ព័ត៌មានជាតិ
ទំនាស់ព្រំដីបើមិនបញ្ចប់ គឺនឹងជួបផលលំបាកពេលចុះបញ្ជីកាន់កាប់ស្របច្បាប់
ទំនាស់ដី បើសិនជាភាគីទាំងសងខាងមិនព្រមបញ្ចប់ គឺងាយនិងជួបផលលំបាក ពេលដែលមន្ត្រីជំនាញភូមិបាលចុះទៅវាស់វែង ចុះជាប្រព័ន្ធសម្រាប់កាន់កាប់ដោយស្របច្បាប់។
ជាក់ស្តែងនៅព្រឹកថ្ងៃទី៨ ខែមករា ឆ្នាំ២០២១នេះ លោក ហ៊ត គឹមនី អភិបាលរងខណ្ឌច្បារអំពៅ បានចុះទៅពិនិត្យ និងសម្របសម្រួលករណីទំនាស់ព្រំដីជូនប្រជាពលរដ្ឋនៅភូមិកោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ ហើយក្នុងនោះភាគីបានឯកភាពលើការចុះវាស់វែងពីក្រុមការងាររបស់មន្ត្រីជំនាញសាលាខណ្ឌ ដើម្បីឲ្យបញ្ចប់ដោយគ្មានអ្នកឈ្នះឬអ្នកចាញ់។
ទាក់ទិនទៅនិងករណីទំនាស់ព្រំដីដូចមានខាងលើនេះ លោក ហ៊ត គឹមនី អភិបាលរងខណ្ឌច្បារអំពៅ បាននិយាយថា សព្វថ្ងៃនេះគណៈអភិបាលខណ្ឌរួមនិងមន្ត្រីជំនាញរបស់ភូមិបាលខណ្ឌច្បារអំពៅ តែងរួមគ្នារកដំដោះស្រាយរហូតបានជោគជ័យរាប់រយរឿង មានរឿងទំនាស់ខ្លះមានរហូតដល់១៨ឆ្នាំ ទើបបានបញ្ចប់នៅចុងឆ្នាំ២០២០នេះ។ លោកអភិបាលរងខណ្ឌ បានបន្តថា បើសិនជាភាគីទាំងសងខាងនៅតែជម្នះដោយមិនព្រមសម្របសម្រួលនោះ គឺងាយនិងជួបផលលំបាកក្នុងពេលដែលមន្ត្រីជំនាញរបស់ការិយាល័យភូមិបាលខណ្ឌច្បារអំពៅ ចុះវាស់វែង ដើម្បីធ្វើប្លង់កាន់កាប់ជាប្រព័ន្ធដោយស្របច្បាប់នោះ គឺមិនអាចវាស់វែងបាន ព្រោះផ្នែកជំនាញតម្រូវឲ្យភាគីមានព្រំដីជាប់គ្នា ត្រូវផ្តិតមេដៃលើឯកសារ ហើយបើសិនជានៅមានទំនាស់ចង់យកឈ្នះយកចាញ់នោះ គឺដីរបស់ភាគី ដែលមានទំនាស់ គឺមិនអាចមានឯកសារកាន់កាប់ដីធ្លីស្របច្បាប់បានឡើយ។
ដូច្នេះហើយម្ចាស់ដី ដែលតែងមានទំនាស់ព្រំដីគួរតែដឹកដៃគ្នាមកសម្របសម្រួលបញ្ចប់ទំនាស់នៅសាលាខណ្ឌច្បារអំពៅ កុំឲ្យអូសបន្លាយ ខណៈពេលដែលការិយាល័យភូមិបាលខណ្ឌច្បារអំពៅកំពុងបើកយុទ្ធនាការចុះវាស់វែងដីធ្លីជាប្រព័ន្ធដោយឥតគិតថ្លៃនេះ៕
អត្ថបទ៖ នរា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ