ព័ត៌មានជាតិ
មុនឡើងភ្នំបូកគោត្រូវដឹងទិដ្ឋភាព៤សំខាន់ៗ សម្រាប់អ្នកទេសចរ
ឧទ្យានជាតិព្រះមុនីវង្សភ្នំបូកគោ ឬឧទ្យានជាតិបូកគោ មានកន្លែងកម្សាន្តច្រើន ប៉ុន្តែភ្ញៀវទេសចរភាគច្រើន មិនបានទៅដល់ និងស្គាល់កន្លែងទាំងអស់នោះ។ នៅក្នុងនោះដែរ អ្នកទេសចរត្រូវដឹងទិដ្ឋភាពចំនួន ៤សំខាន់ៗ មុននឹងឡើងទៅលើភ្នំបូកគោ។ ទិដ្ឋភាព ៤នោះរួមមាន ប្រវត្តិសាសន្រ្ត សាសនា វប្បធម៌ និងធម្មជាតិ។

លោក កែវ សិទ្ធិ នាយកផ្នែកលក់ ទីផ្សារក្រុមហ៊ុនសុខាគ្រុប បានឱ្យដឹងថា លើកំពូលភ្នំបូកគោ មានទេសភាពស្រស់ស្អាត ខ្យល់អាកាសបរិសុទ្ធ និងមានតំបន់ទេសចរណ៍បែបធម្មជាតិជាច្រើន មានដូចជា ទឹកធ្លាក់ ពពកវិល វាលស្រែ១០០ វាលស្រែ ៥០០ ខ្លោងទ្វារមេឃ វាលផ្កាបំពង់ក្រឡោម ថ្មប្រាសាទ តំបន់សមាធិ បឹងលើកំពូលភ្នំ និងដំណាក់ស្លាខ្មៅ ជាដើម។

ចំណែកផ្នែកសាសនា មានដូចជា រូបសំណាក់លោកយាយម៉ៅ វត្តសំពៅប្រាំ ដែលភ្ញៀវទេសចរជាតិ មានជំនឿលើសាសនាតែងតែចូលគោរពបូជាជាប្រចាំ រីឯងទេសចរអន្តរជាតិ តែងចូល វិហារឆឺច ផ្នែកសាសនាកាតូឡិច និងមានព្រះវិហារចិន សម្រាប់ជនជាតិចិនផងដែរ។

ទាក់ទងនឹងកេរ្តិ៍ដំណែលប្រវត្តិសាស្រ្ត នៅលើភ្នំបូកគោ មានដូចជា អគារឡឺបូកគោផាឡេស និងដំណាក់ស្តេច ហើយតំបន់ខ្លះ នៅលើភ្នំ ក៏បានឆ្លុះបញ្ចាំងអំពីវប្បធម៌ខ្មែរដ៏ចំណាស់ផងដែរ។

បើតាមលោក កែវ សិទ្ធិ នៅចុងខែធ្នូនេះ សណ្ឋាគារសុខា បានរៀបចំកម្មវិធីជាច្រើន ដើម្បីទទួលភ្ញៀវទេសចរ ដែលមានបំណងឡើងកម្សាន្តឡើងភ្នំឆ្លងឆ្នាំសកល ដោយរៀបចំជាកញ្ចាប់ មានកន្លែងស្នាក់នៅ និងម្ហូបអាហារ ពិសេសកម្មវិធីកម្សាន្តផ្សេងៗ។

ឧទ្យានជាតិព្រះមុនីវង្សភ្នំបូកគោ ឬឧទ្យានជាតិបូកគោ មានចម្ងាយប្រមាណ ១១ គីឡូម៉ែត្រពីក្រុងកំពតទៅកាន់ជើងភ្នំ និងចម្ងាយ ៣២ គីឡូម៉ែត្រ ពីជើងភ្នំដល់កំពូលភ្នំ។
បើតាមអ្នកឧកញ៉ា សុខ គង់ បានឱ្យដឹងថា ឧទ្យានជាតិព្រះមុនីវង្សភ្នំបូកគោនេះ មានផ្ទៃដីប្រមាណ ១៤០ ០០០ ហិកតា ប៉ុន្តែមានតែផ្ទៃដី ៣ម៉ឺនហិកតាប៉ុណ្ណោះ ដែលកំពុងអភិវឌ្ឍ៕




-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១១ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ