ព័ត៌មានជាតិ
សាលា៩៩កន្លែង ក្នុងខេត្តកំពត ទទួលបានឧបករណ៍វាស់កម្ដៅ និងបាញ់ទឹកអាកុលស្វ័យប្រវត្តិ
ឧបករណ៍វាស់កម្ដៅ និងបាញ់ទឹកអាល់កុលស្វ័យប្រវត្តិ ត្រូវបានប្រគល់ជូនទៅសាលាបឋមសិក្សា និងមត្តេយ្យចំនួន៩៩កន្លែង នៅក្នុងខេត្តកំពត។
នៅព្រឹកថ្ងៃទី៨ ខែមករា ឆ្នាំ២០២១ ឯកឧត្តម ជាវ តាយ អភិបាលនៃគណៈអភិបាលខេត្ត បាននាំប្រគល់ជូន និងបែងចែកឧបករណ៍វាស់កម្ដៅ និងបាញ់ទឹកអាល់កុលស្វ័យប្រវត្តិចំនួន ៩៩គ្រឿងដល់លោកគ្រូ អ្នកគ្រូ មកពីសាលាបឋមសិក្សា និងមត្តេយ្យសិក្សាចំនួន ៩៩កន្លែង ក្នុងស្រុកក្រុងទាំង៨ ក្នុងខេត្តកំពត ដើម្បីយកទៅប្រើប្រាស់។ បើតាមប្រធានមន្ទីរអប់រំយុវជន និងកីឡាខេត្តកំពត លោក តាក់ ហាប់ បានឲ្យដឹងថា អំណោយឧបករណ៍វាស់កម្ដៅ និងបាញ់អាកុលស្វ័យប្រវត្តិទាំងអស់នេះ បែងចែកជូនដល់សាលាបឋមសិក្សា និងមត្តេយ្យសិក្សានៅតាមបណ្ដាក្រុងស្រុកចំនួន៩៩សាលា ក្នុងនោះ ក្រុងកំពតចំនួន ១៣សាលា ស្រុកទឹកឈូ ១៣សាលា ស្រុកកំពង់ត្រាច១២សាលា ស្រុកបន្ទាយមាសចំនួន១២សាលា ស្រុកអង្គរជ័យ១២សាលា ស្រុកដងទង់១២សាលា ស្រុកឈូក១៣ស្រលា និងស្រុកជុំគិរីចំនួន១២សាលា ហើយឧបករណ៍ទាំងនេះ គឺចែកទៅសម្រាប់តែសាលាគោលដៅប្រើប្រាស់ ដូចជាសម្រាប់ក្រុងកំពត ជូនដល់គ្រប់សាលាមត្តេយ្យសិក្សា និងស្រុកទាំង៧ ជូនទៅតែសាលានៅទីប្រជុំជនប៉ុណ្ណោះ ដោយសារចំនួនមានកំណត់។
ឯកឧត្តម ជាវ តាយ អភិបាលខេត្តកំពត បានមានប្រសាសន៍ថា បញ្ហាជំងឺកូវីដ១៩ គឺបានរាតត្បាតជាសកលក្នុងពិភពលោក ហើយក្នុងនោះកម្ពុជាយើង ក៏បានរងនូវសម្ពាធដ៏អាក្រក់នៃជំងឺនេះ ផងដែរ ហើយប្រមុខរាជរដ្ឋាភិបាល តែងបានយកចិត្តទុកដាក់យ៉ាងខ្លាំងលើបញ្ហានេះ។
សូមជម្រាបថា កន្លងមកការបើក ឬបិទសាលា គឺដោយសារ រាជរដ្ឋាភិបាល ក៏ដូចជាក្រសួងសុខាភិបាល ព្រួយបារម្ភចំពោះសុវត្ថិភាពសិស្ស ពិសេសសិស្សតូចៗនៅមិនទាន់មានការយល់ដឹង ចំពោះបញ្ហាការបង្ការទប់ស្កាត់ជំងឺកូវីដ១៩នេះ។ ដូច្នេះអំឡុងពេលបើកសាលាឲ្យសិស្សរៀនវិញនេះ សូមលោកគ្រូអ្នកគ្រូ យកឧបករណ៍ទាំងនេះទៅប្រើប្រាស់ ឲ្យបានចំគោលដៅ ដើម្បីរួមគ្នាបង្ការទប់ស្កាត់ជំងឺកូវីដ១៩ មិនឲ្យឆ្លងរាលដាលចូលដល់ក្នុងសហគមន៍នៃខេត្តកំពត ជាដាច់ខាត៕
អត្ថបទ៖ សេង ណារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង