ព័ត៌មានជាតិ

បញ្ចៀសធ្វើដំណើរតាមផ្លូវជាតិលេខ ៧៣ ប្រធាតុ-ក្រចេះ ត្រៀមបើកការដា្ឋនស្ពានខេត្តក្រចេះ

បានផុស

២ years មុន

នៅ

ថ្ងៃអង្គារ ២៧ ធ្នូ ២០២២

ដោយ

រដ្ឋបាលខេត្តក្រចេះនារសៀលថ្ងៃទី២៦ ខែធ្នូ ឆ្នាំ២០២២នេះ បានជូនដំណឹងដល់សាធារណជននិងបងប្អូនប្រជាពលរដ្ឋក្នុងខេត្តក្រចេះ ដើម្បីរៀបចំបើកការដ្ឋានសាងសង់ស្ពានឆ្លងកាត់ទន្លេមេគង្គពីស្រុកចិត្របុរីទៅស្រុកព្រែកប្រសព្វ និងផ្លូវតភ្ជាប់ទៅក្រុងក្រចេះខេត្តក្រចេះ។

ក្នុងសេចក្តីជូនដំណឹងរបស់អាជ្ញាធរខេត្តក្រចេះ បានណែនាំឲ្យបញ្ចៀសការធ្វើចរាចរចំពោះយានយន្តគ្រប់ប្រភេទឆ្លងកាត់តាមកំណាត់ផ្លូវជាតិលេខ៧៣ ប្រធាតុ -ក្រចេះ នៅថ្ងៃទី០២ ខែមករា ឆ្នាំ២០២៣ ចាប់ពីម៉ោង០៥:០០នាទីព្រឹក រហូតដល់បញ្ចប់កម្មវីធី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីបញ្ចៀសការកកស្ទះចរាចរ រដ្ឋបាលខេត្តក្រចេះ បានរៀបចំទិសដៅបញ្ចៀសចរាចរដូចខាងក្រោម៖

-ការធ្វើដំណើរទិសដៅពីរាជធានីភ្នំពេញឬខេត្តផ្សេងៗមកកាន់ខេត្តក្រចេះ ស្ទឹងត្រែង ត្រូវធ្វើដំណើរតាមផ្លូវជាតិលេខ៧ តាមស្រុកស្នួល។
-ការធ្វើដំណើរទិសដៅពីខេត្តក្រចេះ ស្ទឹងត្រែង រតនគិរី ទៅរាជធានីភ្នំពេញឬទៅបណ្តាខេត្តផ្សេងៗត្រូវធ្វើដំណើរតាមផ្លូវជាតិលេខ៧ តាមស្រុកស្នួល៕