ព័ត៌មានជាតិ

ឆេះផ្ទះប្រជាពលរដ្ឋ២ខ្នងទាំងយប់ មិនទាន់ដឹងមូលហេតុ

បានផុស

៤ years មុន

នៅ

ថ្ងៃព្រហស្បតិ៍ ៧ មករា ២០២១

ដោយ

អគ្គិភ័យមួយ បានឆាបឆេះផ្ទះប្រជាពលរដ្ឋមួយកន្លែងអស់២ខ្នងទាំងយប់ បណ្ដាលឲ្យឆេះខូចខាតសម្ភារៈ ក្នុងផ្ទះខ្ទេចខ្ទីបង្កឲ្យមានការភ្ញាក់ផ្អើលដល់កម្លាំងសមត្ថកិច្ចចេញរថយន្ត៥គ្រឿង មកជួយអន្តរាគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ បានកើតឡើងនៅម៉ោង២រំលងអធ្រាត្រឈានចូលថ្ងៃព្រហស្បតិ៍ទី៧ ខែមករាឆ្នាំ២០២១ ត្រង់ចំណុចផ្លូវរថភ្លើងកែងនឹងផ្លូវទំនប់ទួលគោក នៅក្នុងភូមិបាក់ទូកក្នុង សង្កាត់ទួលសង្កែទី១ ខណ្ឌឫស្សីកែវ។ ម្ចាស់ផ្ទះឈ្មោះ ហេង ដានី ភេទស្រី អាយុ៥២ឆ្នាំ មុខរបរលក់ភេសជ្ជៈ និងម្ជូរ ចំណែកផ្ទះមួយទៀតជាផ្ទះជួលម្ចាស់បានគេចខ្លួនបាត់។ ផ្ទះទាំងពីរល្វែង មានជញ្ជាំងកុងផ្លាកកេប្រក់ស័ង្កសីទំហំ ៣ ម៉ែត្រ x៥ ម៉ែត្រ ។

ក្រោយពេលទទួលបានដំណឹងភ្លាម សមត្ថកិច្ចបានបញ្ចេញរថយន្តចំនួន ៥គ្រឿង គឺរថយន្តរបស់សាលាខណ្ឌឫស្សីកែវ ១គ្រឿងនិងរថយន្តស្នងការនគរបាលរាជធានីភ្នំពេញចំនួន៤គ្រឿងរួមទាំងរថយន្តពន្លត់អគ្គិភ័យបានមកដល់កន្លែងទីតាំងកើតហេតុភ្លាមៗ ក៏បានរាយទុយយោទឹកបាញ់ពន្លត់ទប់ស្កាត់ ទើបរលត់ទៅវិញនៅវេលាម៉ោង៣ នៅថ្ងៃខែឆ្នាំដដែល ៕

អត្ថបទ៖ ឌីរៀ

Related Topics:អគ្គិភ័យ