ព័ត៌មានជាតិ
ក្រុមហ៊ុនហ៊ិននីគែន ខេមបូឌា សហការជាមួយអង្គការភាពជាដៃគូ ដើម្បីចីរភាពវិស័យកសិកម្មកម្ពុជា (CPSA) ដើម្បីគាំទ្រកសិករក្នុងស្រុក
ភ្នំពេញថ្ងៃទី ២៨ ខែធ្នូ ឆ្នាំ ២០២២ ៖ ក្រុមហ៊ុន ហ៊ិននីគែន ខេមបូឌា (HEINEKEN Cambodia) កំពុងសហការជាមួយអង្គការភាពជាដៃគូដើម្បីចីរភាពវិស័យកសិកម្មកម្ពុជា (CPSA) ដើម្បីពង្រឹងកំណើនវិស័យកសិកម្មប្រកបដោយបរិយាបន្ន និងនិរន្តរភាពនៅកម្ពុជាដែលជាផ្នែកមួយ នៃមហិច្ឆតា«ធ្វើឲ្យប្រទេសកម្ពុជាកាន់តែប្រសើរ» របស់ក្រុមហ៊ុនផលិតស្រាបៀរមួយនេះ។
ចាប់ពីខែធ្នូឆ្នាំនេះ កម្មវិធីដែលមានរយៈពេល ១៨ ខែ គ្រប់គ្រងដោយអង្គការ CPSA នឹងប្រើប្រាស់វិធីសាស្ត្ររួមមួយដើម្បីពង្រឹងសមត្ថភាពនៅទូទាំងដំណាក់កាលផ្សេងៗរាប់ចាប់ពីការដាំដុះរហូតដល់ការស្វែងរកទីផ្សារជាមួយនឹងការអនុវត្តកសិកម្ម និងអាជីវកម្មប្រកបដោយនិរន្តរភាព។ តាមរយៈការពង្រឹងសមត្ថភាពនេះ កសិករកាន់តែច្រើន នឹងមានលទ្ធភាពទទួលបានធនធានដែលពួកគេត្រូវការដើម្បីបង្កើនទិន្នផល ផលិតភាព និងប្រាក់ចំណូល។ កម្មវិធីនេះ នឹងចាប់ផ្ដើមជាមួយនឹងកសិករប្រមាណ ១៥០០ នាក់ ដែលជាសមាជិករបស់សហគមន៍កសិកម្មនានានៅក្នុងខេត្តកំពង់ស្ពឺ និងខេត្តកំពង់ឆ្នាំង។
លោកស្រី Anne De Graaf នាយិកាផ្នែកកិច្ចការសាជីវកម្ម នៃក្រុមហ៊ុនហ៊ិននីគែន ខេមបូឌា បានមានប្រសាសន៍ថា «អង្ករមួយគ្រាប់មានតម្លៃដ៏ធំធេងនៅសង្គមកម្ពុជា រាប់ចាប់ពីការណ៍ដែលយកមកធ្វើជាអាហារមូលដ្ឋានសម្រាប់គ្រប់គ្រួសាររហូតដល់បង្កើតបានជាឆ្អឹងខ្នងសេដ្ឋកិច្ចដ៏សំខាន់។ អង្ករក៏ជាគ្រឿងផ្សំសំខាន់មួយផងដែរ នៅក្នុងស្រាបៀរមួយចំនួនរបស់យើង។ ក្នុងនាមជាអ្នករួមចំណែកយ៉ាងសកម្មដល់សេដ្ឋកិច្ចជាតិ យើងយកចិត្តទុកដាក់យ៉ាងខ្លាំងទៅលើការងារដោយប្រយោលជាច្រើនដែលយើងគាំទ្រតាមរយៈខ្សែសង្វាក់ នៃផលិតកម្មទាំងមូលរបស់យើង ជាពិសេសកសិកររបស់យើងមានតួនាទីសំខាន់ក្នុងការទ្រទ្រង់វិស័យកសិកម្មនាពេលអនាគត។ តាមរយៈការចាប់ផ្ដើមកម្មវិធីនេះជាមួយអង្គការCPSA យើងសង្ឃឹមថា នឹងធ្វើកិច្ចការកាន់តែច្រើនថែមទៀតក្នុងការគាំទ្រសហគមន៍ជុំវិញយើង ក៏ដូចជាការអភិវឌ្ឍសង្គម និងសេដ្ឋកិច្ចរបស់ព្រះរាជាណាចក្រកម្ពុជា ស្របតាមយុទ្ធសាស្ត្ររយៈពេលវែងរបស់រាជរដ្ឋាភិបាល ដូច្នេះរួមគ្នាយើងអាចធ្វើឲ្យប្រទេសកម្ពុជាកាន់តែប្រសើរ»។
លោក លី សិរីឫទ្ធិ នាយកគ្រប់គ្រងអង្គការ CPSA បានមានប្រសាសន៍ថា «យើងសូមថ្លែងអំណរគុណចំពោះការគាំទ្ររបស់ក្រុមហ៊ុនហ៊ិននីគែន ខេមបូឌា ក្នុងការលើកកម្ពស់ និងអនុវត្តកម្មវិធីដ៏មានតម្លៃនេះ តាមរយៈគោលដៅរួមរបស់យើងក្នុងការបង្កើតប្រព័ន្ធស្បៀងអាហារប្រកបដោយបរិយាបន្នឋិតថេរ និងនិរន្តរភាព។ វិស័យស្រូវ គឺជាគន្លឹះចំពោះសេដ្ឋកិច្ចកម្ពុជា ហើយការអនុវត្តកម្មវិធីប្រកបដោយនិរន្តរភាពនេះ គឺជាកត្តាចាំបាច់ដើម្បីទ្រទ្រង់ជីវភាពរស់នៅរបស់ភាគីដែលពាក់ព័ន្ធទាំងអស់នៅក្នុងវិស័យនេះនាពេលអនាគត»។
ក្រុមហ៊ុន ហ៊ិននីគែន ខេមបូឌា ប្រើប្រាស់អង្ករក្នុងស្រុក ១០០ ភាគរយ នៅក្នុងប្រទេសកម្ពុជា ដើម្បីធ្វើជាគ្រឿងផ្សំផលិតស្រាបៀរមួយចំនួនដូចជា ម៉ាកស្រាបៀរAnchor និង Tiger ជាដើម។ ដើម្បីបង្កើនភាពវិលជុំក្នុងខ្សែសង្វាក់តម្លៃស្រូវដល់កម្រិតអតិបរមា ក្រុមហ៊ុនផលិតស្រាបៀរមួយនេះក្រោមភាពជាដៃគូជាមួយក្រុមហ៊ុន Berkeley Energy Commercial Industrial Solutions (BECIS) ក៏ប្រើប្រាស់អង្កាមដែលនាំយកមកពីរោងម៉ាស៊ីនកិនស្រូវក្នុងស្រុក និងកសិករផងដែរ ដើម្បីបង្កើតថាមពលកម្ដៅកកើតឡើងវិញ ១០០ ភាគរយ នៅរោងចក្រជីវម៉ាសរបស់ក្រុមហ៊ុននៅខណ្ឌច្បារអំពៅ នៃរាជធានីភ្នំពេញ ដែលជារោងចក្រជីវថាមពលដ៏ធំដំបូងគេបង្អស់ក្នុងប្រទេសកម្ពុជា ដោយយោងតាមប្រព័ន្ធតិចណូឡូជីរបស់រោងចក្រមួយនេះ។ ការប្រើប្រាស់អង្កាមធ្វើជាប្រភពឥន្ធនៈ បានប្រែក្លាយកាកសំណល់កសិកម្ម និងសរីរាង្គដែលត្រូវបានបោះចោលដោយរោងម៉ាស៊ីនកិនស្រូវ និងកសិករទៅជាប្រភពចំណូលបន្ថែមសម្រាប់សហគមន៍កសិកម្ម។
មហិច្ឆតារយៈពេលវែង “ធ្វើឲ្យប្រទេសកម្ពុជាកាន់តែប្រសើរ”របស់ក្រុមហ៊ុនហ៊ិននីគែន ខេមបូឌា មានគោលបំណងលើកកម្ពស់ការរួមចំណែកជាវិជ្ជមានតាមរយៈសសរស្ដម្ភសំខាន់ៗចំនួនបី គឺ និរន្តរភាពបរិស្ថាន និរន្តរភាពសង្គម និងការពិសាគ្រឿងស្រវឹងដោយការទទួលខុសត្រូវ ជាមួយនឹងគោលដៅចូលរួមចំណែកឆ្ពោះទៅរកពិភពលោកដែលមានកាបូនសូន្យ កាន់តែស្មើភាព និងកាន់តែមានសុខភាពល្អ។
សូមបញ្ជាក់ថា ក្រុមហ៊ុន ហ៊ិននីគែន ខេមបូឌា ជាក្រុមហ៊ុនផលិតស្រាបៀរឈានមុខគេមួយនៅកម្ពុជា ដែលបង្កើតឡើងក្នុងឆ្នាំ ១៩៩៤។ ជំរុញដោយគោលបំណងបង្កើតភាពសប្បាយរីករាយរួមគ្នា ក្រុមហ៊ុនបង្កើតបទពិសោធដ៏អស្ចារ្យសម្រាប់អ្នកពិសា និងអតិថិជន ដែលត្រូវការស្រាបៀរម៉ាកយីហោអន្តរជាតិគុណភាពខ្ពស់ដូចជាស្រាបៀរ Heineken© ស្រាបៀរ Tiger ស្រាបៀរ ABC ស្រាបៀរ Anchor និងស្រាបៀរ Gold Crown៕
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១០ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ