ព័ត៌មានជាតិ
នគរបាលប្រាប់ល្បិចថ្មី បន្លំបោកប្រាស់ទិញផលិតផលតាមប្រព័ន្ធអនឡាញ(Online)
កាលពីពេលថ្មីៗនេះមានករណីបន្លំបោកប្រាស់ ការទិញ លក់តាមប្រពន្ធ័អនឡាញ (Online) ជាបន្តបន្ទាប់ដោយជនល្មើសបានបង្កើតគណនីហ្វេសប៊ុកក្លែង របស់ហាងផ្សេងៗជាច្រើន និងបានផ្សព្វផ្សាយលក់ផលិតផលនានាតាមប្រព័ន្ធអនឡាញ ឱ្យទៅអតិថិជនរបស់ខ្លួន ។
បើតាមសេចក្ដីជូនដំណឹងរបស់ស្នងការដ្ឋាននគរបាលខេត្តកំពត នៅពេលដែលមានអតិថិជនសាកសួររកទីតាំងធ្វើអាជីវកម្ម ជនល្មើសបានផ្ញើទីតាំងរបស់ហាងលក់ផលិតផលត្រឹមត្រូវ និងរូបភាពបង្ហាញ ប្រាប់អតិថិជន ដើម្បីជាការបន្លំបោកប្រាស់ឱ្យអតិថិជនមានជំនឿ និងផ្ញើរប្រាក់មកឱ្យខ្លួនតាមរយៈការទិញ លក់ ផលិតផលផ្សេងៗនេះ ប៉ុន្តែពេលទទួលបានប្រាក់ពីអតិថិជនហើយ ជនសង្ស័យមិនបានផ្ញើរ ផលិតផល នោះឱ្យទៅអតិថិជនទេ ។
សកម្មភាពបន្លំបោកប្រាស់ តាមរូបភាពខាងលើនេះបានធ្វើឱ្យមហាជន ឬអតិថិជនដែលរងគ្រោះ ដោយការក្លែងបន្លំនេះ បានធ្វើឲ្យជនរងគ្រោះយល់ច្រឡំជាខ្លាំងទៅលើម្ចាស់ហាងត្រឹមត្រូវពិតប្រាកដថាជាអ្នកប្រព្រឹត្តសកម្មភាពបែបនេះទៅវិញ ។
ដូចនេះស្នងការដ្ឋាននគរបាលខេត្តកំពត ជូនដំណឹងដល់បងប្អូនប្រជាពលរដ្ឋ ពិសេសបងប្អូនអ្នកនិយមប្រើប្រាស់បណ្តាញសង្គម មេត្តាចូលរួមសហការផ្សព្វផ្សាយបន្តដើម្បីឱ្យមហាជនទូទៅបានជ្រាបជាព័ត៌មាន និងកុំឱ្យមានការចាញ់បោកជនខិលខូច ខាងលើជាបន្តទៀត ម្យ៉ាងទៀតក៏ជាការក្រើនរំលឹកដល់មហាជនគ្រប់មជ្ឈដ្ឋានមេត្តាមានការប្រុងប្រយ័ត្ន បំផុតចំពោះករណីបោកប្រាស់ដែលកើតឡើងដោយការ(ទិញ-លក់) សម្ភារ ឧបករណ៍ផ្សេងៗ តាមរយៈប្រព័ន្ធអនឡាញ (Online) នេះ សូមមេត្តាចូលរួមសហការណ៍ផ្តល់ព័ត៌មានដើម្បីឈានទៅវែកមុខជនខិលខូចខាងលើយកមកផ្តន្ទាទោស តាមផ្លូវច្បាប់ និងឈានទៅលុបបំបាត់ឲ្យបាននូវបណ្តាបទល្មើសដូចលើកឡើងខាងលើនេះ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ