡិចត្រូនិក និងប្រព័ន្ធបច្ចេកវិទ្យាហិរញ្ញវត្ថុឌីជីថល ដើម្បីបំពេញតម្រូវការរបស់អតិថិជន និងចូលរួមចំណែកអភិវឌ្ឍន៍ទីផ្សារមូលបត្រកម្ពុជាឲ្យកាន់តែសកម្ម និងរស់រវើក។
លោកស្រីបានប្ដេជ្ញាថា «ធនាគារនឹងផ្ដល់សេវាស្នើសុំលេខអត្តសញ្ញាណវិនិយោគិនតាមអនឡាញនេះឲ្យបានកាន់តែប្រសើរ និងព្យាយាមកាន់តែខ្លាំងជាងមុន ខណៈបច្ចុប្បន្នធនាគារមានអតិថិជនប្រើប្រាស់អនឡាញជាប្រចាំ និង ២៤ ម៉ោង ក្នុង ១ ថ្ងៃ ប្រមាណ ៣ លាននាក់។ អីចឹងការប្រុងប្រៀបប្រព័ន្ធ ក៏ដូចជាការពារសុវត្ថិភាពប្រព័ន្ធគឺជាមធ្យោបាយដ៏សំខាន់ និងចាំបាច់បំផុតរបស់ធនាគារដែលត្រូវយកចិត្តទុកដាក់ និងសហការជាមួយនិយ័តករមូលបត្រកម្ពុជាឲ្យកាន់តែប្រសើរ សំដៅធ្វើយ៉ាងណាឲ្យវិស័យមូលបត្រនៅកម្ពុជាកាន់តែរឹងមាំថែមទៀត»៕
រកឃើញហើយជើងខ្លាំងខាងខ្លែងខ្មែរ! ផ្នែកខ្លែងឯក លេខ១បានទៅមន្ទីរវប្បធម៌ខេត្តកណ្តាល លេខ២ បានទៅស្រុកបន្ទាយស្រី
អភិបាលក្រុងបាវិត ណែនាំឱ្យអាជ្ញាធរត្រូវតែបង្ក្រាបឱ្យបានក្មេងទំនើងដែលអុកឡុកនៅមូលដ្ឋានរំខានដល់ប្រជាពលរដ្ឋ
ឆ្នាំនេះ អាជ្ញាធរស្រុកស្រែអំបិល កសាងផ្លូវបេតុងចំនួន៨ខ្សែ ស្មើនឹងប្រវែង៦គីឡូម៉ែត្រជូនពលរដ្ឋ
សម្រាប់ឆ្លងឆ្នាំសកលនេះ ខេត្តរតនគិរី បានត្រៀមខ្លួនរួចហើយសម្រាប់ទទួលភ្ញៀវទេសចរជាតិ និងអន្តរជាតិមកលេងកម្សាន្ត
ឧក្រិដ្ឋជនវៀតណាម ១២នាក់ ត្រូវបានចាប់ខ្លួនពាក់ព័ន្ធករណីចាប់ជំរិតជនជាតិចិន នៅក្រុងបាវិត
Zhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
សម្រាប់ឆ្លងឆ្នាំសកលនេះ ខេត្តរតនគិរី បានត្រៀមខ្លួនរួចហើយសម្រាប់ទទួលភ្ញៀវទេសចរជាតិ និងអន្តរជាតិមកលេងកម្សាន្ត
ខេត្តមណ្ឌលគិរី៖ សាលាបឋមសិក្សាមួយកន្លែង ដំបូលក៏ធ្លុះធ្លាយ ជញ្ជាំងក៏ពុកផុយ គ្រូ និងសិស្ស ស្នើសុំឱ្យជួយជួសជុល
អតីតមន្ត្រីបក្សប្រឆាំងទូទាំងប្រទេស អបអរសាទរ«ទិវាសន្តិភាពនៅកម្ពុជា» ខណៈពួកគេស្អប់ខ្ពើមសង្រ្គាម
សម្តេចតេជោ៖ ជំនឿទុកចិត្តក្នុងការអនុវត្តនយោបាយឈ្នះឈ្នះនៅកម្ពុជា មានតម្លៃជាងកិច្ចព្រមព្រៀងសន្តិភាពនៅប្រទេសខ្លះ
-
សន្តិសុខសង្គម៥ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៦ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ជីវិតកម្សាន្ដ៩ ម៉ោង agoZhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
-
សន្តិសុខសង្គម៤ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ចរាចរណ៍៥ ថ្ងៃ agoអ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
-
ព័ត៌មានជាតិ៦ ថ្ងៃ agoក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
-
ព័ត៌មានអន្ដរជាតិ១ សប្តាហ៍ agoបាក់ស្ពាននៅប្រេស៊ីល ធ្លាក់រថយន្តផ្ទុកអាស៊ីដស៊ុលផួរិច លេចធ្លាយសារធាតុគីមីពេញទន្លេ
-
សន្តិសុខសង្គម៦ ថ្ងៃ agoករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន