ព័ត៌មានជាតិ
អាជ្ញាធរសាងសង់ស្ពានបេតុងទី ៦ តភ្ជាប់ផ្លូវទៅតំបន់ទំនប់វារីអគ្គិសនីសេសានក្រោម ២
អាជ្ញាធរខេត្តស្ទឹងត្រែង ចាប់ផ្ដើមសាងសង់ស្ពានបេតុងទី ៦ ដែលរាជរដ្ឋាភិបាល បានផ្ដល់ឲ្យតភ្ជាប់ទៅដល់តំបន់ទំនប់វារីអគ្គិសនីសេសានក្រោម ២ ជាតំបន់ទេសចរណ៍ ហើយក៏ជាផ្លូវសម្រាប់បម្រើចរន្តការងាររបស់ប្រជាពលរដ្ឋពីភូមិ-ឃុំមួយ ទៅឃុំមួយទៀត និងជំរុញឲ្យមានកំណើនផ្នែកសេដ្ឋកិច្ចនៅតំបន់ត្រីកោណមាស។
លោក ស្វាយ សំអ៊ាង អភិបាលខេត្តស្ទឹងត្រែង ក្នុងឱកាសចុះពិនិត្យការសាងសង់ស្ពានបេតុងឆ្លងកាត់អូរជួរចាប ឃុំភ្លុក ស្រុកសេសាន បានមានប្រសាសន៍ថា នេះជាផែនការរបស់រាជរដ្ឋាភិបាលបង្កើនការអភិវឌ្ឍតំបន់ត្រីកោណមាស នៅភាគឦសាន នៃប្រទេសកម្ពុជា ដែលចាប់ផ្ដើមធ្វើការអភិវឌ្ឍ ស្ពាន ថ្នល់ ចេញពីទីរួមស្រុក ទៅតាមតំបន់ផ្សេងៗទៀត ប្រយោជន៍បម្រើសេចក្ដីត្រូវការរបស់ប្រជាជនយើងឲ្យទៅដល់ទីជនបទ។
លោកអភិបាលខេត្តមានប្រសាសន៍បន្តថា ស្ពានបេតុងថ្មីកំពុងសាងសង់នេះ ជាស្ពានទី ៦ ហើយ ដែលរាជរដ្ឋាភិបាល ផ្ដល់ជូនសាងសង់នៅតាមបណ្ដោយផ្លូវជួរមាត់ទន្លេសេសាន ហើយអាជ្ញាធរ នឹងយកដែកស្ពានបាលេចាស់ ទៅធ្វើតាមទីតាំងចាំបាច់ផ្សេងៗទៀត។
លោក ស គឹមណាត ប្រធានមន្ទីរសាធារណការ និងដឹកជញ្ជូនខេត្ត បានបញ្ជាក់ថា ផែនការនេះ មន្ទីរបានឲ្យមន្ត្រីជំនាញសិក្សាទីតាំងដែលត្រូវសាងសង់ស្ពានដែកនេះរួចហើយ រង់ចាំតែអាជ្ញាធរខេត្ត សម្រេចឲ្យដាក់នៅតំបន់ណា ក្នុងស្រុកមួយណាតែប៉ុណ្ណោះ ព្រោះតម្រូវការមានច្រើនកន្លែង។
លោកប្រធានមន្ទីរបន្តថា បច្ចុប្បន្នក្រុមមន្ត្រីជំនាញ កំពុងពន្លឿនការសាងសង់ស្ពានបេតុងឆ្លងកាត់អូរជួរចាបឲ្យហើយនៅមុនរដូវវស្សាក្នុងឆ្នាំ ២០២៣ នេះ ដើម្បីប្រជាពលរដ្ឋបានធ្វើដំណើរស្រួលមកពីឃុំតាឡាត ស្រែគរ និង ឃុំភ្លុក ទៅទីរួមខេត្តបានលឿនឆាប់រហ័ស។
លោក យូ ប្រុស ប្រជាពលរដ្ឋរស់នៅឃុំភ្លុក អ្នកបើកបរយានយន្តតាមផ្លូវនេះបានបញ្ជាក់ថា ចាប់តាំងពីឆ្នាំ ២០២០ មក តំបន់នេះមានផ្លូវស្ពានស្រួលធ្វើចរាចរណ៍ ព្រោះរាជរដ្ឋាភិបាលបានផ្ដល់ផ្លូវកៅស៊ូ ស្ពានបេតុង មូលដ្ឋានមានសោភណភាព ប្រជាពលរដ្ឋបានសប្បាយចិត្ត ព្រោះស្រួលធ្វើចរាចរណ៍ទៅមក។
សូមបញ្ជាក់ថា ស្ពានបេតុងឆ្លងកាត់អូរជួរចាប កំពុងសាងសង់នេះ មានប្រវែង ៤៨ ម៉ែត្រ ទទឹង ៨ ម៉ែត្រ បានផ្ដើមសាងសង់ចាប់ពីដើមខែវិច្ឆិកា ឆ្នាំ ២០២២ មក និងគ្រោងបញ្ចប់នៅចុងខែឧសភា ឆ្នាំ ២០២៣ ខាងមុខនេះ៕
អត្ថបទ ៖ ងិនលីម
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយទសវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
សមាគមសិល្បករខ្មែរ ទទួលបានការបណ្តុះបណ្តាលពីឥទ្ធិពលដ៏អាក្រក់ នៃការប្រើប្រាស់គ្រឿងញៀន
ធឿន ធារ៉ា អាចនឹងប៉ះ ឈឿង ល្វៃ ក្នុងព្រឹត្តិការណ៍យុទ្ធគុនចម្រុះបុរាណខ្មែរ
ភ្លៀងធ្លាក់ខ្លាំងមិនធ្លាប់មានក្នុងមួយទសវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា