ព័ត៌មានជាតិ
ក្រុមហ៊ុន Manulife នាំមកជូនផលិតផលធានារ៉ាប់រងឌីជីថលដំបូងគេ “Manulife សុខសប្បាយ” ដល់អតិថិជន ABA
ក្រុមហ៊ុន មេនូឡាយហ្វ៍ ខេមបូឌា (Manulife Cambodia) ដែលជាក្រុមហ៊ុនធានារ៉ាប់រងអាយុជីវិតអន្តរជាតិដំបូងបង្អស់នៅកម្ពុជា មានសេចក្ដីសោមនស្សសូមប្រកាសអំពីការដាក់ឲ្យដំណើរការ ផលិតផលធានារ៉ាប់រងអាយុជីវិតឌីជីថលដំបូងរបស់ខ្លួនឈ្មោះថា Manulife សុខសប្បាយ ជូនដល់អតិថិជនធនាគារ ABA ដែលជាធនាគារពាណិជ្ជធំជាងគេ និងជាធនាគារឌីជីថលឈានមុខមួយនៅកម្ពុជា។
Manulife សុខសប្បាយ គឺជាគម្រោងធានារ៉ាប់រងដែលមានតម្លៃសមរម្យ ដែលអតិថិជន ABA អាចទិញពី Manulife បានយ៉ាងងាយស្រួល និងរហ័សត្រឹមតែ ១ នាទីប៉ុណ្ណោះ ពីផ្នែក “សេវាកម្ម” ក្នុងកម្មវិធីកម្មវិធី ABA Mobile។
ផលិតផលធានារ៉ាប់រងឌីជីថលថ្មីនេះ នឹងអនុញ្ញាតឲ្យប្រជាពលរដ្ឋកម្ពុជាទទួលបានការការពារក្នុងតម្លៃសមរម្យបំផុតចាប់ពី ១៦ ដុល្លារ ក្នុង ១ ឆ្នាំ ដោយមិនតម្រូវឲ្យមានការពិនិត្យសុខភាពឡើយ។ Manulife សុខសប្បាយ ផ្ដល់ការការពារក្នុងករណីមានគ្រោះថ្នាក់ចរាចរណ៍ និងគ្រោះថ្នាក់ចៃដន្យនានាជាមួយសំណងរហូតដល់ ១ ម៉ឺនដុល្លារ។ ការទាមទារសំណង ក៏អាចធ្វើឡើងបានយ៉ាងងាយស្រួលដូចគ្នាតាមផ្លែតហ្វម មេនូឡាយហ្វ៍ ដែលមាននៅផ្នែក “សេវាកម្ម” ក្នុង ABA Mobile។ សម្រាប់ព័ត៌មានលម្អិត និងអត្ថប្រយោជន៍ផ្សេងៗទៀតពីគម្រោងនេះ សូមចូលទៅកាន់ https://bit.ly/3BgfIQd។
លោក Justin Helferich នាយកប្រតិបត្តិ និងនាយកចាត់ការទូទៅ Manulife Cambodia បានមានប្រសាសន៍ថា “នៅក្រុមហ៊ុន មេនូឡាយហ្វ៍ យើងមានបេសកកម្មដ៏ច្បាស់លាស់មួយក្នុងការជួយកសាងអនាគតឲ្យកាន់តែប្រសើរឡើងជូនក្រុមគ្រួសារកម្ពុជា។ ការក្លាយជាក្រុមហ៊ុនឈានមុខគេផ្នែកឌីជីថលគឺជាយុទ្ធសាស្ត្រសំខាន់សម្រាប់យើងដើម្បីសម្រេចបាននូវបេសកកម្មនោះ ហើយការសម្ពោធគម្រោង “Manulife សុខសប្បាយ” នេះពិតជាបានឆ្លុះបញ្ចាំងពីការប្ដេជ្ញាចិត្តរបស់យើងក្នុងការសម្រេចឲ្យបាននូវបេសកកម្មមួយនេះ”។
លោកបានបន្ថែមទៀតថា “ខ្ញុំសង្ឃឹមថា ក្រោមការសហការយ៉ាងជិតស្និទ្ធជាមួយធនាគារ ABA ដែលជាដៃគូយុទ្ធសាស្ត្ររបស់យើង “Manulife សុខសប្បាយ” នឹងជួយឲ្យប្រជាពលរដ្ឋកម្ពុជាជាច្រើនទៀតទទួលបាននូវការការពារហិរញ្ញវត្ថុដ៏ត្រឹមត្រូវមួយស្របតាមតម្រូវការរបស់គាត់”។
លោក Askhat Azhikhanov នាយកប្រតិបត្តិធនាគារ ABA មានប្រសាសន៍ថា ធនាគារ ABA ពិតជាមានសេចក្ដីសោមនស្សក្នុងការគាំទ្រដៃគូយុទ្ធសាស្ត្ររបស់ខ្លួន ដោយណែនាំអតិថិជន ABA ទៅកាន់ផ្លែតហ្វម Manulife ដើម្បីទទួលបានជម្រើសផលិតផលធានារ៉ាប់រងដែលមានតម្លៃសមរម្យ។
លោកបានបន្ថែមថា “ក្នុងនាមជាធនាគារឌីជីថលឈានមុខមួយនៅក្នុងកម្ពុជា យើងជឿជាក់ទៅលើការផ្ដល់ដំណោះស្រាយហិរញ្ញវត្ថុចាំបាច់នានា ដែលនឹងកាន់តែទូលំទូលាយជាងមុន។ ហេតុនេះហើយទើបយើងឃើញមានវត្តមានរបស់ Manulife សុខសប្បាយ នៅក្នុង ABA Mobile ដែលជាផលិតផលប្រកបដោយគំនិតផ្ដួចផ្ដើមទំនួលខុសត្រូវសង្គម ដោយផ្ដល់ការការពារហិរញ្ញវត្ថុក្នុងករណីមានគ្រោះថ្នាក់ចៃដន្យនានា ជាមួយនឹងតម្លៃសមរម្យ និងមិនមានលក្ខខណ្ឌស្មុគស្មាញ ជូនដល់ប្រជាពលរដ្ឋកម្ពុជាយើងកាន់តែច្រើន។ ផលិតផល Manulife សុខសប្បាយ ក្លាយជាតម្រូវការចាំបាច់សម្រាប់អ្នកធ្វើដំណើរប្រចាំថ្ងៃ ជាពិសេសអ្នកបើកបរម៉ូតូ ព្រោះថាវាផ្ដល់សុវត្ថិភាពផ្លូវចិត្តដល់ពួកគាត់ និងមនុស្សជាទីស្រលាញ់របស់ពួកគាត់ ក្នុងករណីគ្រោះថ្នាក់លើដងផ្លូវ”។
លោកបានបន្ថែមទៀតថា “ខ្ញុំសូមលើកទឹកចិត្តដល់អតិថិជនរបស់យើង ឲ្យទទួលយកការផ្ដល់ជូនដ៏ល្អនេះ ដើម្បីទទួលបានការការពារជាមួយ Manulife សុខសប្បាយ ក្នុងកម្មវិធី ABA Mobile”។
គួរបញ្ជាក់ផងដែរថា កិច្ចសហការរវាងក្រុមហ៊ុន Manulife Cambodia និងធនាគារ ABA បានចាប់ផ្ដើមតាំងពីឆ្នាំ ២០១៦។ ហើយក្នុងឆ្នាំ ២០១៩ ស្ថាប័នទាំងពីរបានសហការគ្នាផ្ដល់សេវាបង់បុព្វលាភធានារ៉ាប់រងដល់អតិថិជនមេនូឡាយហ្វ៍តាម កម្មវិធី ABA Mobile។
សម្រាប់ព័ត៌មានបន្ថែម និងព័ត៌មានថ្មីៗពីក្រុមហ៊ុន មេនូឡាយហ្វ៍ ខេមបូឌា សូមតាមដានទំព័រហ្វេសប៊ុក «Manulife Cambodia» តាមរយៈ www.facebook.com/ManulifeKH ឬ ចូលទៅកាន់គេហទំព័រ www.manulife.com.kh ។
អតិថិជនដែលមិនទាន់មានគណនី ABA ហើយចាប់អារម្មណ៍លើគម្រោង Manulife សុខសប្បាយ អាចដោនឡូតកម្មវិធី ABA Mobile ទីនេះ ហើយបើក គណនីរហ័ស (តម្រូវឲ្យមានអត្តសញ្ញាណប័ណ្ណ និងស្មាតហ្វូនមានលេខដំណើរការ)។
ទំនាក់ទំនងសម្រាប់អ្នកសារព័ត៌មាន៖
កញ្ញា ជា វិជាន
ប្រធានគ្រប់គ្រងផ្នែកទំនាក់ទំនង
ក្រុមហ៊ុន មេនូឡាយហ្វ៍ (ខេមបូឌា) ភីអិលស៊ី
+855-12 244-323
កញ្ញា ឃួន ពីនុជ្ជ
អ្នកគ្រប់គ្រងកិច្ចការសារព័ត៌មាន និងទំនួលខុសត្រូវសង្គម
ធនាគារ ABA
+855-98 630-281
សម្ដេចតេជោ ស្ដាយដែលអ្នកសារព័ត៌មានចាត់ទុកថាថៃជោគជ័យលើការបង្ក្រាបបទល្មើសឆបោកតាមអនឡាញ តែថាកម្ពុជាបរាជ័យ
បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់
បុណ្យកោងកាងសន្តិភាពឆ្នាំនេះ÷ កូនកោងកាង៥ពាន់ដើម ត្រូវបានដាំនៅក្នុងសហគមន៍កោះកាពិ ខេត្តកោះកុង
លោកស្រី ដោ សម្ផស្ស៖ សមាគមកាយឫទ្ធិនារី ត្រូវយកចំណេះដឹងទៅផ្សព្វផ្សាយ ក្នុងសហគមន៍ ដើម្បីទីក្រុងយើងមានបរិស្ថានល្អ
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
Trump ដាក់លក្ខខណ្ឌបើ Zelensky ចង់មកចរចាម្តងទៀត
Trump និង Zelensky ឈ្លោះគ្នានៅសេតវិមាន ផ្អើលពិភពលោក
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៣ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម១ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៤ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ