ព័ត៌មានជាតិ

គណៈបញ្ជាការឯកភាពខេត្តបើកកិច្ចប្រជុំបន្ទាន់មួយស្តីពី លោកកូ ណៃ យកដុំថ្មបិទផ្លូវ ដាំបង្គោលរបងលួស បន្លាហ៊ុមព័ទ្ធយកដីភ្នំធ្វើជាកម្មសិទ្ធិ

បានផុស

២ years មុន

នៅ

ថ្ងៃសៅរ៍ ២៤ ធ្នូ ២០២២

ដោយ

បន្ទាយមានជ័យ ៖ ព្រឹកថ្ងៃទី២៤ ខែធ្នូ ឆ្នាំ២០២២នេះ គណៈបញ្ជាការឯកភាពខេត្តបានបើកកិច្ចប្រជុំបន្ទាន់មួយ ស្តីពីលោកកូ ណៃ យកដុំថ្មធំៗបិទផ្លូវ ដាំបង្គោលរបងលួស បន្លាហ៊ុមព័ទ្ធយកដីភ្នំពង្រកងវ៉ា ធ្វើជាកម្មសិទ្ធិចុះពិនិត្យរុះរើចេញ តាមអនុសាសន៍សម្តេចតេជោហ៊ុនសែន ក្នុងសាលប្រជុំសាលាខេត្តគណៈកម្មការចូលរួមមាន លោកអ៊ំុំ រាត្រី អភិបាលខេត្តបន្ទាយមានជ័យ លោកអភិបាលរងខេត្ត លោកឧត្តមសេនីយ៍ទោសិទ្ធិឡោះ ស្នងការនគរបាលខេត្តបន្ទាយមានជ័យ មេបញ្ជាការរងកងរាជអាវុធហត្ថខេត្តបន្ទាយមានជ័យ លោកស្រេង សុផល អភិបាលក្រុងសិរីសោភ័ណ និងប្រធានមន្ទីរពាក់ព័ន្ធជាច្រើនរូបទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកិច្ចប្រជុំនោះ ប្រធានមន្ទីរពាក់ព័ន្ធបានលើកឡើងពីរឿងលោក កូ ណៃ ដែលគេស្គាល់ថា ជាមន្ត្រីនគរបាលនិងជាម្ចាស់អាជីវកម្មវាយថ្មដ៏ធំជាងគេនៅភ្នំធំ បានយកថ្មធំៗមកបិទផ្លូវចូលចម្ការរបស់ពលរដ្ឋមិនឲ្យប្រជាពលរដ្ឋណាចេញចូលទៅប្រកបរបរកសិកម្មបាន បន្ទាប់មកទៀត លោកកូណៃបាបឲ្យកូនចៅ ដាំបង្គោលរបងលួសបន្លាហ៊ុមព័ទ្ធយកដីភ្នំពង្រ ភ្នំកងវ៉ា ក្នុងភូមិពង្រ សង្កាត់កំពង់ ស្វាយក្រុងសិរីសោភ័ណ ខេត្តបន្ទាយមានជ័យ ពីពាក់កណ្តាលខែធ្នូមកម្ល៉េះ។

លុះនៅល្ងាច ថ្ងៃទី២៣ គណៈបញ្ជាការកងឯកភាពរដ្ឋបាលខេត្តបានចុះយកថ្មរាំងផ្លូវនិងរុះរើបង្គោលរបងលួសបន្លាហ៊ុមព័ទ្ធយកដីភ្នំពង្រ ភ្នំកងវ៉ា ចេញអស់អនុវត្តតាមអនុសាសន៍សម្តេចតេជោហ៊ុន សែន នាយករដ្ឋមន្ត្រី។

ក្នុងកិច្ចប្រជុំនោះ លោកអ៊ុំ រាត្រី បានមានប្រសាសន៍ថា បានបង្កើតគណៈកម្មការ អនុគណៈកម្មការ ដើម្បីធ្វើការងារគ្រប់គ្រង អភិរក្សនិងអភិវឌ្ឍន៍ដីរដ្ឋ ដីភ្នំ ឲ្យទៅជាទ្រព្យសាធារណៈនិងទ្រព្យឯកជនរបស់រដ្ឋទូទាំងស្រុក ក្រុងទាំង៩ ក្នុងទូទាំងខេត្តតែម្តង។

លោកបានបញ្ជាក់ឲ្យដឹងបន្តទៀតថា នៅថ្ងៃទី២៣ ខែធ្នូ ឆ្នាំ២០២២នោះ សម្តេចតេជោ ហ៊ុនសែន នាយករដ្ឋមន្ត្រី មានប្រតិកម្ម និងចេញអនុសាសន៍យ៉ាងម៉ឺងម៉ាត់ដោយដាក់បទបញ្ជាឲ្យអាជ្ញាធរខេត្តចុះពិនិត្យបញ្ឈប់សកម្មភាពយកថ្មពេញពីផ្លូវដើរ និងរុះរើរបងលួសចេញពីដីរដ្ឋ ដីភ្នំនិងរក្សាទុកជាសម្បត្តិរដ្ឋ ទុកផ្លូវជូនពលរដ្ឋដើរ ដឹកកសិផលដូចធម្មតាឡើងវិញ។

លោកបានបញ្ជាក់ឲ្យដឹងបន្តទៀតថា ដីដែលលោកកូ ណៃ បានហ៊ុមរបងព័ទ្ធយកនោះ មានទំហំរាប់សិបហិចតាឯណោះ។ ហើយការបង្កើតគណៈបញ្ជាការឯកភាពខេត្តនេះមានបំណងធ្វើការងារគ្រប់គ្រង ការងារអភិរក្សនិងអភិវឌ្ឍន៍លើដីរដ្ឋ ដីភ្នំ ឯកជនរបស់រដ្ឋ ក្នុងទូទាំងខេត្តតែម្តង។

ក្នុងនោះ ការបង្ហាញផែនដី និយាមការ ឯកសារគតិយុត្តិ ឯកសារពី ប្រធាន.អនុប្រធានមន្ទីរ អភិបាលរងខេត្ត អភិបាលស្រុក ក្រុងឲ្យមន្ទីរ អង្គភាពជំនាញនិងអាជ្ញាធរមានសមត្ថកិច្ចផ្ដល់ទិន្នន័យ ព័ត៌មាន ឯកសារនានាទាក់ទិនដីខ្ពង់រាប ដីភ្នំ ដីតំបន់ ការពារ តំបន់អភិរក្សជា ដីក្នុងអាជ្ញាប័ណ្ណចាស់ ថ្មី ផុតកំណត់នូវអាជីវកម្មរ៉ែដី ខ្សាច់ ថ្ម ដើម្បីជាសំអាងក្នុងការប្រើប្រាស់ អនុវត្តការងារក្នុងដែនសមត្ថកិច្ចជាដើម៕

ដោយ ៖ វ៉ាន់ ណាង