​ពលករខ្មែរប្រាប់ពីស្ថានភាព​អាកាសធាតុចុះ​ត្រជាក់ក្នុងអំឡុងពេលបំពេញការងារ​នៅកូរ៉េ

ប្រទេសកូរ៉េខាងត្បូង​កំពុងទទួលរងនូវអាកាសធាតុត្រជាក់ខ្លាំងសីតុណ្ហភាពស្ថិតក្រោមសួន្យអង្សា និងមានព្រិលធ្លាក់នៅតំបន់មួយចំនួន។ នៅក្នុងអំឡុងខែធ្នូ និងខែមករា ពេលព្រឹកសីតុណ្ហភាព​ចុះ​ដល់ -៨ អង្សា ខណៈតំបន់ខ្លះ -១២ ទៅ -១៦ អង្សា។

​ពលករខ្មែរបម្រើការងារនៅកូរ៉េផ្នែកឧស្សាហកម្មនៅតំបន់ Gimhae លោក​ អុក សោភា អាយុ ២៨ ឆ្នាំ បានប្រាប់ថា ​ក្នុងម៉ោងធ្វើការ​ម្ចាស់រោងចក្របានបំពាក់ម៉ាស៊ីនកម្ដៅ (ណាល់ឡូ) សម្រាប់ពលករម្នាក់មួយ ខណៈ​ផ្នែក​សំណង់ និងកសិកម្មប្រើម៉ាស៊ីនកម្ដៅរួម។

បើតាមលោក អុក សោភា រូបលោកពាក់អាវក្រាស់ៗ ដើម្បីការពារសីតុណ្ហភាពចុះត្រជាក់ ​និងទទួល​ទានទឹកក្ដៅនាពេលព្រឹក ហើយព្យាយាមហាត់ប្រាណដើម្បីសម្រួលសរសៃឈាម៕