អាជ្ញាធរភូមិកោះក្របី១ រៀបចំសម្អាតបរិស្ថាន ដើម្បីសោភ័ណភាពក្នុងមូលដ្ឋាន

អាជ្ញាធរភូមិកោះក្របី១ ស្ថិតក្នុងសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ បានរួមគ្នាធ្វើសកម្មភាព សម្អាតបរិស្ថាន ក្នុងភូមិ ដើម្បីថែរក្សាអនាម័យ និងបរិស្ថានស្អាត នៅក្នុងមូលដ្ឋានរបស់ខ្លួន តាមការចង្អុលបង្ហាញពីលោក ចេង មុនីរ៉ា អភិបាលខណ្ឌច្បារអំពៅ នៅព្រឹកថ្ងៃទី ១៨ ខែ ធ្នូ។

លោក អភិបាលខណ្ឌច្បារអំពៅ តែងតែណែនាំដល់ប្រជាពលរដ្ឋក្នុងមូលដ្ឋាន ឱ្យសម្អាតបរិស្ថាន ជុំវិញផ្ទះ និងទីសាធារណៈ ដើម្បីអនាម័យសុខភាពល្អ ពិសេសនៅក្នុងរដូវអាកាសធាតុចុះត្រជាក់នេះ។

លោក ចេង មុនីរ៉ា បានបន្តថា ជំងឺឱកាសនិយមផ្សេងៗ កើតចេញពីការខ្វះអនាម័យ និងសំរាមដែលពលរដ្ឋ​បោះចោលពាសវាលពាសកាល ដូច្នេះត្រូវតែទុកដាក់ឱ្យត្រឹមត្រូវ ដើម្បីចៀសវាងការកើតមានជំងឺផ្សេងៗ។

ទន្ទឹមនេះ លោកបានណែនាំដល់ប្រជាពលរដ្ឋ ឱ្យចូលរួមថែរក្សាសុខភាព និងសម្អាតបរិស្ថានទាំងអស់គ្នា ដោយអនុវត្តចាប់ពីខ្លួនយើងផ្ទាល់៕ នរា