ព័ត៌មានជាតិ
តើអ្វីទៅជា«ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍»?
បន្ទាប់ពីការប្រកាសជាផ្លូវការលទ្ធផលប្រឡងសញ្ញាបត្រមធ្យមសិក្សាទុតិយភូមិ ឬសញ្ញាបត្របាក់ឌុប ជាដំណាក់កាលបន្ត គឺសិស្សានុសិស្សដែលទើបប្រឡងទាំងអស់ នឹងត្រូវស្វែងរកជំនាញសិក្សាបន្តនៅកម្រិតឧត្តមសិក្សា ខណៈសព្វថ្ងៃនេះ នៅកម្ពុជាមានគ្រឹះស្ថានឧត្តមសិក្សាជាច្រើនត្រូវបានបង្កើតឡើងទាំងរដ្ឋ និងឯកជន។

នៅក្នុងនោះ សាកលវិទ្យាល័យភូមិន្ទភ្នំពេញ គឺជាគ្រឹះស្ថានឧត្តមសិក្សាសាធារណៈដែលមានអាយុកាលដ៏យូរមួយរបស់កម្ពុជាប្រកបដោយគុណវឌ្ឍន៍នៃការអប់រំ និងមានការទទួលស្គាល់ជាលក្ខណៈអន្តរជាតិ។ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ គឺជាផ្នែកមួយនៃសាកលវិទ្យាល័យភូមិន្ទភ្នំពេញ ដែលបណ្តុះបណ្តាលធនធានមនុស្សនាំមុខគេនៅក្នុងប្រទេសកម្ពុជា ផ្នែកប្រព័ន្ធផ្សព្វផ្សាយ ទំនាក់ទំនង និងសារព័ត៌មាន សម្រាប់កម្រិតបរិញ្ញាបត្រ។
ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC) ត្រូវបានបែងចែកជាពីរប្រភេទ គឺប្រភេទថ្នាក់អាហារូបករណ៍ និងប្រភេទថ្នាក់បង់ថ្លៃ។ លក្ខខណ្ឌនៃថ្នាក់អាហារូបការណ៍ បេក្ខជនត្រូវមានសញ្ញាបត្រមធ្យមសិក្សាទុតិយភូមិ(បាក់ឌុប) មានអាយុមិនលើសពី ២២ឆ្នាំ ហើយត្រូវឆ្លងកាត់ការប្រឡងចូល និងវគ្គសម្ភាសន៍ផ្ទាល់មាត់។ ដោយឡែក ថ្នាក់បង់ថ្លៃ បេក្ខជនត្រូវមានចំណាប់អារម្មណ៍លើជំនាញប្រព័ន្ធផ្សព្វផ្សាយ ចំណេះដឹងផ្នែកវប្បធម៌ទូទៅ ចេះភាសាអង់គ្លេស ឆ្លងកាត់ការប្រលងចូល តាមរយៈវិញ្ញាសាសំណេរ និងសម្ភាសន៍ផ្ទាល់មាត់ ហើយតម្លៃនៃការសិក្សា គឺ៦៥០ដុល្លារក្នុងមួយឆ្នាំ។

ក្រោយបញ្ចប់ការសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ និស្សិតទាំងអស់ នឹងទទួលបានជម្រើសទីផ្សារការងារយ៉ាងសម្បូរបែប ជាអាទិ៍ ផលិតករភាពយន្តឯកសារ អ្នកនាំពាក្យ អ្នកថតរូបសារព័ត៌មាន អ្នកសរសេរសាច់រឿង អ្នកកាសែត អ្នករាយការណ៍ព័ត៌មាន និពន្ធនាយកអង្គភាពសារព័ត៌មាន អ្នកស្រាវជ្រាវប្រព័ន្ធផ្សព្វផ្សាយ មន្ត្រីទំនាក់ទំនងសាធារណៈ អ្នកបង្កើតមាតិកា អ្នកផលិតវីដេអូ អ្នកកែវីដេអូ និងជាអ្នកជំនាញផ្សាយពាណិជ្ជកម្ម ជាដើម៕


ដោយ៖ ធឿន វ៉ាន់សុង

-
ព័ត៌មានអន្ដរជាតិ២០ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?