Connect with us

ព័ត៌មានជាតិ

សម្តេច​តេជោបញ្ជាក់​​ថ្ងៃ​បើកការដ្ឋានសាងសង់ស្ពាន​ឆ្លង​ទន្លេ​នៅ​ខេត្តក្រចេះ

បានផុស

នៅ

ក្នុង​ពិធី​ជួបសំណេះសំណាលជាមួយប្រជាពលរដ្ឋខ្មែររស់នៅបណ្ដាប្រទេសនៅតំបន់អឺរ៉ុបប្រមាណជាង ២ ពាន់​នាក់​ នៅទីក្រុងព្រុចសែល ប្រទេសបែលហ្សិក សម្តេច​តេជោ ហ៊ុន សែន បាន​បញ្ជាក់​ជា​ថ្មី​ពី​គម្រោង​សាងសង់ស្ពានចំនួន ៣ បន្ថែមទៀត ក្នុងនោះក៏​រួមមានស្ពាននៅខេត្តក្រចេះដែល​គ្រោង​បើក​ការដ្ឋាន​នៅ​អំឡុង​ខែ​មករា​ឆ្នាំ ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធទៅនឹងការកសាងអភិវឌ្ឍន៍ប្រទេសជាតិ សម្តេចតេជោ ហ៊ុន សែន បានមានប្រសាសន៍ថា រាជរដ្ឋាភិបាលកម្ពុជា នឹងមានការសាងសង់ស្ពានចំនួន ៣ បន្ថែមទៀត ក្នុងនោះរួមមាន ស្ពាននៅខេត្តក្រចេះ ,ស្ពានមិត្តភាពកម្ពុជា-កូរ៉េ ពីភ្នំពេញទៅតំបន់អរិយ្សក្សត្រ និងស្ពាននៅតំបន់ល្វាឯម ជាប់ជាមួយផ្លូវល្បឿនលឿនភ្នំពេញ-បាវិត។ សម្តេចតេជោបានបញ្ជាក់ថា ពិធីបើកការដ្ឋានសាងសង់ស្ពានឆ្លងទន្លេមេគង្គនៅខេត្តក្រចេះ អាចនឹងធ្វើនៅថ្ងៃទី២ ឬ៦ ខែមករា ២០២៣ ខាងមុខ។

សម្តេចតេជោ ហ៊ុន សែន មានប្រសាសន៍ទៀតថា នៅចុងឆ្នាំនេះពោលពេលដែលសម្ដេចទៅកាន់ទីក្រុងភ្នំពេញវិញ សម្ដេចពិតជាមានភាពមមាញឹកសម្រាប់កិច្ចការប្រទេសជាតិ ដើម្បីបម្រើប្រយោជន៍ជូនជាតិមាតុភូមិ និងសម្រាប់សេចក្តីសុខរបស់ប្រជាពលរដ្ឋកម្ពុជា។

បញ្ជាក់បន្ថែម​ទៅនឹង​​ប្រសាសន៍​សម្តេច​តេជោ​នាយករដ្ឋមន្រ្តី អាជ្ញាធរ​ខេត្ត​ក្រចេះ​ក៏​បាន​ជូន​ដំណឹង​ក្នុង​ការ​ត្រៀម​រៀបចំ​ពិធី​បើក​ការដ្ឋាន​សាងសង់ស្ពាន​ឆ្លង​កាត់​ទន្លេ​មេគង្គ​នៅ​ខេត្ត​ក្រចេះ រួមទាំង​ផ្លូវ​តភ្ជាប់​ទៅ​ខេត្ត​កំពង់ធំ ដែលនឹង​ប្រព្រឹត្តិ​ទៅ​នៅថ្ងៃ ០២ ខែមករា ​ឆ្នាំ ២០២៣ ក្រោម​វត្តមាន​សម្តេច​តេជោ​នាយករដ្ឋមន្រ្តី​ហ៊ុន សែន៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម