ព័ត៌មានជាតិ

កកស្ទះខ្លាំង! ចាប់ពីបុរី ប៉េងហួត ដល់រង្វង់មូលក្បាលថ្នល់ ក្នុងថ្ងៃបុណ្យជាតិ៧មករា

បានផុស

៤ years មុន

នៅ

ថ្ងៃព្រហស្បតិ៍ ៧ មករា ២០២១

ដោយ

ចាប់ពីវេលាម៉ោង៧ព្រឹករហូតដល់ម៉ោង១១ថ្ងៃត្រង់ នាថ្ងៃបុណ្យជាតិ៧មករានេះ គេសង្កេតឃើញការកកស្ទះចរាចរណ៍ បានកើតឡើងលើកំណាត់ផ្លូវជាតិលេខ១ចាប់ពីបុរី ប៉េង ហួត ដល់អតីតរង្វង់មូលក្បាលថ្នល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីលោកវរសេនីយ៍ទោ ឯក សារ៉ន អធិការរងនគរបាលខណ្ឌច្បារអំពៅទទួលបន្ទុកសណ្តាប់ធ្នាប់ចរាចរណ៍បានប្រាប់ថា ពិតជាមានការកកស្ទះចរាចរណ៍លើកំណាត់ផ្លូវជាតិលេខ១ចាប់ពីបុរី ប៉េង ហួត ពិតប្រាកដមែន។ ប៉ុន្តែក្នុងនោះកម្លាំងនគរបាលកម្លាំងកងរាជអាវុធហត្ថ និងកម្លាំងប្រជាការពារសាលាខណ្ឌច្បារអំពៅ បានចុះសម្រួលចរាចរណ៍តាមដងផ្លូវថែមទៀតផង។

លោកឯក សារ៉ន បន្តថា មូលហេតុដែលបង្កឲ្យមានការកកស្ទះចរាចរណ៍ គឺដោយសារថ្ងៃនេះ ជាថ្ងៃឈប់សម្រាកការងារ ដើម្បីចូលរួមអបអរសាទរទិវាបុណ្យជាតិ៧មករា លើកទី៤២ ដែលប្រព្រឹត្តិធ្វើឡើងនៅថ្ងៃទី៧ ខែមករា ឆ្នាំ២០២១នេះ តែម្តង។ ហើយក្នុងនោះ នៅកំណាត់ផ្លូវលេខ២(ផ្លូវថៃហ្គឺរ៍)ស្ថិតក្នុងសង្កាត់ព្រែកឯង និងព្រែកថ្មីរួមទាំងស្ពានព្រែកសំរោង ក៏កកស្ទះចរាចរណ៍ដោយសារតែរថយន្តធុនធំ១គ្រឿងបានខូចលើស្ពាន។ ដូច្នេះហើយទើបរថយន្តសម្រុកមកឆ្លងស្ពានព្រះមុនីវង្ស ដែលបង្កឲ្យកកស្ទះចរាចរណ៍លើកំណាត់ផ្លូវជាតិលេខ១ចាប់ពីបុរីប៉េង ហួត ដល់រង្វង់មូលក្បាលថ្នល់។ ប៉ុន្តែទោះជាយ៉ាងណាក៏កម្លាំងចម្រុះរបស់សាលាខណ្ឌច្បារអំពៅ បានជួយសម្រួលចរាចរណ៍រហូតពេញមួយថ្ងៃនេះ៕

អត្ថបទ៖ នរា