ព័ត៌មានជាតិ
តើអ្នកនយោបាយជាស្ត្រីរូបណាខ្លះកំពុងកាន់តួនាទីជាតំណាងរាស្ត្រនៅរដ្ឋសភាជាតិ?
រដ្ឋសភា នីតិកាលទី៦ (២០១៨-២០២៣) នឹងផុតអាណត្តិនៅពាក់កណ្ដាលឆ្នាំ២០២៣ខាងមុខ។ រដ្ឋសភា នីតិកាលទី ៦ មានមណ្ឌល ២៥រាជធានី-ខេត្ត និងមានអាសនៈតំណាងរាស្ត្រសរុបចំនួន ១២៥អាសនៈ ដែលគណបក្សប្រជាជនកម្ពុជាទទួលបានទាំងអស់។ ចំណោមតំណាងរាស្ត្រចំនួន ១២៥រូប មានតំណាងរាស្ត្រជាស្ត្រីចំនួន ២៦រូប បើគិតត្រឹមចុងឆ្នាំ២០២២នេះ។ តើអ្នកនយោបាយជាស្ត្រីរូបណាខ្លះ កំពុងកាន់តួនាទីជាសមាជិការដ្ឋសភាជាតិ?

អ្នកនយោបាយស្ត្រី ដែលកំពុងជាសមាជិការដ្ឋសភាមានដូចខាងក្រោម៖
១/ លោកស្រី ម៉ែន សំអន ជាសមាជិការដ្ឋសភា និងជាតំណាងរាស្ត្រមណ្ឌលខេត្តស្វាយរៀង។ បន្ថែមពីនេះ លោកស្រី ម៉ែន សំអន ក៏មានមុខតំណែងជាឧបនាយករដ្ឋមន្ត្រី និងជារដ្ឋមន្ត្រីក្រសួងទំនាក់ទំនងរដ្ឋសភា-ព្រឹទ្ធសភា និងអធិការកិច្ច នៃរាជរដ្ឋាភិបាលកម្ពុជា។

២/ លោកស្រី ឃួន សុដារី ជាតំណាងរាស្ត្រមណ្ឌលខេត្តកណ្ដាល មានតួនាទីជាអនុប្រធានទី២ នៃរដ្ឋសភា និងជាប្រធានក្រុមសភាជាតិកម្ពុជានៃអ្នកនយោបាយសភាស្រ្តី។

៣/ លោកស្រី និន សាផុន ជាតំណាងរាស្ត្រមណ្ឌលខេត្តតាកែវ និងមានតួនាទីជាប្រធានគណៈកម្មការសាធារណការ ដឹកជញ្ជូន ទូរគមនាគមន៍ ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃរដ្ឋសភា។

៤/ លោកស្រី ឡោក ខេង ជាតំណាងរាស្ត្រមណ្ឌលរាជធានីភ្នំពេញ និងមានតួនាទីជាប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្ដុះបណ្ដាលវិជ្ជាជីវៈ និងកិច្ចការនារី នៃរដ្ឋសភា។

៥/ លោកស្រី គ្រួច សំអាន ជាតំណាងរាស្ត្រមណ្ឌលរាជធានីភ្នំពេញ និងជាអនុប្រធានគណៈកម្មការនីតិកម្ម និងយុត្តិធម៌ នៃរដ្ឋសភា។

៦/ លោកស្រី ត្រឹង ថាវី ជាតំណាងរាស្ត្រមណ្ឌលខេត្តក្រចេះ និងជាអនុប្រធានគណៈកម្មការអង្កេត បោសសំអាត និងប្រឆាំងអំពើពុករលួយ នៃរដ្ឋសភា។

៧/ លោកស្រី ឯម ប៉ុណ្ណា ជាតំណាងរាស្ត្រមណ្ឌលខេត្តពោធិ៍សាត់ និងមានតួនាទីជាអនុប្រធានគណៈកម្មការសិទ្ធិមនុស្ស ទទួលពាក្យបណ្ដឹង អង្កេត និងទំនាក់ទំនងរដ្ឋសភា ព្រឹទ្ធសភា នៃរដ្ឋសភា។

៨/ លោកស្រី លី គឹមលៀង ជាតំណាងរាស្ត្រមណ្ឌលខេត្តបាត់ដំបង និងជាលេខាធិការគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា។

៩/ លោកស្រី កែ ច័ន្ទមុនី ជាតំណាងរាស្ត្រមណ្ឌលខេត្តកំពង់ឆ្នាំង និងជាលេខាធិការគណៈកម្មការសាធារណការ ដឹកជញ្ជូន ទូរគមនាគមន៍ ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃរដ្ឋសភា។

១០/ លោកស្រី អ៊ុន សុគន្ធា ជាតំណាងរាស្ត្រមណ្ឌលខេត្តកំពត និងជាលេខាធិការគណៈកម្មការមហាផ្ទៃ ការពារជាតិ និងមុខងារសាធារណៈ នៃរដ្ឋសភា។

១១/ លោកស្រី ខុង ស៊ុនអេង ជាតំណាងរាស្ត្រមណ្ឌលខេត្តកំពង់ចាម និងជាសមាជិកាគណៈកម្មការមហាផ្ទៃ ការពារជាតិ និងមុខងារសាធារណៈ នៃរដ្ឋសភា។

១២/ លោកស្រី កុប ម៉ារីយ៉ាស ជាតំណាងរាស្ត្រមណ្ឌលខេត្តកំពង់ឆ្នាំង និងជាសមាជិកាគណៈកម្មការកិច្ចការបរទេស សហប្រតិបត្តិអន្តរជាតិ ឃោសនាការ និងព័ត៌មាន នៃរដ្ឋសភា។

១៣/ លោកស្រី កុល ធារិន ជាតំណាងរាស្ត្រមណ្ឌលខេត្តកំពង់ចាម និងជាសមាជិកាគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា។

១៤/ លោកស្រី ស៊ុន សាភឿន ជាតំណាងរាស្ត្រមណ្ឌលខេត្តក្រចេះ និងជាសមាជិកាគណៈកម្មការកិច្ចការបរទេស សហប្រតិបត្តិអន្តរជាតិ ឃោសនាការ និងព័ត៌មាន នៃរដ្ឋសភា។

១៥/ លោកស្រី ម៉ក់ វណ្ណស៊ីថា ជាតំណាងរាស្ត្រមណ្ឌលរាជធានីភ្នំពេញ និងជាសមាជិកាគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្ដុះបណ្ដាលវិជ្ជាជីវៈ និងកិច្ចការនារី នៃរដ្ឋសភា។

១៦/ លោកស្រី នួម សុភ័ណ ជាតំណាងរាស្ត្រមណ្ឌលខេត្តបន្ទាយមានជ័យ និងជាសមាជិកាគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍ នៃរដ្ឋសភា។

១៧/ លោកស្រី ពៅ សាវឿន ជាតំណាងរាស្ត្រមណ្ឌលខេត្តសៀមរាប និងជាសមាជិកាគណៈកម្មការអង្កេត បោសសំអាត និងប្រឆាំងអំពើពុករលួយ នៃរដ្ឋសភា។

១៨/ លោកស្រី គង់ សាឡន ជាតំណាងរាស្ត្រមណ្ឌលខេត្តព្រៃវែង និងជាសមាជិកាគណៈកម្មការអង្កេត បោសសំអាត និងប្រឆាំងអំពើពុករលួយ នៃរដ្ឋសភា។

១៩/ លោកស្រី នូ សុវណ្ណនី ជាតំណាងរាស្ត្រមណ្ឌលខេត្តតាកែវ និងជាសមាជិកាគណៈកម្មការសាធារណការ ដឹកជញ្ជូន ទូរគមនាគមន៍ ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃរដ្ឋសភា។

២០/ លោកស្រី ស្រី គឹមឆយ ជាតំណាងរាស្ត្រមណ្ឌលខេត្តកំពង់ចាម និងជាសមាជិកាគណៈកម្មការសិទ្ធិមនុស្ស ទទួលពាក្យបណ្ដឹង អង្កេត និងទំនាក់ទំនងរដ្ឋសភា ព្រឹទ្ធសភា នៃរដ្ឋសភា។

២១/ លោកស្រី ពៅ សុភាព ជាតំណាងរាស្ត្រមណ្ឌលខេត្តស្វាយរៀង និងជាសមាជិកាគណៈកម្មការនីតិកម្ម និងយុត្តិធម៌ នៃរដ្ឋសភា។

២២/ លោកស្រី ឈុន សារឹម ជាតំណាងរាស្ត្រមណ្ឌលខេត្តស្វាយរៀង និងជាសមាជិកាគណៈកម្មការសិទ្ធិមនុស្ស ទទួលពាក្យបណ្ដឹង អង្កេត និងទំនាក់ទំនងរដ្ឋសភា ព្រឹទ្ធសភា នៃរដ្ឋសភា។

២៣/ លោកស្រី ដួង វណ្ណា ជាសមាជិការដ្ឋសភា និងជាតំណាងរាស្ត្រមណ្ឌលខេត្តស្វាយរៀង។

២៤/ លោកស្រី ម៉ាណ ណាវី ជាសមាជិការដ្ឋសភា និងជាតំណាងរាស្ត្រមណ្ឌលរាជធានីភ្នំពេញ។

២៥/ លោកស្រី គឹម សុវណ្ណា ជាសមាជិការដ្ឋសភា និងជាតំណាងរាស្ត្រមណ្ឌលរាជធានីភ្នំពេញ។

២៦/ លោកស្រី លឹម ផល្លា សមាជិការដ្ឋសភា និងជាតំណាងរាស្ត្រមណ្ឌលខេត្តកំពង់ធំ៕
ដោយ៖ ធឿន វ៉ាន់សុង

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៩ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ