ព័ត៌មានជាតិ
ឆ្នាំសិក្សាថ្មីនេះ សាលារៀននៅតាមព្រំដែន នៅមិនទាន់អាចបើកដំណើរការឡើងវិញបានទេ
សាលារៀនមួយចំនួនខេត្តជាប់ព្រំដែនប្រទេសថៃរួមមានខេត្តឧត្តរមានជ័យ បន្ទាយមានជ័យនិងបាត់ដំបងនៅមិនទាន់អនុញ្ញាតឲ្យបើកដំណើរការឡើងវិញនៅឆ្នាំសិក្សាថ្មី២០២០ ២០២១ដែលគ្រោងធ្វើនៅថ្ងៃទី១១មករាឆ្នាំ២០២១បាននៅឡើយទេ។
លោក ឌីរ៉ាដូ អភិបាលរងនិងជាអ្នកនាំពាក្យសាលាខេត្តឧត្តរមានជ័យបានឲ្យដឹងថា សាលារៀនចំនួន១១ដែលខេត្តបានយកធ្វើជាទីតាំងសម្រាប់មណ្ឌលចត្តាឡីស័ក ដល់ពលករខ្មែរមកពីប្រទេសថៃនោះគឺមិនទាន់អាចបើកដំណើរការឡើងវិញនៅថ្ងៃទី១១ ខែមករា បាននៅឡើយទេពោលគឺខេត្តទុកសម្រាប់ដាក់ធ្វើចត្តាឡីស័កដដែល។
លោកបានបន្តថា ចំពោះសិស្សដែលសិក្សានៅសាលាទាំង១១នេះតម្រូវឲ្យរៀនតាមអនឡាញឬពីចម្ងាយ។ដោយឡែកសាលាដែលមិនមានការពាក់ព័ន្ធនឹងបើកដំណើរការជាធម្មតា។
លោក លីសារី អភិបាលរងនិងជាអ្នកនាំពាក្យសាលាខេត្តបន្ទាយមានជ័យបានឲ្យដឹងដែរថាសាលាខេត្តនៅតែប្រារព្ធបើកបវេសនកាលឆ្នាំសិក្សាថ្មីនៅថ្ងៃទី១១ខែមករាតាមការគ្រោងទុករបស់ក្រសួងអប់រំ។ ប៉ុន្តែសាលារៀនចំនួន៧ដែលជាប់ដាក់ពលករធ្វើចត្តាឡីស័កនោះត្រូវពន្យារពេលចូលរៀនសិនហើយសិស្សដែលរៀននៅសាលាទាំងនោះដូចជាសិស្សថ្នាក់ទី១២និងថ្នាក់ទី៩ត្រូវទៅរៀននៅតាមសាលានៅក្បែរៗនោះសិននិងសិស្សខ្លះទៀតត្រូវរៀនតាមអនឡាញ ឬ រៀនពីចម្ងាយ។
យ៉ាងណាក៏ដោយ លោកបានបន្តថា ខេត្តបានត្រៀមរកទីតាំងថ្មីរួចរាល់ហើយសម្រាប់ដាក់ពលករធ្វើចត្តាឡីស័កហើយបន្ទាប់ពីខេត្តសំអាតនិងបាញ់ថ្នាំសម្លាប់មេរោគនៅក្នុងសាលាទាំងនោះរួចហើយនឹងប្រគល់ឲ្យមន្ទីរអប់រំវិញដើម្បីឲ្យសិស្សបានចូលរៀនឡើងវិញ។
ចំណែកលោក យី សុងគី ប្រធានមន្ទីរអប់រំ យុវជន និងកីឡាខេត្តបាត់ដំបង បានឲ្យដឹងថា សាលារៀនចំនួន៨ដែលកំពុងតែដាក់អ្នកចត្តាឡីស័កពលករមកពីប្រទេសថៃក៏មិនទាន់អាចបើកដំណើរការវិញឡើយហើយសិស្សានុសិស្សទាំងនោះនឹងត្រូវផ្ទេរទៅរៀននៅតាមសាលាផ្សេង និងបន្តរៀនតាមអនឡាញវិញ។
លោក រស់ សុវាចា អ្នកនាំពាក្យក្រសួងអប់រំបានឲ្យដឹងថា ក្រសួងអប់រំបានអនុញ្ញាតឲ្យវិទ្យាល័យហ៊ុនសែនបូរី១០០ខ្នងដែលជាមណ្ឌលចត្តាឡីស័កបើកដំណើរការឡើងវិញ បន្ទាប់ពីមានការបាញ់ថ្នាំសម្លាប់មេរោគរួចរាល់។
លោកបានបន្តថា ចំពោះអនុវិទ្យាល័យ និងបឋមសិក្សាហ៊ុនសែនពោធិ៍ចិនតុង ដែលជាគោលដៅសម្រាប់ដាក់អ្នកចត្តាឡីស័កផងដែរនោះ ក្រសួងអប់រំមិនទាន់អាចអនុញ្ញាតឲ្យបើកដំណើរការឡើងវិញឡើយទេដោយឲ្យសិស្សទាំងនោះរៀននៅសាលារៀនដែលមានទីតាំងក្បែរៗនោះសិន៕
ដោយ ៖ សំអឿន
សូមចុចអាន ៖ ដៃគូខ្មាន់កាំភ្លើងបង្ហាញចម្លើយសារភាពជាក់លាក់របស់ខ្លួន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង