មកដឹងភារកិច្ចថ្នាក់ដឹកនាំអគ្គបញ្ជាការដ្ឋាននៃកងយោធពលខេមរភូមិន្ទទាំង ១៧រូប

អគ្គបញ្ជាការដ្ឋាននៃកងយោធពលខេមរភូមិន្ទ ជាស្ថាប័នកងទ័ពជាតិចំណុះឲ្យក្រសួងការពារជាតិ ដែលមានបេសកកម្មការពារអធិបតេយ្យភាពជាតិ ធានារក្សាការពារសណ្ដាប់ធ្នាប់ សន្តិសុខផ្ទៃក្នុងប្រទេស និងកិច្ចការការពារបន្ទាត់ព្រំដែននៃកម្ពុជា។

ទន្ទឹមនេះ ការកំណត់របៀបរបបការងារ និងការបែងចែកភារកិច្ចដល់ថ្នាក់ដឹកនាំអគ្គបញ្ជាការដ្ឋាន គឺដើម្បីសំដៅពង្រឹងសមត្ថភាពអនុវត្តច្បាប់ គ្រប់គ្រង និងដឹកនាំបញ្ជា ប្រកបដោយស្មារតីទទួលខុសត្រូវតាមតួនាទីភារកិច្ចលើវិស័យការពារជាតិ។  

បើតាមសេចក្ដីសម្រេចរបស់អគ្គបញ្ជាការដ្ឋាននៃកងយោធពលខេមរភូមិន្ទ គឺបានសម្រេចបែងចែកភារកិច្ចការងារដល់អគ្គមេបញ្ជាការ អគ្គមេបញ្ជាការរង ដូចខាងក្រោម៖

១/ នាយឧត្តមសេនីយ៍ វង្ស ពិសេន ជាអគ្គមេបញ្ជាការនៃកងយោធពលខេមរភូមិន្ទ ទទួលបន្ទុកដឹកនាំបញ្ជាការងាររួមរបស់កងយោធពលខេមរភូមិន្ទ។

២/ នាយឧត្ដមសេនីយ៍ ឥត សារ៉ាត់ អគ្គមេបញ្ជាការរងទទួលបន្ទុកជានាយសេនាធិការចម្រុះ ដឹកនាំចាត់ចែងសកម្មភាពការងារប្រចាំថ្ងៃ ការងារទីចាត់ការហ្វឹកហ្វឺន និងបណ្តាសាលាចំណុះអគ្គបញ្ញាការដ្ឋាន។

៣/ ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងទទួលបន្ទុកជាមេបញ្ជាការកងទ័ពជើងគោក និងមេបញ្ជាការបញ្ជាការដ្ឋានជាតិកម្លាំងពិសេសប្រឆាំងភេរវកម្ម។

៤/ នាយឧត្តមនាវី ទៀ វិញ ជាអគ្គមេបញ្ជាការរងទទួលបន្ទុកជាមេបញ្ជាការកងទ័ពជើងទឹក។

៥/ នាយឧត្ដមសេនីយ៍ សឹង សំណាង ជាអគ្គមេបញ្ហាការរង ទទួលបន្ទុកជាមេបញ្ជាការកងទ័ពជើងអាកាស និងការងារគ្រប់គ្រង ដឹកនាំបញ្ជាផ្ទាល់បញ្ជាការដ្ឋានការពារអាកាស។

៦/ នាយឧត្ដមសេនីយ៍ សៅ សុខា ជាអគ្គមេបញ្ញាការរង ទទួលបន្ទុកជាមេបញ្ជាការកងរាជអាវុធហត្ថលើផ្ទៃប្រទេស។

៧/ នាយឧត្តមសេនីយ៍ ហ៊ីង ប៊ុនហៀង ជាអគ្គមេបញ្ជាការរង ទទួលបន្ទុកជាមេបញ្ជាការបញ្ជាការដ្ឋានអង្គរក្ស។

៨/ នាយឧត្តមសេនីយ៍ ខ្វាន់ ស៊ាម ជាអគ្គមេបញ្ជាការរង ទទួលបន្ទុកជាមេបញ្ជាការបញ្ជាការដ្ឋានកងវិស្វកម្ម។

៩/ នាយឧត្ដមសេនីយ៍ ណុប រតនា ជាអគ្គមេបញ្ជាការរង ទទួលបន្ទុកជាមេបញ្ជាការបញ្ជាការដ្ឋានកាំភ្លើងធំ។

១០/ នាយឧត្តមសេនីយ៍ វង្ស វាសនា ជាអគ្គមេបញ្ជាការរង ទទួលបន្ទុកការងារទីចាត់ការកលយុទ្ធ ទីចាត់ការការពារគីមីសាស្ត្រ ទីចាត់ការបំភ័ន្តអក្ខរៈ និងការងារបញ្ជាការដ្ឋានបញ្ជូនសារ។

១១/ នាយឧត្តមសេនីយ៍ ឈិន ចាន់ពណ៌ ជាអគ្គមេបញ្ញាការរង ទទួលបន្ទុកលើការងារសេនាធិការដ្ឋាន ការងារកងអន្តរាគមន៍ និងបញ្ជាការដ្ឋានរថក្រោះ។

១២/ នាយឧត្តមសេនីយ៍ គីម ប៊ុនថាន ជាអគ្គមេបញ្ជាការរង ទទួលបន្ទុកលើការងារទីចាត់ការការងារព្រំដែន។

១៣/ នាយឧត្តមសេនីយ៍ គៀង សាវុធ ជាអគ្គមេបញ្ជាការរង ទទួលបន្ទុកលើការងារមជ្ឈមណ្ឌលស្រាវជ្រាវយុទ្ធសាស្ត្រយោធា និងក្រុមការងារស្រាវជ្រាវយុទ្ធសាស្ត្រយោធា។

១៤/ នាយឧត្តមសេនីយ៍ អ៊ុង សំខាន់ ជាអគ្គមេបញ្ជាការរង ទទួលបន្ទុកលើការងារទីចាត់ការ ឃោសនា-ព័ត៌មាន និងទំនាក់ទំនងសាធារណៈ។

១៥/ នាយឧត្តមសេនីយ៍ ម៉ក់ សារុន ជាអគ្គមេបញ្ជាការរង ទទួលបន្ទុកការងារទីចាត់ការផែនការ ទីចាត់ការចលនូប្បត្ថម្ភ ទីចាត់ការបច្ចេកទេស និងទីចាត់ការសុខាភិបាល។

១៦/ នាយឧត្តមសេនីយ៍ អ៊ុយ សារិន ជាអគ្គមេបញ្ជាការរង ទទួលបន្ទុកការងារទីចាត់ការអភិវឌ្ឍន៍។

១៧/ នាយឧត្តមសេនីយ៍ ម៉ី មនដារី ជាអគ្គមេបញ្ជាការរង ទទួលបន្ទុកការងារយេនឌ័រ៕

ដោយ៖ ធឿន វ៉ាន់សុង