ព័ត៌មានជាតិ
ពីនិស្សិតអនុបណ្ឌិតនៅបារាំង លោកស្រី កុយ សុដានី ក្លាយជាមន្ត្រីជាន់ខ្ពស់ក្រសួងសាធារណការ
លោកស្រី កុយ សុដានី គឺជារដ្ឋលេខាធិការក្រសួងសាធារណការ និងដឹកជញ្ជូន។ លោកស្រី កុយ សុដានី ត្រូវបានគេមើលឃើញថា ជាថ្នាក់ដឹកនាំស្ត្រីវ័យក្មេង និងជាបុគ្គលឆ្នើមមួយរូបរបស់ក្រសួងសាធារណការ និងដឹកជញ្ជូន ដែលមានស្នាដៃ និងបានសម្រេចកិច្ចការងារជាបន្តបន្ទាប់ជូនសង្គមជាតិ ស្របតាមគោលនយោបាយរបស់រាជរដ្ឋាភិបាលកម្ពុជា។

កើតជានៅឃុំរកាកោង ស្រុកមុខកំពូល ខេត្តកណ្ដាល លោកស្រី កុយ សុដានី បានបញ្ចប់ការសិក្សាថ្នាក់បរិញ្ញាបត្រចំនួនពីរ គឺបរិញ្ញាបត្រអក្សរសាស្ត្រអង់គ្លេស និងបរិញ្ញាបត្រនីតិសាស្ត្រ នៅឆ្នាំ២០០៩។ បន្ទាប់មក គឺលោកស្រី កុយ សុដានី បានបន្តការសិក្សាថ្នាក់បរិញ្ញាបត្រជាន់ខ្ពស់ផ្នែកច្បាប់ការងារ នៅសាកលវិទ្យាល័យ លីយ៉ុង២ ប្រទេសបារាំង ដោយទទួលបានសញ្ញាបត្រនៅឆ្នាំ២០១១។

មុននឹងក្លាយជារដ្ឋលេខាធិការនៃក្រសួងសាធារណការ និងដឹកជញ្ជូន លោកស្រី កុយ សុដានី ធ្លាប់កាន់តំណែងជាអនុរដ្ឋលេខាធិការក្រសួងពាណិជ្ជកម្ម ទទួលបន្ទុកការងារចុះបញ្ជីពាណិជ្ជកម្ម ហើយក្រោយមក លោកស្រីបានផ្លាស់ប្ដូរមកក្រសួងសាធារណការ ក្នុងឋានៈជាអនុរដ្ឋលេខាធិការដដែល។ ក្រៅពីនេះ លោកស្រី ធ្លាប់បានបម្រើការងារនៅក្រុមហ៊ុនឯកជនផ្នែកអន្តោប្រវេសន៍ នៅប្រទេសសិង្ហបុរី ដែលទទួលបន្ទុក ៣ប្រទេស (កូរ៉េខាងត្បូង ថៃ វៀតណាម) ធ្លាប់ធ្វើជាទីប្រឹក្សាទីភ្នាក់ងារជាតិមុខរបរ និងការងារ ព្រមទាំងជាទីប្រឹក្សាប្រធានសមាគមកម្ពុជានៅប្រទេសបារាំង។

ទាក់ទងនឹងកិច្ចការងារគណបក្ស លោកស្រី កុយ សុដានី ជាសមាជិកក្រុមការងារគណបក្សប្រជាជនកម្ពុជាចុះជួយស្រុកកោះធំ។ លោកស្រី ក៏ជាប្រធានក្រុមការងារយុវជនគណបក្សប្រចាំក្រសួងសាធារណការ និងដឹកជញ្ជូន និងជាអនុប្រធានទទួលបន្ទុកផ្នែកទំនាក់ទំនង និងកិច្ចសហប្រតិបត្តិការជាតិ-អន្តរជាតិ នៃយុវជនគណបក្សប្រជាជនកម្ពុជាថ្នាក់កណ្តាល។ បច្ចុប្បន្ននេះ លោកស្រី ជារដ្ឋលេខាធិការក្រសួងសាធារណការ និងដឹកជញ្ជូន ទទួលបន្ទុកលើការងារភស្តុភារកម្ម និងជាប្រធានគណៈកម្មការអន្តរក្រសួងគ្រប់គ្រងការលក់លេខចុះបញ្ជីរថយន្ត លេខពិសេស និងលេខពិសេសផ្ទាល់ខ្លួន៕

ដោយ ៖ ធឿន វ៉ាន់សុង

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ