ព័ត៌មានជាតិ

ខេត្តស្វាយរៀងដាក់គោលដៅសម្រេចឲ្យបានគ្រប់ភូមិ មានភ្លើងអគ្គិសនីប្រើប្រាស់ត្រឹមឆ្នាំ២០២៣

បានផុស

២ years មុន

នៅ

ថ្ងៃអង្គារ ២៧ ធ្នូ ២០២២

ដោយ

អាជ្ញាធរខេត្តស្វាយរៀងបានរៀបចំផែនការសម្រេចឲ្យបានគ្រប់ភូមិទូទាំងខេត្ត នឹងមានភ្លើងអគ្គិសនីប្រើប្រាស់ត្រឹមឆ្នាំ២០២៣។ នេះបើយោងតាមរបាយការណ៍សមិទ្ធផលរយៈពេល ៥ ឆ្នាំរបស់រដ្ឋបាលខេត្តស្វាយរៀង។

ខេត្តស្វាយរៀងមានភូមិសរុប ៦៩០ ភូមិ មាន ៦៨ ឃុំ/សង្កាត់ មាន ០៦ ស្រុកនិងក្រុងចំនួនពីរ និងមានប្រជាពលរដ្ឋរស់នៅជាង ៦២ ម៉ឺននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមអាជ្ញាធរខេត្តស្វាយរៀង ថាមពលអគ្គិសនីបានតភ្ជាប់បណ្ដាញពីខេត្តរហូតដល់ក្រុងស្រុកឃុំសង្កាត់និងភូមិមួយចំនួន ហើយតាមផែនការនៅឆ្នាំ២០២៣ នឹងពង្រីកឲ្យបានគ្រប់ភូមិទូទាំងខេត្ត។

អាជ្ញាធរខេត្តបានបញ្ជាក់ថា ថាមពលអគ្គិសនីដែលកំពុងប្រើប្រាស់នៅក្នុងខេត្តស្វាយរៀងបានមកពី ៣ ប្រភពគឺប្រទេសវៀតណាម ពីរាជធានីភ្នំពេញ និងផលិតផ្ទាល់ខ្លួន ដោយតម្លៃប្រើប្រាស់គឺ ៦៥០ រៀលក្នុង ១ គីឡូវ៉ាត់ម៉ោង។

ខេត្តស្វាយរៀងមានសក្តានុពលលើ ៣ វិស័យធំៗគឺកសិកម្ម កសិឧស្សាហកម្ម និងឧស្សាហកម្ម។ ខេត្តមានរោងចក្រសហគ្រាស ឧស្សាហកម្ម ពាណិជ្ជកម្មទេសចរណ៍ សណ្ឋាគារនិងគ្រឹះស្ថានសរុប ២៦៤ កន្លែង។

តាមរយៈគោលនយោបាយលើកទឹកចិត្ត និងការបង្កើតឲ្យមានបរិយាកាសអនុគ្រោះ ខេត្តស្វាយរៀងមានតំបន់សេដ្ឋកិច្ចពិសេសកំពុងដំណើរការមានចំនួន ៨ កន្លែងរួមមាន៖

– តំបន់សេដ្ឋកិច្ចពិសេសមេនហាតធេន

– តំបន់សេដ្ឋកិច្ចពិសេសតាយសេងបាវិត

– តំបន់សេដ្ឋកិច្ចពិសេស សានតុង

– តំបន់សេដ្ឋកិច្ចពិសេស នាគរាជ

– តំបន់សេដ្ឋកិច្ចពិសេស ឈីលូ

– តំបន់សេដ្ឋកិច្ចពិសេស ហាយផាក

– តំបន់សេដ្ឋកិច្ចពិសេស អ៉ិនធ័រវៀ អូតូម៉ូបាល អ៉ិនផាសស្ទ្រីខមផ្លេកស៍

– និងតំបន់សេដ្ឋកិច្ចពិសេសជីហ្គារីសជៀនពុចាយ៕

Related Topics:ខេត្តស្វាយរៀង