ព័ត៌មានជាតិ

សូម្បីអ្នករួមបន្ទប់ក៏មិនលើកលែង! បុរសម្នាក់ចាក់សម្លាប់ជនជាតិចិនដូចគ្នា

បានផុស

៤ years មុន

នៅ

ថ្ងៃសុក្រ ៨ មករា ២០២១

ដោយ

ស្លាប់ភ្លាមៗក្នុងថ្លុកឈាម ដោយសារជនជាតិចិនដូចគ្នា ចាក់សម្លាប់អ្នករួមបន្ទប់ កាលពីថ្ងៃទី០៧ ខែមករា ឆ្នាំ២០២១ នៅវេលាម៉ោង០៤និង៥០នាទីទៀបភ្លឺ នៅចំណុចកាស៊ីណូ ហ្គេនទីង ជាន់ទី១១ ស្ថិតក្នុងភូមិក្បាលស្ពាន១ សង្កាត់/ក្រុងប៉ោយប៉ែត ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឲ្យដឹងថា ករណីឃាតកម្មខាងលើ បង្កដោយជនសង្ស័យឈ្មោះ សាយ សឺសាន ភេទប្រុស អាយុ២៨ឆ្នាំ ជាជនជាតិចិន រស់នៅបន្ទប់ជួលកន្លែងកើតហេតុខាងលើ បានឈ្លោះប្រកែកគ្នា និងប្រើកាំបិតចុងស្រួចដងជ័រពណ៌ខ្មៅប្រវែង ៤០សង់ទីម៉ែត្រ ចាក់ទៅលើជនរងគ្រោះឈ្មោះ លីវ យីហ្វុង ភេទប្រុស អាយុ២៧ឆ្នាំ ជនជាតិចិន រស់នៅបន្ទប់ជួលជាមួយជនសង្ស័យ បណ្ដាលឲ្យរងរបួសធ្លាយបំពង់កផ្នែកខាងស្ដាំ ស្លាប់ភ្លាមៗនៅនឹងកន្លែងកើតហេតុ។ ចំណែកជនសង្ស័យខាងលើ ក្រោយកើតហេតុភ្លាមៗត្រូវបានកម្លាំងនគរបាលក្រុងប៉ោយប៉ែត ឃាត់ខ្លួនសួរនាំនៅអធិការ ដើម្បីកសាងសំណុំរឿងទៅតាមនីតិវិធី៕