ព័ត៌មានជាតិ

បញ្ជូនបក្សពួកឃាតកបាញ់សម្លាប់មន្ត្រីនគរបាលឡើងតុលាការ

បានផុស

៥ years មុន

នៅ

ថ្ងៃសុក្រ ៨ មករា ២០២១

ដោយ

សំណុំរឿងបាញ់សម្លាប់លោក រ៉េត ស៊ីណែត នាយរងការិយាល័យព្រហ្មទណ្ឌកម្រិតស្រាល នាថ្ងៃទី ០៧ ,០៨ ខែមករា ឆ្នាំ២០២១នេះ ត្រូវបានបញ្ជូនមកអយ្យការអមសាលាដំបូងរាជធានីភ្នំពេញហើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឆាយ ហុង ព្រះរាជអាជ្ញារងអមតុលាការបានសាកសួរជនសង្ស័យឈ្មោះ កែ ចាន់មាន ដែលជាអ្នកបើកបររថយន្តឱ្យជនដៃដល់ឈ្មោះ អ៊ា ណារេន ហៅថាន់ ក្នុងពេលប្រព្រឹត្តអំពើឃាតកម្ម។

យោងតាមព័ត៌មានបឋមបានឱ្យដឹងថា តំណាងអយ្យការបានសម្រេចចោទប្រកាន់ឈ្មោះ កែ ចាន់មាន ពីបទ « សមគំនិតក្នុងអំពើឃាតកម្ម និងបទជួញដូរសារធាតុញៀន » ហើយបញ្ជូនជនត្រូវចោទអោយចៅក្រមចាត់ការបន្តតាមនីតិវិធី ។

ចំណែកជនដៃដល់ឈ្មោះ អ៊ា ណារេន កំពុងរត់គេចខ្លួននៅឡើយ បើយោងតាមព័ត៌មានចុងក្រោយ ជនដៃដល់ទំនងជារត់ទៅលាក់ខ្លួនក្នុងព្រៃ នាខេត្តស្ទឹងត្រែង ។

រីឯស្ត្រីឈ្មោះ មាន សុខអន ជាប្រពន្ធរបស់ជនដៃដល់ និងស្ត្រីឈ្មោះ វង្ស សុភាព ជាមិត្តភ័ក្ដិ នឹងត្រូវដោះលែងឱ្យមានសេរីភាពវិញ ដោយសារមិនជាប់ពាក់ព័ន្ធនិងអំពើល្មើស ៕

អត្ថបទ ៖ មករា

Related Topics:បញ្ជូនទៅតុលា