ព័ត៌មានជាតិ
ស្ពានអាកាសក្បាលថ្នល់ ផ្លូវ ៦០ ម៉ែត្រ ចាប់ផ្ដើមដំណើរការខួងគ្រឹះហើយ នឹងក្លាយជាស្ពានអាកាសដំបូងមានរង្វង់មូលលើអាកាស
ស្ពានអាកាសផ្លូវ ៦០ ម៉ែត្រ ក្បាលថ្នល់ ដែលមានទីតាំងប្រសព្វរវាងមហាវិថីសម្តេចអគ្គមហាសេនាបតីតេជោ ហ៊ុន សែន មហាវិថីព្រះមុនីវង្ស និងវិថីកងយោធពលខេមរភូមិន្ទ (ផ្លូវលេខ ២៧១) បានចាប់ផ្ដើមដំណើរការខួងគ្រឹះហើយ នឹងក្លាយជាស្ពានអាកាសដំបូងមានរង្វង់មូលលើអាកាស។
មន្ត្រី នៃមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងនៅព្រឹកថ្ងៃទី ២៨ ធ្នូនេះថា ៖ ស្ពានអាកាសក្បាលថ្នល់ថ្មីមួយទៀតនៅចំណុចប្រសព្វមហាវិថី សម្តេចតេជោ ហ៊ុន សែន មហាវិថីព្រះមុនីវង្ស និងវិថីកងយោធពលខេមរភូមិន្ទ ស្ថិតក្នុងខណ្ឌចំការមន និងខណ្ឌមានជ័យនេះ បានចាប់ផ្ដើមការដ្ឋានហើយ តែនៅក្រោយចូលឆ្នាំថ្មីសកលឆ្នាំ ២០២៣ ទើបគ្រឿងចក្រច្រើនគ្រឿងសម្រុកចូលក្នុងការដ្ឋានតែម្ដង។
ស្ពានអាកាសថ្មីមួយទៀតនេះ ត្រូវបានអភិបាល នៃគណៈអភិបាលរាជធានីភ្នំពេញ លោក ឃួង ស្រេង និងលោកស្រី រួមជាមួយនឹងមន្ត្រី អាជ្ញាធរដែនដី អញ្ជើញជាអធិបតី ក្រុងពាលីបញ្ចុះបឋមសិលា សុំម្ចាស់ទឹកម្ចាស់ដី កាលពីរសៀលថ្ងៃទី ៣០ ខែសីហា ឆ្នាំ ២០២២ ហើយនៅព្រឹកថ្ងៃទី ៣១ ខែសីហា ឆ្នាំ ២០២២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ បើកការដ្ឋានស្ថាបនាស្ពានអាកាសថ្មីនេះផងដែរ។
គម្រោងសាងសង់ស្ពានអាកាសនៅចំណុចប្រសព្វមហាវិថី សម្តេចតេជោ ហ៊ុន សែន មហាវិថីព្រះមុនីវង្ស និងវិថីកងយោធពលខេមរភូមិន្ទ ស្ថិតក្នុងខណ្ឌចំការមន និងខណ្ឌមានជ័យ រាជធានីភ្នំពេញនេះ ជាគម្រោងរបស់រាជរដ្ឋាភិបាលកម្ពុជា តាមរយៈរដ្ឋបាលរាជធានីភ្នំពេញ សាងសង់ដោយក្រុមហ៊ុនវិនិយោគទុនអាណិកជនកម្ពុជា OCIC ដោយគ្រោងចំណាយថវិកាចំនួន ៣៦.៧៧៥.០០០ ដុល្លារអាមេរិក ប្រើប្រាស់រយៈពេលសាងសង់ ៣៦ ខែ។
លក្ខណៈបច្ចេកទេស នៃផ្លូវថ្នល់ផ្ទាល់ដី ស្ពានអាកាសជាន់ទី ១ និងជាន់ទី ២ ៖
១.ផ្លូវថ្នល់ផ្ទាល់ដី ៖ មានរង្វង់មូល នៅត្រង់ចំណុចប្រសព្វ ដែលបំបែកខ្នែងជាបួនទិសផ្សេងគ្នា។ ១.១ រង្វង់មូល ៖ (មានបរិមាត្រ ១៧៨ ម៉ែត្រ x ទទឹង ១១.៨៥ ម៉ែត្រ)។ កាំរង្វង់ក្នុង ២០.០០ ម៉ែត្រ និងកាំរង្វង់ក្រៅ ៣៣.០០ ម៉ែត្រ ដែលមានតួនាទីជារង្វង់មូលដើម្បីបែងចែកទិសដៅចរាចរណ៍។ គន្លងចរាចរណ៍មាន ៣ គន្លងផ្លូវ (សម្រាប់រថយន្តមានទំហំ ៣.៩៥ ម៉ែត្រ ក្នុងមួយគន្លង)។ កម្ពស់សុវត្ថិភាព ៥.០០ ម៉ែត្រ ផ្នែកឆ្លងកាត់ក្រោមស្ពានអាកាសជាន់ទី ១។ ១.២ ផ្លូវថ្នល់ផ្ទាល់ដី ៖ តាមបណ្ដោយស្ពាន និងក្រោមស្ពានដែលតភ្ជាប់ទៅនឹងរង្វង់មូល (មានទទឹង ៧ ម៉ែត្រ)។
ទិសដៅចរាចរណ៍ ៖ ផ្លូវឯកទិស មានទិសដៅទៅ និងមកពីមហាវិថីសម្តេចតេជោ ហ៊ុន សែន មហាវិថីព្រះមុនីវង្ស វិថីកងយោធពលខេមរភូមិន្ទ ស្ពានព្រះមុនីវង្ស និងផ្លូវជាតិលេខ ២។ គន្លងចរាចរណ៍ ៖ ២ គន្លងផ្លូវ (១ គន្លងផ្លូវសម្រាប់រថយន្តមានទំហំ ៣.៥០ ម៉ែត្រ)។
២.ស្ពានអាកាសជាន់ទី ១ ៖ ជាស្ពានរង្វង់មូល នៅត្រង់ចំណុចប្រសព្វ ដែលបំបែកខ្នែងជាបួនទិសផ្សេងគ្នា នៃមហាវិថីសម្តេចតេជោ ហ៊ុន សែន ស្ពានព្រះមុនីវង្ស មហាវិថីព្រះមុនីវង្ស និងវិថីកងយោធពលខេមរភូមិន្ទ។ ២.១ ស្ពានអាកាសរង្វង់មូល ៖ (មានបរិមាត្រ ១៧៨ ម៉ែត្រ x ទទឹង ១២.៨៥ ម៉ែត្រ)។ កាំរង្វង់ក្នុង ២០.០០ ម៉ែត្រ និងកាំរង្វង់ក្រៅ ៣៣.០០ ម៉ែត្រ ដែលមានតួនាទីជារង្វង់មូលដើម្បីបែងចែកទិសដៅចរាចរណ៍។ គន្លងចរាចរណ៍ មាន ៣ គន្លងផ្លូវ (សម្រាប់រថយន្តមានទំហំ ៣.៩៥ ម៉ែត្រ ក្នុងមួយគន្លង)។ កម្ពស់សុវត្ថិភាព : ៥.០០ ម៉ែត្រ ផ្នែកឆ្លងកាត់ក្រោមស្ពានអាកាសជាន់ទី ២។ ២.២ ស្ពានអាកាសខ្នែងA ៖ ឆ្ពោះទៅស្ពានព្រះមុនីវង្ស (មានប្រវែង ២០០ ម៉ែត្រ x ទទឹង ១១.៥០ ម៉ែត្រ) ទិសដៅចរាចរណ៍ : ផ្លូវទ្វេទិស មានទិសដៅទៅមកពីស្ពានព្រះមុនីវង្ស គន្លងចរាចរណ៍ : ៤ គន្លងផ្លូវទៅមក (២ គន្លងទៅ និង ២ គន្លងមក ដែលម្ខាងមាន ១ គន្លងផ្លូវសម្រាប់រថយន្តមានទំហំ ៣.៥០ ម៉ែត្រ + ១ គន្លងផ្លូវសម្រាប់ទោចក្រយានយន្ត មានទំហំ ១.៥០ ម៉ែត្រ)។ ២.៣ ស្ពានអាកាសខ្នែងB ៖ វិថីកងយោធពលខេមរភូមិន្ទ (មានប្រវែង ២០០ ម៉ែត្រ x ទទឹង ៦.០០ ម៉ែត្រ) ទិសដៅចរាចរណ៍ ផ្លូវឯកទិស មានទិសដៅឆ្ពោះទៅវិថីកងយោធពលខេមរភូមិន្ទ។ គន្លងចរាចរណ៍ ២ គន្លងផ្លូវ (១ គន្លងផ្លូវសម្រាប់រថយន្តមានទំហំ ៣.៥០ ម៉ែត្រ + ១ គន្លងផ្លូវសម្រាប់ទោចក្រយានយន្ត មានទំហំ ១.៥០ ម៉ែត្រ) ២.៤ ស្ពានអាកាសខ្នែងC ៖ មហាវិថីព្រះមុនីវង្ស (មានប្រវែង ១៤៤ ម៉ែត្រ x ទទឹង ៦.០០ ម៉ែត្រ)។ ទិសដៅចរាចរណ៍ ផ្លូវឯកទិស មានទិសដៅមកពីមហាវិថីព្រះមុនីវង្ស គន្លងចរាចរណ៍ ២ គន្លងផ្លូវ (១ គន្លងផ្លូវសម្រាប់រថយន្តមានទំហំ ៣.៥០ ម៉ែត្រ + ១ គន្លងផ្លូវ សម្រាប់ទោចក្រយានយន្តមានទំហំ ១.៥០ ម៉ែត្រ) ២.៥ ស្ពានអាកាសខ្នែងD ៖ មហាវិថីព្រះមុនីវង្ស (មានប្រវែង ១៦១ ម៉ែត្រ x ទទឹង ៦.០០ ម៉ែត្រ) ទិសដៅចរាចរណ៍ ផ្លូវឯកទិស មានទិសដៅឆ្ពោះទៅមហាវិថីព្រះមុនីវង្ស គន្លងចរាចរណ៍ : ២ គន្លងផ្លូវ (១ គន្លងផ្លូវសម្រាប់រថយន្តមានទំហំ ៣.៥០ ម៉ែត្រ + ១ គន្លងផ្លូវសម្រាប់ទោចក្រយានយន្តមានទំហំ ១.៥០ ម៉ែត្រ)។ ២.៦ ស្ពានអាកាសខ្នែងE ៖ មហាវិថីសម្តេចតេជោ ហ៊ុន សែន (មានប្រវែង ១៥១ ម៉ែត្រ x ទទឹង ៦.០០ ម៉ែត្រ) ទិសដៅចរាចរណ៍ ផ្លូវឯកទិស មានទិសដៅមកពីមហាវិថីសម្តេចតេជោ ហ៊ុន សែន គន្លងចរាចរណ៍ :២គន្លងផ្លូវ (១ គន្លងផ្លូវសម្រាប់រថយន្តមានទំហំ ៣.៥០ ម៉ែត្រ + ១ គន្លងផ្លូវសម្រាប់ទោចក្រយានយន្ត មានទំហំ ១.៥០ ម៉ែត្រ)។ ២.៧ ស្ពានអាកាសខ្នែងF ៖ មហាវិថីសម្តេចតេជោ ហ៊ុន សែន (មានប្រវែង ១៣១ ម៉ែត្រ x ទទឹង ៦.០០ ម៉ែត្រ) ទិសដៅចរាចរណ៍ : ផ្លូវឯកទិស មានទិសដៅឆ្ពោះទៅមហាវិថីសម្តេចតេជោ ហ៊ុន សែន – គន្លងចរាចរណ៍ : ២ គន្លងផ្លូវ (១ គន្លងផ្លូវសម្រាប់រថយន្តមានទំហំ ៣.៥០ ម៉ែត្រ + ១ គន្លងផ្លូវសម្រាប់ទោចក្រយានយន្តមានទំហំ ១.៥០ ម៉ែត្រ)។
៣.ស្ពានអាកាសជាន់ទី ២ ៖ (មានប្រវែង ១,២០០ ម៉ែត្រ x ទទឹងពី ១៤.០០ ម៉ែត្រ ទៅ ១៥.៨០ ម៉ែត្រ) ទិសដៅចរាចរណ៍ ផ្លូវទ្វេទិស មានទិសដៅទៅមករវាង មហាវិថីព្រះមុនីវង្ស និងមហាវិថីសម្តេចតេជោ ហ៊ុន សែន គន្លងចរាចរណ៍ : ៤ គន្លងផ្លូវ (២ គន្លងទៅ និង ២ គន្លងមក ដែលម្ខាងមាន ២ គន្លងផ្លូវសម្រាប់រថយន្តមានទំហំ ៣.២៥ ម៉ែត្រ ទៅ ៣.៧០ ម៉ែត្រ) ធ្នឹមប្រអប់ជាបេតុងអាមេ ដែលមានកម្ពស់ ១.៥០ ម៉ែត្រ សសរស្ពាននីមួយៗប្រើបេតុង ជាមួយនឹងជើងតាំងកម្ពស់ ១.៥០ ម៉ែត្រ • ប្រភេទគ្រឹះខួង (Bored pile) មានអង្កត់ផ្ចិតទំហំ ១.៥០ ម៉ែត្រ ទៅ ១.២០ ម៉ែត្រ និងមានជម្រៅប្រមាណ ៥០ ម៉ែត្រ ជម្រាលទទឹងស្ពាន: ២% ជម្រាលបណ្ដោយស្ពាន: ៥% បង្កាន់ដៃស្ពានមានកម្ពស់ ១.១០ ម៉ែត្រ ល្បឿនសុវត្ថិភាព: ២០ គ.ម/ម៉ោង ទៅ ៤០ គ.ម/ម៉ោង ទម្ងន់ផ្ទុកអនុញ្ញាត ៣០ តោន កម្ពស់អនុញ្ញាត: ៥.០០ ម៉ែត្រ • អ៊ុតកៅស៊ូ AC កម្រាស់ ០.១០ ម៉ែត្រ ដាក់ស្លាកសញ្ញាចរាចរ និងអ៊ុតគំនូសចរាចរដោយប្រើថ្នាំទែរម៉ូប្លាស្ទឹក រៀបចំប្រព័ន្ធបង្ហូរទឹក និងបណ្ដាញលូ និងកែសម្រួលចិញ្ចើមផ្លូវអមសងខាង បំពាក់ភ្លើងបំភ្លឺផ្លូវ និងបំភ្លឺស្ពាន រៀបចំសួនច្បារ។
គួរបញ្ជាក់ថា បច្ចុប្បន្ននៅក្នុងរាជធានីភ្នំពេញមានស្ពានអាកាសចំនួន ៧ កន្លែង នោះគឺស្ពានអាកាសក្បាលថ្នល់ ស្ពានអាកាសស្ទឹងមានជ័យ ស្ពានអាកាស ៧ មករា ស្ពានអាកាស ៥ មករា ស្ពានអាកាសស្តុបផ្សារដីហុយ ស្ពានអាកាសចោមចៅ ស្ពានអាកាសផ្លូវជាតិលេខ ៥ គីឡូម៉ែត្រលេខ ៦ ដែលកំពុងមមាញឹកក្នុងការសាងសង់ ហើយពេលស្ពានអាកាសនេះ និងស្ពានអាកាសស៊ីនជូរីផ្លាហ្សារួចរាល់ រាជធានីភ្នំពេញ នឹងមានស្ពានអាកាសចំនួន ០៩ ដើម្បីសម្រួលការកកស្ទះចរាចរជូនប្រជាពលរដ្ឋ៕
អត្ថបទ ៖ ស្រីរ័ត្ន
អាជ្ញាធរខេត្តកំពតឱ្យពលរដ្ឋ ៣៥គ្រួសារ ចូលរួមរុះរ៉ើសំណង់ដែលប៉ះពាល់ចំណីព្រែកត្រើយខាងលិច ដើម្បីរៀបចំសោភ័ណភាពក្រុង
គណៈកម្មាធិការសិទ្ធិមនុស្សថា ស្ថានភាពសិទ្ធិមនុស្សក្នុងពន្ធនាគារគឺល្អប្រសើរ ដោយជនជាប់ឃុំអាចប្រតិបត្តិជំនឿសាសនាបាន
អាជ្ញាធរជាតិប្រយុទ្ធប្រឆាំងគ្រឿងញៀន និងសាលាមធ្យមសិក្សាសុខាភិបាលភូមិភាគស្ទឹងត្រែង រួមគ្នាផ្សព្វផ្សាយពីអត្ថប្រយោជន៍ App NoDrug
មេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
តុលាការចោទអ្នកបើករថយន្តបង្កគ្រោះថ្នាក់ឲ្យលោក Ruth Ko ស្លាប់ ពីបទ «បើកបរបង្កគ្រោះថ្នាក់ចរាចរណ៍បណ្តាលឲ្យស្លាប់អ្នកដទៃ»
មេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
ម្ដាយតារារ៉េប RuthKo មិនទទួលយកការសុំទោសដាច់ខាត ចំពោះទង្វើហាងផ្កាមួយកន្លែង ដែលផុសប្រមាថជីវិតកូន
ភ្លើងឆេះព្រៃរាលដាលដល់ចម្ការស្វាយ ៣៥ហិកតា ខូចខាតដើមស្វាយ ១៥ ០០០ ដើម
មហាអំណាចអឺរ៉ុប២ប្រទេស ចេញមុខព្រមានលោក ត្រាំ ក្រោយគំរាមប្រើកម្លាំងយោធា ដណ្តើមយក Greenland
កម្លាំងពន្លត់អគ្គីភ័យកើនដល់៧៥០០នាក់ ខណៈភ្លើងរាលដាលដល់ Hollywood Hills ដែលគម្រាមលំនៅឋាន១០ម៉ឺនខ្នងទៀត
-
ព័ត៌មានជាតិ១ សប្តាហ៍ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍៤ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ១ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ១ សប្តាហ៍ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ១ សប្តាហ៍ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច១ សប្តាហ៍ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៣ ម៉ោង agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
សេដ្ឋកិច្ច១ សប្តាហ៍ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា